قارجى • 16 قىركۇيەك، 2021

قىزمەتكەرلەردىڭ 75 پايىزى ەكپە الدى

26 رەت كورسەتىلدى

«سامۇرىق-قازىنا» توبىنا قاراستى كومپانيالار قىز­مەتكەرلەرىنىڭ 75 پايىزى كو­روناۆيرۋسقا قارسى ەكپە الدى. وسىلايشا، قور ىندەت­كە قارسى ۆاكتسينالاۋدا بەل­سەندىلىك تانىتىپ، قوعامدىق يممۋنيتەتتىڭ قالىپتاسۋىنا بارىنشا ۇلەس قوسۋدا.

وسى جىلدىڭ 11 قىركۇيە­گىندەگى جاعداي بويىنشا ۆاك­تسي­نانىڭ ءبىرىنشى كومپونەنتىن قور كومپانيالارىندا ەڭبەك ەتەتىن 203 853 قىزمەتكەر العان. بۇل – بارلىق جۇمىسشىلاردىڭ 74،5 پايىزى. 182 272 قىزمەتكەر تولىق ەگىلدى – 66،6 پايىز.

قوردىڭ كورپوراتيۆتىك باسقارۋ جانە الەۋمەتتىك-ەڭبەك قاتىناستارى جونىندەگى باسقارۋشى ديرەكتورى مۇحتار مانكەەۆتىڭ ايتۋىنشا، ەگى­لۋ تەك ەرىكتى تۇردە جۇرگىزىلۋدە. زاڭ شەڭبەرىندە جۇمىسشىنىڭ تولىق كەلىسىمى الىنعان سوڭ عانا ەكپە سالىنادى.   

– «سامۇرىق-قازىناعا» قاراستى كومپانيالار كوپتەگەن سالادا قىزمەت ەتەدى. ولاردىڭ تۇراقتى ءارى مۇلتىكسىز جۇمىس ىستەۋى ەل ەكونوميكاسى ءۇشىن وتە ماڭىزدى. سوندىقتان جۇمىسكەرلەردىڭ كوروناۆيرۋس ينفەكتسياسىنا قارسى ەگىلۋى ولاردىڭ دەن­ساۋلىعىن ساقتاۋعا جانە ەلىمىز­دىڭ ەكونوميكالىق تۇراق­تىلىعى مەن ءال-اۋقاتىن ارتتىرۋعا ىقپالىن تيگىزەدى، – دەدى م.مانكەەۆ.  

باسقارۋشى ديرەكتوردىڭ ايتۋىن­شا، قورعا قاراستى كومپانيا­لاردا ۆاكتسينالاۋ دۇرىس جول­عا قويىلعان. وندىرىستىك نىسان­دارعا ارنايى جىلجىمالى توپتار دا بارىپ، ەگۋ شارالارىن جۇرگىزەدى. ءاربىر جۇمىسكەرگە ەلىمىز­دە ماقۇلدانعان ۆاكتسينا تۇر­لەرى ۇسىنىلادى. سونىمەن قاتار قوردا COVID-19-عا قارسى ءىس-قي­مىل جونىندەگى جەدەل شتاب قۇرىل­عانىن اتاپ وتكەن ءجون. وندا پاندە­مياعا قارسى جاڭا شارالار ازىرلەنىپ، ۆاكتسينا سالۋدى ىنتالاندىرۋ تەتىكتەرى ۇسىنىلعان.

– ەل بيلىگىنىڭ ۆاكتسينا ەگۋ قاجەت­تىلىگى تۋرالى تاپسىرماسىنا سايكەس، 270 مىڭنان استام قىزمەتكەرى بار «سامۇرىق-قازىنا» قورى ۇجىمدىق يممۋنيتەت قالىپتاستىرۋعا بەل­سەندى اتسالىستى. الەۋمەتتىك جەلى­لەر، سالالىق بۇقارالىق اقپارات قۇرالدارى مەن بەينەروليكتەر ارقىلى تۇراقتى تۇردە ءتۇسىندىرۋ جۇمىستارى جۇرگىزىلەدى. #مەنەكپەالدىم #ياۆاكتسينيروۆالسيا چەللەندجى ۇيىمداستىرىلدى. قور­عا قاراستى كومپانيالاردىڭ باس­شىلىعى العاشقىلاردىڭ ساناتىندا ەكپە الىپ، وزگەلەرگە ۇلگى كورسەتتى، – دەدى م.مانكەەۆ.

وسى ورايدا، مەملەكەت باسشى­سىنىڭ تاپسىرمالارىن ورىنداۋ ماقساتىندا حالىققا ەگۋ پرەپا­راتتارىن قولجەتىمدى ەتۋ ءۇشىن قور بىرىككەن اراب امىرلىك­تەرىندە وندىرىلگەن Hayat Vax ۆاك­تسي­ناسىنىڭ 1 ملن دوزاسىن ساتىپ الۋعا قارجى ءبولدى. ونى وسى جىلدىڭ مامىر ايىندا «سق-فارماتسيا» كومپانياسى جەتكىزىپ، دەنساۋلىق ساقتاۋ مينيسترلىگىنىڭ جەلىسى بويىنشا تاراتتى. 

قور كومپانيالارىندا قىز­مەت­كەرلەردى كوروناۆيرۋسقا قارسى ەگىلۋگە ىنتالاندىرۋ ءۇشىن جىل سايىنعى اقىلى ەڭبەك دەمالىسىنا قوسىمشا دەمالىس كۇندەرىن قوسۋ، كەزەكتەن تىس اقىلى دەمالىس كۇندەرىن بەرۋ، ۆاكتسينا سالعىزعان قىزمەتكەرلەر اراسىندا ۇتىس ويىندارىن ۇيىمداستىرۋ سياقتى شارالار قولعا الىنعان. ۆاكتسينا سالعىزعاندار سانىن ۇلعايتۋ ماقسا­تىندا قوسىمشا شارالاردى جۇزەگە اسىرۋ كوزدەلىپ وتىر. سونىڭ ىشىندە پسيحولوگتەرمەن، قوعام بەلسەندىلەرىمەن، مەديتسينا قىزمەتكەرلەرىمەن كەزدەسۋلەر، لانچ-بوكستار ۇيىمداستىرۋ جوسپارلانعان. 

ايتا كەتەيىك، قوردىڭ رەسمي ساي­تىندا «سامۇرىق-قازىنا» اق كومپا­نيالار توبىندا ۆاكتسينا سالعىز­عان قىزمەتكەرلەر سانىن كورسە­تەتىن ارنايى ەسەپ كەستەسى جۇمىس ىستەيدى

«سامۇرىق-قازىنا» ۆاكتسي­نا­لاۋعا قاتىستى جاڭا قۇرالداردى دا ەن­گىزۋدە. ماسەلەن، ەندىگى جەردە ۆوك­زالدار مەن پويىزداردا ەكپە الۋ پۋنكتتەرىنىڭ جۇمىسىن ۇيىم­داس­تىرۋ قاراستىرىلىپ وتىر.

سوڭعى جاڭالىقتار

ديلليان ۋايت قاھارىنا ءمىندى

كاسىپقوي بوكس • بۇگىن، 19:10

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار