الەم • 21 قىركۇيەك، 2021

پينگۆيندەردى ارا شاعىپ ءولتىردى

28 رەت كورسەتىلدى

افريكادا جويىلىپ كەتۋ قاۋپى بار دەپ تىركەلگەن 63 پينگۆين ءولدى. قۇستار كەيپ­تاۋ­نعا جاقىن جەردە مۇلدە كۇت­پەگەن سەبەپتەن قىرىلعان دەيدى وڭتۇستىك افري­كا­داعى قۇستاردى قورعاۋشىلار.

سيمونستاۋنداعى كولونيادا تىركەلىپ، سول جاقتا باعىلعان قۇستاردى تەڭىز جاعاسىندا ەشقانداي دەنە جاراقاتىنسىز تاپقان. ولاردىڭ ولىمىنە سەبەپشى – ارالار.

«بۇل – وتە سيرەك كەزدەسەتىن جاعداي. مۇندايدى ءتىپتى ويلاپ تا كورمەپپىز، كەزدەيسوقتىق دەپ قا­بىل­داۋ­دان باسقا شارا جوق»، دەدى جەرگىلىكتى ۆەتەرينار دەۆيد روبەرتس. وڭتۇستىك افريكانىڭ جاعالاۋداعى قۇستاردى ساقتاۋ قورىندا (Sanccob) جۇمىس ىستەيتىن مامان وقيعا ورنىندا ءولى ارالار دا تابىلعانىن ايتتى.

وڭتۇستىك افريكا ۇلتتىق پاركى اگەنتتىگى (SANParks) مۇنداي وقيعا قايتالانباۋى ءۇشىن تەكسە­رىس جۇرگىزىلىپ جاتقانىن مالىمدەدى.

افريكا پينگۆيندەرى كىشكەنتاي بولىپ كە­لە­دى جانە وڭتۇستىك افريكانىڭ، ناميبيانىڭ جاعالاۋلارى مەن ارالدارىن مەكەندەيدى. دەگەنمەن ولاردىڭ گابوننىڭ سولتۇستىگىندە دە بايقالعانى تۋرالى اقپارات بار.

حالىقارالىق تابيعاتتى قورعاۋ وداعىنىڭ ما­لىم­­­دەمەسىنە سۇيەنسەك، پينگۆيندەردىڭ بۇل ءتۇرىنىڭ سانى جىلدان-جىلعا ازايىپ بارادى. ۇيىم بۇعان سەبەپ رەتىندە، نەگىزىنەن، كوممەرتسيالىق بالىق اۋلاۋ مەن قورشاعان ورتانىڭ لاستانۋىن العا تارتادى. ال بال ارالارى – جەرگىلىكتى ەكوجۇيەنىڭ اينىماس بولىگى.

ۇلتتىق پارك ءوز مالىمدەمەسىندە جاعدايدى باقى­لاۋ­دى جالعاستىراتىنىن حابارلادى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار