الەم • 20 قىركۇيەك، 2021

يتاليا مىندەتتى ۆاكتسينالاۋعا كوشەدى

15 رەت كورسەتىلدى

Covid-19 ەۋروپا ەلدەرىنىڭ اراسىندا ءبىرىنشى بولىپ يتاليادا انىقتالعانى ءمالىم. انىقتالىپ قانا قوي­ماي، وسى ەل ۇكىمەتى العاشقىلاردىڭ ءبىرى بولىپ تو­تەن­شە جاعداي جاريالاعان-دى. ازاماتتاردىڭ ءومىرىن ساقتاپ قالۋ ءۇشىن يتاليا تولەگەن اقى دا از ەمەس.

جاقىندا يتاليا ۇكىمەتى ەلدەگى بارلىق قىزمەتكەر دەنساۋلىق پاسپورتىن كورسەتۋگە مىندەتتى ەكەنىن، ال ول بولماعان جاعدايدا جۇمىستان شەتتەتىلەتىنىن مالىمدەدى. 23 ميلليونعا جۋىق مەملەكەتتىك قىزمەتشىلەر مەن جەكە سەكتور قىزمەتكەرلەرى Green Pass دەپ اتالاتىن «جاسىل پاسپورت» كورسەتۋى كەرەك. بۇل قۇجات ازاماتتىڭ ەكپە العانى، پتر تەستىنىڭ ناتيجەسى تەرىس ەكەنى نە جاقىندا عانا ىندەتتەن جازىلىپ، ەم العانى تۋرالى اقپارات بەرەدى. بۇل جۇمىستان بولەك، مەملەكەت مىندەتتەگەن 1 500 ەۋرو كولەمىندەگى ايىپپۇلدان بوساتادى.

ەل ساياساتكەرلەرى وقۋ جىلىنىڭ باستالعانىن، وعان قوسا كوروناۆيرۋستىڭ «دەلتا» نۇسقاسىنىڭ تارالۋىن ەسكەرىپ، كۇزگە دەيىن حالىقتىڭ 80 پايىزى ۆاكتسينا الماسا، جاپپاي مىندەتتى ۆاكتسينالاۋ ساياساتىن ەنگىزۋ تۋرالى شەشىم قابىلداپ ۇلگەرگەن-ءدى.

بۇل ۇسىنىستى بۇعان دەيىن دە ۇكىمەت باسشىسى ماريو دراگي مەن دەنساۋلىق ساقتاۋ ءمينيسترى روبەرتو سپەرانزا ايتىپ جۇرگەن ەدى.

«ەلدىڭ قاۋىپسىزدىگىن ويلاپ، قاتاڭ كارانتين مەن اۋرۋحانالارداعى ماسەلەلەردەن قۇتىلعىمىز كەلسە، حالىقتىڭ بارلىعىن ەكپە الۋعا مىندەتتەۋدەن قورىقپاۋىمىز كەرەك»، دەگەن روبەرتو سپەرانزا.

اسىلىندا، ۇكىمەتتىڭ ۆاكتسيناعا قارسىلاردى قاتاڭ كارانتينمەن، ودان قالسا، جاپپاي ۆاكتسينالاۋمەن قورقىتىپ وتىرعانى انىق. ولار بۇل قىسىمدى ۇدەتىپ تە جاتىر.

يتاليا ەڭبەك ءمينيسترى اندرەا ورلاندو ءباسپاسوز ءماسليحاتىندا مىندەتتى ۆاكتسينالاۋعا توقتالعان. ءمينيستردىڭ ايتۋىنشا، پتر سىناماسىن تاپسىرۋ تالابى ءالى دە كۇشىن جويمايدى.

بۇل شەشىم، البەتتە، يتاليانىڭ دەموكراتيالىق بەدەلىنە نۇقسان كەلتىرەرى ءسوزسىز. ونىڭ ۇستىنە قازان ايىنا جەرگىلىكتى سايلاۋ جوسپارلانعان. سوعان قاراماستان، يتاليا حالىق پىكىرىمەن ساناسپاي، مىندەتتى ۆاكتسينالاۋدى ەنگىزگەن العاشقى ەۋروپالىق مەملەكەت بولماق.

ارينە، يتاليانىڭ مۇنداي شەشىم قابىلداۋىنا سەبەبى جوق ەمەس. ماۋسىمدا كارانتين تالاپتارىن جەڭىلدەتكەنى سول ەدى، ۆيرۋس جۇقتىرعاندار سانى 5 500-دەن 40 000-عا دەيىن ۇلعايىپ شىعا كەلدى. ال ەكپە سالدىرعاندار سانى، كەرىسىنشە، ازايىپ كەتتى. ساۋىردە اپتاسىنا 4 ميلليون ازامات ۆاكتسينا ەكتىرىپ جۇرسە، تامىزدا بۇل كورسەتكىش 2 ميلليونعا دەيىن قۇلدىرادى.

قازىرگى ستاتيستيكاعا نازار سالساق، ەلدەگى 12-گە تولعان ازاماتتاردىڭ 74 پايىزى تولىقتاي ەكپە سالدىرعان. دەگەنمەن، 50-دەن اسقان 3،5 ملن ازامات ءالى دە ۆاكتسيناعا قارسى كورىنەدى. ولاردىڭ كوبى – سيتسيليا تۇرعىندارى. ال ول ايماقتاعى جاعداي ءماز ەمەس. ناۋقاستار كوپ، ال جەرگىلىكتى اۋرۋحانالاردا ورىن جوق.

جوعارىدا ءسوز بولعان شەشىم مەكتەپتە جۇمىس ىستەيتىن­دەر­دەن الدەقاشان تالاپ ەتىلگەنىن ەسكەرسەك، قازاننىڭ ورتاسىنا دەيىن حالىقتىڭ 81-82 پايىزى ەكپە الىپ ۇلگەرەدى دەپ جوسپارلانىپ وتىر. الايدا مەملەكەتتىك باسقارۋ ءمينيسترى رەناتو برۋنەتتا بۇل كورسەتكىش ۇجىمدىق يممۋنيتەت ءۇشىن تىم از دەگەن پىكىردە. ونىڭ ايتۋىنشا، كۇزدە كۇن سالقىنداپ، ۆيرۋس تسيركۋلياتسياسى كۇشەيەدى. سول كەزدە ىندەتتىڭ جەدەل تارالۋى ابدەن مۇمكىن. سوندىقتان مينيستر ۆاكتسينالاۋدى جەدەلدەتۋ كەرەك دەپ ەسكەرتتى.

وسى ورايدا ءبىر ايتا كەتەرلىگى، ەۋروپا وداعىنىڭ ۇەۇ ازاماتتىق بوستاندىعى بويىنشا ساراپشىسى ورسولي رايح ۆاكتسينا الۋعا مىندەتتەۋ ادام قۇقىعىن شەكتەۋ رەتىندە قاراستىرىلمايدى دەدى.

«مەملەكەتتەر ءار ازاماتىن قورعاۋعا مىندەتتى. دەگەنمەن، بۇل جان-جاقتى زەرتتەلگەن قادام بولۋى كەرەك. ۆيرۋستى جاي عانا بەتپەردە تاعىپ جەڭۋ مۇمكىن بولسا، وندا ۆاكتسينانىڭ قاجەتى جوق دەر ەدىك. تۇپتەپ كەلگەندە، لوكداۋندار دا ادام قۇقىعىن شەكتەۋدىڭ ءبىر ءتۇرى ەمەس پە؟»، دەدى ول.

دەسە دە ۆاكتسينا الۋعا ماجبۇرلەۋگە قارسى ازاماتتار ادام قۇقىعى مەن ومىرگە قاتىناس قۇقىعى بويىنشا ەۋروپا كونۆەنتسياسىنا جۇگىنە الادى. بىراق سوت مىندەتتى ۆاكتسينالاۋعا قارسى ەمەس. ماسەلەن، وسى ماسەلە بويىنشا بيىلعى جىل باسىندا چەحياعا قارسى ارىز بەرىلىپ، ادام قۇقىعى بويىنشا ەۋروپا سوتى ۆاكتسينا الۋعا ماجبۇرلەۋ ساياساتىنا قولداۋ بىلدىرگەن بولاتىن.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار