ەكونوميكا • 12 قازان، 2021

ۇلتتىق جوبالاردى ىسكە اسىرۋ – حالىقتىڭ ءومىر ءسۇرۋ ساپاسىن جاقسارتۋ

373 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلىمىزدىڭ الەۋمەتتىك-ەكونوميكالىق دامۋى مەن 2021 جىلعى قاڭتار-قىركۇيەكتەگى رەسپۋبليكالىق بيۋدجەتتىڭ اتقارىلۋ قورىتىندىسى جانە مەملەكەتتىك ورگاندار ۇسىنعان ۇلتتىق دامۋ جوبالارى قارالدى.

ەكونوميكا قالپىنا كەلە باستادى

ءبىرىنشى ماسەلە بويىنشا ۇلتتىق ەكونوميكا ءمينيسترى اسەت ەرعاليەۆ، ۇلتتىق بانك توراعاسى ەربولات دوساەۆ، قارجى ءمينيسترى ەرۇلان جاماۋباەۆ ەكونوميكانىڭ دامۋى، اقشا-كرەديت ساياساتى، رەسپۋبليكالىق بيۋد­جەتتىڭ اتقارىلۋى، مەملەكەتتىك ساتىپ الۋ­لارداعى جەرگىلىكتى قامتۋ تۋرالى باياندادى.

ماسەلەنى قورىتىندىلاعان ۇكىمەت باس­شىسى اسقار مامين ۇلتتىق ەكونوميكا سەنىمدى قالپىنا كەلۋ قارقىنىن كورسەتىپ وتىرعانىن اتاپ ءوتتى. بيىلعى توعىز ايدىڭ قورىتىندىسى بويىنشا ءىجو ءوسىمى 3،4% قۇرادى. ەكونوميكانى قالپىنا كەلتىرۋگە داعدارىسقا قارسى ۋاقتىلى قابىلدانعان شارالار ارقىلى قول جەتكىزىلدى. ەكونوميكانى جەدەلدەتۋدىڭ نەگىزگى دراي­ۆەرى – ناقتى سەكتورداعى ءوندىرىستىڭ تۇراقتى ءوسۋى. وسىلايشا، وڭدەۋ ونەر­كاسىبى ءوندىرىسىنىڭ كولەمى 5،7%-عا ءوستى. ءوسىم ماشينا جاساۋدا – 22،8%-عا، ونىڭ ىشىندە اۆتوموبيل جاساۋدا – 31،6%-عا، لوكوموتيۆتەر مەن ۆاگوندار وندىرى­سىندە – 50،5%-عا، قۇرىلىس ماتەريالدارى وندى­رى­سىندە – 10،1%-عا، فارماتسەۆتيكادا – 38،1%-عا، پلاستماسسا بۇيىمدارى وندىرىسىندە – 31،4%-عا، كيىم وندىرىسىندە – 14%-عا، جيھاز وندىرىسىندە – 14،9%-عا، دايىن مەتالل بۇ­يىم­دارى وندىرىسىندە 17،2%-عا جوعارىلادى.

قىزمەت كورسەتۋ سەكتورىندا كارانتيندىك جەڭىلدىكتەر اياسىندا سەنىمدى قالپىنا كەلۋ بايقالادى. ساۋدا (+9،3%) جانە باي­لانىستاعى (+13،0%) جوعارى ديناميكا ەسەبىنەن ءوسۋ قارقىنى 2،9%-عا جەتتى. قۇ­رىلىس 9،7%-عا ءوستى. 9 ايدا ەلىمىزدە 10،4 ملن شارشى مەتر تۇرعىن ءۇي پايدالانۋعا بەرىلدى، بۇل – وتكەن جىلدىڭ سايكەس كەزەڭىمەن سالىستىرعاندا 8%-عا ارتىق.

ينۆەستيتسيالاردىڭ ءوسۋىن قايتا قالپىنا كەلتىرۋ جالعاستى. نەگىزگى كاپيتالعا سالىنعان ينۆەستيتسيالاردىڭ جوعارى كور­سەتكىشتەرى قۇرىلىستا (+126،3%)، وڭدەۋ ونەر­كاسىبىندە (+80،6%)، ساۋدادا (+37،8%)، اۋىل شارۋاشىلىعىندا (+36،7%)، جىلجىمايتىن م ۇلىك وپەراتسيالارىندا (+18،9%)، قارجى قىزمەتىندە (+15،6%)، اقپارات پەن بايلانىستا (+14،3%) بايقالدى.

بيىل قاڭتار-قىركۇيەك ايلارىنىڭ قورى­تىندىسى بويىنشا الماتى، اقمولا، جامبىل، قوستاناي وبلىستارى جانە شىمكەنت قالاسى بارلىق 7 نەگىزگى ماك­رو­كورسەتكىش بويىنشا، اتىراۋ، قاراعاندى، قىزىلوردا، پاۆلودار، سولتۇستىك قازاقستان، تۇركىستان وبلىستارى جانە نۇر-سۇلتان قالاسى 6 كورسەتكىش بويىنشا، اقتوبە، ماڭعىستاۋ، شىعىس قازاقستان وبلىستارى جانە الماتى قالاسى 5 كورسەتكىش بو­يىنشا الەۋمەتتىك-ەكونوميكالىق دامۋدى قامتاماسىز ەتتى. ەڭ تومەنگى كورسەتكىش باتىس قازاقستان وبلىسىنا تيەسىلى.

ۇكىمەت باسشىسى ەكونوميكانىڭ ءوسۋ قارقىنىن ارتتىرۋ جانە ءارتاراپتاندىرۋ، ينۆەستيتسيالار تارتۋ جانە جۇمىس ورىندارىن قۇرۋ، ازىق-ت ۇلىك تاۋارلارى باعاسىنىڭ ءوسۋىن تەجەۋ جونىندەگى جۇمىستى كۇشەيتۋدى، سونداي-اق ينفلياتسياعا قارسى دەن قويۋ شارالارى كەشەنىنىڭ ساپالى ورىندالۋىن قامتاماسىز ەتۋدى تاپسىردى.

 ۇكىمەت ۇلتتىق دامۋ جوبالارىن بەكىتتى

ۇكىمەت وتىرىسىندا ۇلتتىق جوبالار قارالدى، ولاردى بيىل 24 قىركۇيەكتە رەفورمالار جونىندەگى جوعارى كەڭەس وتىرىسىندا مەملەكەت باسشىسى ماقۇلدادى. ۇلتتىق ەكونوميكا ءمينيسترى اسەت ەرعاليەۆ، اۋىل شارۋاشىلىعى ءمينيسترى ەربول قاراشوكەەۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، ءبىلىم جانە عىلىم ءمينيسترى اسحات ايماعامبەتوۆ، دەنساۋلىق ساقتاۋ ءمينيسترى الەكسەي تسوي، اقپارات جانە قوعامدىق دامۋ ءمينيسترى ايدا بالاەۆا، ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ بايانداما جاسادى.

350-گە جۋىق ەكسپورتشى Alibaba جانە Amazon سياقتى ءىرى پلاتفورمالارعا شىعارىلادى

اسەت ەرعاليەۆ ءوزى باسقاراتىن ۇلت­تىق ەكونوميكا مينيسترلىگىنىڭ مەملە­كەت­تىك ورگاندارمەن بىرلەسىپ، 3 ۇلتتىق جوبا­نى ازىرلەگەنىن ايتتى. «ولار – «قازاق­ستان­دىقتاردىڭ ءال-اۋقاتىن ارتتىرۋعا باعىتتالعان تۇراقتى ەكونوميكالىق ءوسۋ»، «كاسىپكەرلىكتى دامىتۋ»، سونداي-اق «قۋاتتى وڭىرلەر – ەل دامۋىنىڭ درايۆەرى» ۇلتتىق جوبالارى. اتالعان جوبالار ەلىمىزدىڭ 2025  جىلعا دەيىنگى دامۋىنىڭ ۇلتتىق جوسپارىن جانە Nur Otan پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ىسكە اسىرۋ بو­يىنشا جول كارتاسىن ورىنداۋ ماقساتىندا ازىرلەندى»، دەدى ءا.ەرعاليەۆ.

اتالعان باعىتتاردى ىسكە اسىرۋ شەڭ­بەر­ىندە 6 مىندەت، 13 كورسەتكىش جانە 55 ءىس-شارا كوزدەلگەن. ۇلتتىق جوبانى قارجى­لان­دىرۋدىڭ جالپى كولەمى 15،9 ترلن تەڭگە، ونىڭ ىشىندە رەسپۋبليكالىق بيۋدجەتتەن 402 ملرد تەڭگە قاراستىرىلعان. 15،5 ترلن تەڭگەگە جەكە ينۆەستيتسيالار تارتۋ كوز­دە­لىپ وتىر. ۇلتتىق جوبا 2025 جىلعا قاراي تۇ­راق­تى ەكونوميكالىق ءوسۋدى 5%-دان جو­عارى دەڭگەيدە قامتاماسىز ەتۋگە باعىت­تالعان.

وڭدەۋ ونەركاسىبى كاسىپورىندارىن تەح­نولوگيالىق جاڭعىرتۋ بويىنشا شارالار قابىلدانادى. ءوندىرىس كولەمىن ۇلعايتۋعا جانە وڭدەۋ ونەركاسىبى تاۋارلارىنىڭ نومەنكلاتۋراسىن كەڭەيتۋگە ىقپال ەتەتىن 418 يندۋستريالىق جوبانى ىسكە قوسۋ جوس­پارلانۋدا. «ۇلتتىق جوبا شەڭبەرىندە
1 مىڭ بەلسەندى ەكسپورتتاۋشىنىڭ سىرتقى نارىقتارعا شىعۋى، سونداي-اق 350-گە جۋىق ەكسپورتتاۋشىنى Alibaba جانە Amazon سياقتى حالىقارالىق ەلەكتروندى پلات­فور­مالارعا شىعارۋ قامتاماسىز ەتىلەدى»، دەدى ۇلتتىق ەكونوميكا ءمينيسترى.  

وڭدەۋ ونەركاسىبىنىڭ جوعارى تەحنو­لو­گيا­لىق ونىمدەرىن شىعارۋ ماقساتىندا 2025 جىلعا قاراي 5 مۇناي-گاز-حيميا زاۋى­تىن پايدالانۋعا بەرۋ جوسپارلانۋدا. ەنەرگەتيكالىق كەشەندى بەلسەندى جاڭعىرتۋ ارقىلى ەلەكتر ەنەرگياسىن ءوندىرۋدىڭ جالپى كولەمىندەگى جاڭارتىلاتىن ەنەرگيا كوزدەرىنىڭ ۇلەسى 6%-عا جەتەدى.  قابىلدانعان شا­رالار ناتيجەسىندە وڭدەۋ ونەركاسىبى ونىم­دەرىنىڭ ءوندىرىسى 1،5 ەسەگە ارتادى. شيكى­زاتتىق ەمەس ەكسپورت 2  ەسەگە ۇلعايىپ، 2025 جىلى 41 ملرد دوللاردى قۇرايدى. شيكىزاتتىق ەمەس سەكتوردىڭ نەگىزگى كاپيتالىنا ينۆەستيتسيالاردى 75%-عا ارتتىرۋ جوسپارلانۋدا.

ۇلتتىق جوبانى قارجىلاندىرۋدىڭ جالپى كولەمى شامامەن 8،5 ترلن تەڭگەنى قۇرايدى، ونىڭ ىشىندە رەسپۋبليكالىق بيۋد­جەتتە 1 ترلن تەڭگەدەن استام قارجى، ال جەرگىلىكتى بيۋدجەتتەردە 125 ملرد تەڭگە قاراس­تىرىلعان. سونداي-اق، 7،3 ترلن تەڭگە سوما­سىنا جەكە ينۆەستيتسيالار تارتۋ قامتا­ماسىز ەتىلەدى.

 اۋىل شارۋاشىلىعىنىڭ باسىم باعىتتارى قامتىلدى

اۋىل شارۋاشىلىعى ءمينيسترى ەربول قاراشوكەەۆ اگروونەركاسىپتىك كەشەن­دى دامىتۋدىڭ 2021-2025 جىلدارعا ارنال­عان ۇلتتىق جوباسى ازىرلەنگەنىن ايتتى. «ۇلتتىق جوبانى ازىرلەۋ كەزىندە اگرو­ونەر­كاسىپتىك كەشەندى دامىتۋداعى جاھان­دىق سىن-قاتەرلەر مەن الەمدىك ترەند­تەر، الدىڭعى مەملەكەتتىك جانە سالالىق باعدارلامالاردى ىسكە اسىرۋ قورىتىن­دى­لارى ەسكەرىلدى. ۇلتتىق جوبانى ازىرلەۋگە حالىقارالىق FAO ۇيىمىنىڭ ساراپشىلارى تارتىلدى»، دەدى ە.قاراشوكەەۆ.

مەملەكەت باسشىسىنىڭ تاپسىرمالارىنا سايكەس ۇلتتىق جوبانىڭ مىناداي نەگىزگى مىندەتتەرى ايقىندالدى: ەڭبەك ونىمدىلىگىن 2،5 ەسە ارتتىرۋ; وتاندىق ءوندىرىستى نەگىزگى ازىق-ت ۇلىك تاۋارلارىمەن قامتاماسىز ەتۋ; وڭدەلگەن ءونىم ۇلەسىن 70%-عا دەيىن جەت­كىزە وتىرىپ، اگروونەركاسىپتىك كەشەن ونىمدەرىنىڭ ەكسپورتىن 2 ەسە ۇلعاي­تۋ; 7 ءىرى ەكوجۇيە قالىپتاستىرۋ جانە ينۆەس­تي­تسيالىق جوبالاردى ىسكە اسىرۋ ەسەبىنەن 1 ملن اۋىل تۇرعىنىنىڭ تابىسىن تۇراقتى ارتتىرۋ. ەڭبەك ونىمدىلىگىن 2،5 ەسە ارتتىرۋ ماقساتىنا قول جەتكىزۋ ءۇشىن نەگىزگى فاكتورلار ايقىندالدى.

 «جاسىل قازاقستان» ءومىر سۇرۋگە قولايلى ورتا قۇرۋدى كوزدەيدى

ەكولوگيا، گەولوگيا جانە تابيعي رەسۋرس­تار ءمينيسترى سەرىكقالي برەكەشەۆ وزدەرى ازىرلەگەن «جاسىل قازاقستان» ۇلتتىق جوباسى حالىقتىڭ قولايلى ءومىر ءسۇرۋ ورتاسىن قۇرۋعا جانە ەلدەگى ەكولوگيالىق جاعدايدى جاقسارتۋعا باعىتتالعانىن، ول 4 نەگىزگى باعىتتى قامتيتىنىن ايتتى.

«تازا قازاقستان» اتتى ءبىرىنشى باعىت اتموسفەرالىق اۋانىڭ ساپاسىن جاقسارتۋ، قالدىقتاردى باسقارۋ جانە ەلىمىزدىڭ سۋ وبەكتىلەرىنىڭ ەكوجۇيەلەرىن ساقتاۋ سياقتى نەگىزگى ەكولوگيالىق ماسەلەلەردى شەشۋگە ىقپال ەتەدى. بۇل باعىت اياسىندا 5 جىلدىڭ ىشىندە 16 ءىرى ونەركاسىپتىك كاسىپورىندا شىعارىندىلاردى 20%-عا تومەندەتۋ جوسپارلانىپ وتىر. قاتتى تۇرمىستىق قالدىقتاردى بولەكتەپ جيناۋعا ارنالعان 8 مىڭنان استام كونتەينەر ورناتۋ، سونداي-اق ولاردىڭ ۇلەسى مەن كادەگە جاراتىلۋىن 18%-دان 34%-عا دەيىن ۇلعايتۋ جوسپارلانۋدا. «سۋ وبەكتىلەرىنىڭ ەكوجۇيەسىن ساقتاۋ بولىگىندە «سىرداريا وزەنى ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» جوباسىنىڭ ەكىنشى كەزەڭىن ىسكە اسىرۋ جوسپارلانىپ وتىر. بالقاش كولىنىڭ باسسەينىندە ورنالاسقان وزەندەردىڭ سۋ كولەمى مەن وتكىزۋ قابىلەتىن ۇلعايتۋ شارالارى قاراستىرىلعان»، دەدى ول.

 سمارتفوندارداعى مەملەكەتتىك قىزمەت

تسيفرلىق دامۋ جانە اەروعارىش ونەر­كاسىبى ءمينيسترى باعدات مۋسين وزدەرى ازىرلەگەن «تسيفرلاندىرۋ، عىلىم جانە يننو­ۆاتسيالار ەسەبىنەن تەحنولوگيالىق سەرپىلىس» ۇلتتىق جوباسىن ىسكە اسىرۋ شەڭ­بەرىندە مىنا كورسەتكىشتەرگە قول جەتكىزۋ جوسپارلانعانىن ايتتى: ينتەرنەت جەلىسىنىڭ ەنۋ دەڭگەيى، ياعني پايدالانۋشىلاردىڭ سانىن  91%-دان 95%-عا جەتكىزۋ; مەملەكەتتىك قىزمەتتەردى 9 كۇننەن 5 مينۋتقا دەيىن ۋاقىتىن قىسقارتۋ; بيزنەستەن تالاپ ەتىلەتىن دەرەكتەردىڭ 50%-ىن ونلاين ەسەپكە الۋ جانە تاعى باسقا شارالار.

«قىزمەتتەردى 5 مينۋت ىشىندە كورسە­تۋ ءۇشىن حقكو-لاردى جاڭعىرتۋعا/قايتا فور­ماتتاۋعا، مەملەكەتتىك قىزمەتتەر­دى اۆتوماتتاندىرۋعا ەمەس، ومىرلىك جاع­داي­لاردىڭ 80%-نا دەيىن اۆتوماتتاندىرۋعا كوڭىل بولەمىز، 2025 جىلعا قاراي ولاردىڭ 50%-ىن پرواكتيۆتى تۇردە ىسكە اسىرۋعا ۇم­تى­لامىز. سونداي-اق سمارتفونداردا مەم­­لەكەتتىك قىزمەتتەردىڭ 100% قولجەتىم­دىلىگىن قامتاماسىز ەتەمىز»، دەدى ب.مۋسين.

 2025 جىلعا قاراي – 1000 مەكتەپ قۇرىلىسى

ءبىلىم جانە عىلىم ءمينيسترى ا.ايما­عام­بەتوۆ وزدەرى ازىرلەگەن BILIMDI ŪLT بارشاعا ارنالعان ساپالى ءبىلىم» ۇلت­تىق جوباسى قوعام وكىلدەرىمەن، ءبىلىم سالا­­سىنىڭ ساراپشىلارىمەن كەڭىنەن تالقى­لان­عانىن ايتتى. ۇلتتىق جوبا مەم­لەكەت باسشىسىنىڭ جانە Nur Otan پار­تياسىنىڭ سايلاۋالدى باعدارلاماسىندا بەلگىلەنگەن نەگىزگى مىندەتتەردى قامتىدى. جالپى ول 4 باعىت، 5 مىندەت، 15 كورسەتكىش جانە 26 ءىس-شا­رادان تۇرادى.

ءبىرىنشى مىندەت – مەكتەپكە دەيىنگى تاربيە مەن وقىتۋدىڭ قولجەتىمدىلىگىن جانە ساپاسىن قامتاماسىز ەتۋ. «ول ءۇشىن ءبىز مەكتەپكە دەيىنگى ۇيىمداردىڭ جەلىسىن دامىتامىز، مەملەكەتتىك تاپسىرىس ۆاۋچەرلىك قارجىلاندىرۋ ارقىلى ورنالاستىرىلادى. سونىمەن بىرگە، مەملەكەت باسشىسىنىڭ تاپسىرماسى شەڭبەرىندە بارلىق بالاباقشادا بالانى دامىتۋدىڭ جاڭا مودەلى ەنگىزىلەدى.

ناتيجەسىندە، 2025 جىلعا قاراي 2-6 جاس­تاعى بالالاردى قامتۋ 95%-عا جەتەدى، ال 3-6 جاستا قامتۋ 100% بولادى. ەكىنشى مىندەت ورتا ءبىلىم بەرۋ جۇيەسىنىڭ ساپاسىن ارتتىرۋدى قامتيدى.  

ال دەنساۋلىق ساقتاۋ ءمينيسترى ا.تسوي ۆەدومستۆو 2021-2025 جىلدارعا ارنالعان «سالاماتتى ۇلت» ءار ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسىن ازىرلەگەنىن باياندادى. ۇلتتىق جوبا 4 باعىتتان تۇرادى.

ماسەلەن، ۇلتتىق جوبانىڭ ءبىرىنشى باعىتىن ىسكە اسىرۋ حالىقتىڭ مەديتسينالىق قىزمەت ساپاسىنا قاناعاتتانۋىن 80%-عا دەيىن ارتتىرۋعا مۇمكىندىك بەرەدى.

 باستى ماقسات – ۇلتتىق كودتى ساقتاپ، زامانعا بەيىمدەلۋ

اقپارات جانە قوعامدىق دامۋ ءمينيسترى ا.بالاەۆا اتاپ وتكەندەي، «ۇلتتىق رۋحاني جاڭعىرۋ» جوباسىنىڭ باستى ماقساتى –  عاسىرلار بويى قالىپتاسقان ۇلتتىق كودتى ساقتاپ، بۇگىنگى تەحنولوگيالىق زاماننىڭ اعىمىنا بەيىمدەپ، بولاشاقتاعى وركەنيەتتىك سانانىڭ نەگىزىن بەكىتۋ.

وسى رەتتە ۇلتتىق جوبا نەگىزگى ءۇش باعىتتا جۇزەگە اسىرىلادى. ءبىرىنشى باعىت ەكى نەگىزگى مىندەتتى كوزدەيدى. بۇل – ۇلتتىق قۇندىلىقتارىمىزدى ىلگەرىلەتۋ جانە مەملەكەتتىك ءتىلدى دامىتۋ.  بۇل مىندەتتەردى ورىنداۋ ءۇشىن 2025 جىلعا دەيىن قارجىلىق جاعىنان نەگىزدەلىپ، ءوزارا بىرىكتىرىلگەن 38 اۋقىمدى ءىس-شارا مەن 8 ناقتى كورسەتكىشكە جەتۋ جوسپارلانعان.

ەكىنشى باعىت «ەل رۋحى» دەگەن اتاۋ­مەن ەكى ۇلكەن مىندەتتەن تۇرادى. بۇل – ەل ىشىندە مادەني قىزمەتتەردىڭ ساپاسىن كوتەرىپ، حالىققا قولجەتىمدىلىگىن ارتتىرۋ جانە ەل سىرتىندا وتاندىق مادەنيەتتى دارىپتەپ، تانىمال ەتۋ. اتاپ ايتقاندا، 2025 جىلعا دەيىن: مادەني ينفراقۇرىلىمدى دامىتۋ مەن شىعارماشىلىق پوتەنتسيال­دى بارىنشا ارتتىرۋ ارقىلى مادەني قىزمەتتەردىڭ ەلىمىزدىڭ شالعاي اۋدان-اۋىلدارداعى قولجەتىمدىلىگىن 92،5%-عا دەيىن جەتكىزۋ; ءتول مادەنيەت پەن ونەرىمىزدىڭ جەتىستىكتەرىن الەمدىك دەڭگەيدە ىلگەرىلەتۋ ءۇشىن وتاندىق ونىمدەردى شىعارماشىلىق جانە تەحنولوگيالىق تۇرعىدا تاراتۋدىڭ ءتيىمدى جۇيەسىن قالىپتاستىرۋ.  بۇل ماقساتتا ىرىكتەلگەن 13 جالپىۇلتتىق ءىس-شارا مەن 5 ناقتى كورسەتكىشكە جەتۋ جوسپارلانعان، ونىڭ ىشىندە 250 جاڭا مادەني نىسان سالىنىپ،
1 200 نىسان كۇردەلى جوندەۋدەن وتەتىن بولادى.

ءۇشىنشى باعىت «تاۋەلسىزدىك ۇرپاقتارى» دەپ اتالادى. ول جاستاردىڭ رۋحاني كەمەلدەنىپ، كاسىبي ءوسىپ، قوعامدىق جەتىلۋىن كوزدەيتىن ءۇش اۋقىمدى مىندەتتى قامتيدى.

ۇلتتىق جوبالاردى ءتۇسىندىرۋدىڭ ماڭىزى زور

ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى ق.كەلىمبەتوۆ ۇلتتىق جوبالاردى ساپالى ىسكە اسىرۋ ەرەكشە ماڭىزعا يە ەكەنىن ايتتى. وسىعان بايلانىستى، ۇلتتىق جوبالاردى ىسكە اسىرۋ مونيتورينگى بويىنشا كەڭسەنىڭ قىزمەتىن جانداندىرۋ قاجەت. ساپالى ورىنداۋ ءۇشىن ۇلتتىق جوبانىڭ كۋراتورى دەڭگەيىندە ءاربىر ۇلتتىق جوبا بويىنشا اپتا سايىن مونيتورينگتىك كەڭەستەر وتكىزۋ قاجەت. اي سايىن پرەمەر-ءمينيستردىڭ توراعالىعىمەن كەڭەستەر وتكىزۋ ۇسىنىلادى.

پرەزيدەنت تاپسىرمالارىنا سايكەس، وڭىرلەردى دامىتۋ جوسپارلارىن بەكىتىلگەن ۇلتتىق جوبالارعا سايكەس جاڭارتۋ مىندەتى تۇر. بۇل ءۇشىن ورتالىق مەملەكەتتىك جانە جەر­گىلىكتى اتقارۋشى ورگانداردىڭ ۇيلەسىمدى جانە جەدەل جۇمىسى تالاپ ەتىلەدى. «سا­لالاردى دامىتۋدىڭ ءتيىستى تۇجىرىمدا­مالارىن جەدەل ازىرلەۋ مەن بەكىتۋدى قام­تا­ماسىز ەتۋ ماڭىزدى. مەملەكەتتىك ورگاندار بۇل جۇمىستى باستاپ كەتتى، 2021 جىلعى 1 جەلتوقسانعا دەيىن دامۋ تۇجىرىمداماسىن بەكىتۋدى ورىندى دەپ سانايمىز، ەل پرە­زيدەنتىنىڭ جوعارى كەڭەستىڭ وتىرىسىندا بەرگەن تاپسىرماسىنا سايكەس ۇلتتىق جوبالار بويىنشا كەڭ اۋقىمدى اقپاراتتىق ناۋقان وتكىزۋدىڭ دە ماڭىزى زور بولادى»، دەپ تۇيىندەدى ق.كەلىمبەتوۆ.

ماسەلەنى ۇكىمەت باسشىسى اسقار مامين قورىتىندىلادى. «مەملەكەت باس­شىسى قاسىم-جومارت توقاەۆ 2020 جىلعى 1 قىر­كۇيەكتەگى قازاقستان حالقىنا جولداۋىندا مەملەكەتتىك باعدارلامالاردان ۇلتتىق جوبالارعا كوشۋدى قامتاماسىز ەتۋدى تاپسىردى. مەملەكەتتىك جوسپارلاۋدىڭ جاڭا جۇيەسىن ىسكە اسىرۋ اياسىندا ۇلكەن جۇمىس اتقارىلدى»، دەدى ا.مامين.

«تۇراقتى ەكونوميكالىق ءوسۋ»، «كاسىپ­كەر­لىكتى دامىتۋ»، «قۋاتتى وڭىرلەر – ەل دامۋىنىڭ درايۆەرى» ۇلتتىق جوبالارى، 2021-2025 جىلدارعا ارنالعان اگروونەر­كاسىپتىك كەشەندى دامىتۋ جونىندەگى ۇلتتىق جوبا، «جاسىل قازاقستان»، «تسيفرلاندىرۋ، يننوۆاتسيالار جانە عىلىم ەسەبىنەن تەحنولوگيالىق سەرپىلىس»، ء«بىلىمدى ۇلت» ساپالى ءبىلىم بەرۋ»، «سالاماتتى ۇلت» ءار ازامات ءۇشىن ساپالى جانە قولجەتىمدى دەنساۋلىق ساقتاۋ»، «ۇلتتىق رۋحاني جاڭعىرۋ» ۇلتتىق جوبالارى بيىل قابىلدانعان جالپىۇلتتىق باسىمدىقتاردى، ۇلتتىق دامۋ جوسپارى مەن ۇلتتىق قاۋىپسىزدىك ستراتەگياسىن ىسكە اسىرۋ ءۇشىن ازىرلەندى.

پرەمەر-مينيستر ۇلتتىق جوبالار­دا كوزدەلگەن ءىس-شارالار مەملەكەت باس­شىسىنىڭ تاپسىرمالارىنا جانە Nur Otan پارتياسىنىڭ سايلاۋالدى باعدارلاماسىندا قويىلعان مىندەتتەرگە تولىق سايكەس كەلە­تىنىن اتاپ ءوتتى. ۇلتتىق جوبالاردى ىسكە اسىرۋ ەكونوميكانىڭ ورنىقتىلىعى مەن باسەكەگە قابىلەتتىلىگىن ودان ءارى ارتتىرۋدىڭ، قازاقستاندىقتاردىڭ ءومىر ءسۇرۋ ساپاسىن جاقسارتۋدىڭ فاكتورىنا اينالادى. قويىلعان مىندەتتەرگە قول جەتكىزۋ ماقساتىندا ۇلتتىق جوبالاردى بيۋدجەت قاراجاتى جانە جەكە ينۆەستيتسيالار ەسەبىنەن باسىم قارجىلاندىرۋ كوزدەلگەن.  

ۇكىمەت باسشىسى جوبالىق تاسىلدەردى قولدانا وتىرىپ، ۇلتتىق جوبالاردى ساپالى ىسكە اسىرۋدى قامتاماسىز ەتۋدى تاپسىردى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار