ايماقتار • 16 قىركۇيەك، 2021

جۇزدەن جۇيرىك شىقتى

31 رەت كورسەتىلدى

Qazaqstan ۇلتتىق ارناسىنىڭ Daryn زياتكەرلىك تەلەۆيزيالىق وليمپيا­داسىندا باق سىناعان قاراعاندىلىق وقۋشى نۇرسۇلتان تاڭات 190 بالل جيناپ، تاماشا ناتيجەگە قول جەتكىزدى. اتاپ ايتقاندا، ول قازاقستان-بريتان تەحنيكالىق ۋنيۆەرسيتەتىنىڭ ءبىلىم گرانتىن جەڭىپ الدى.

نۇرسۇلتان تاڭات قاراعاندى­داعى «دارىن» مامانداندىرىلعان مەكتەپ-ينتەرناتىنىڭ 9-سىنىبىندا وقيدى. جاس ورەن تەلەۆيزيالىق تارتىستا سونشالىقتى قيىندىقتى سەزىنبەگەنىن ايتادى.

– سەبەبى، مەن وزىمە سەنىمدى بول­دىم جانە سۇراقتارعا مۇدىرمەستەن بىردەن جاۋاپ بەرىپ وتىردىم. اسىعىپ، تەرىس جاۋاپ بەرگەن كەزدەرىم دە بولدى، ارينە. ايتا كەتۋ كەرەك، فينالعا قاتىسقان 12 بالانىڭ ءبارى دە مىقتى بولدى. ءوزىمنىڭ جولىم بولىپ، جەڭىپ شىققانىما قاتتى قۋانىشتى­مىن، – دەيدى ول.

جالپى، اتالعان تەلەۆيزيالىق وليمپياداعا ەلىمىزدىڭ ءار قيىرىنان 9-سىنىپتا وقيتىن 310 ورەن باق سىنادى. ءتورت تۋردان تۇرعان زياتكەرلىك ويىننىڭ فينالدىق كەزەڭىندە 12 ۇمىتكەر ءوزارا تارتىسقا ءتۇستى.

تەلەجوبادا الاش قايراتكەر­لەرىنىڭ جۇمىستارى، قازاقستاندىق عىلىم، سپورت، ونەر، مەديتسينا جە­تىستىكتەرى، ادەبيەت، مادەنيەت تۋىن­دىلارى، تاريحي وقيعالار، اۋىلشارۋا­شىلىق، جاساندى ينتەللەكت جانە باسقا دا سالالار سايىستىڭ نە­گىزگى وزەگى بولدى.

جۇزدەن جۇيرىك شىققان نۇرسۇلتان تاڭات قازاقستان-بريتان تەحنيكالىق ۋنيۆەرسيتەتىنىڭ مەنەدجمەنت جانە باسقارۋ فاكۋلتەتىن تامامداعان سوڭ، بولاشاقتا ءىرى كومپانيالاردىڭ بىرىنە جەتەكشىلىك ەتۋدى ارماندايدى.

 

قاراعاندى

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار