ايماقتار • 14 قىركۇيەك، 2021

ابايداعى ابات ىستەر

23 رەت كورسەتىلدى

اباي اۋدانى قاراعاندى وبلىسىنداعى ەكونوميكالىق كۇش-قۋاتى مول، اۋىل شارۋاشىلىعى وركەندەگەن ايماقتىڭ ءبىرى.

قازىرگى تاڭدا اۋدان ورتالىعى اباي قالاسىندا اۋلالاردى اباتتاندىرۋ جۇمىستارى قاۋىرت ءجۇ­رىپ جاتىر. جەرگىلىكتى بيلىك ويىن الاڭدارىن ورناتىپ قانا قويماي، جولدىڭ ءبىر بولىگىن كەڭەيتىپ، اسفالت توسەپ، جول توسەمدەرىنەن جاياۋ جۇرگىنشىلەر جولدارىن جاسادى. بۇل وزگەرىس­تەر­دى بىرنەشە جىل كۇتكەن تۇر­عىن­داردىڭ قۋانىشىندا شەك جوق. اباي قالاسىنىڭ اكىمى مەدەۋ احمەتوۆ بيىل التى اۋلانىڭ اباتتاندىرىلعانىن ايتادى.

– 2025 جىلعا دەيىن جىلىنا بەس-التى اۋلادان اباتتاندىرامىز. بۇدان بولەك، بيىل 8 شاقىرىمنان استام جولدى جوندەدىك. ءتورت ۇلكەن كوشەگە اسفالت سالىپ، جەكە سەكتوردىڭ 10 كوشەسىنە جول توسەلدى، – دەيدى ول.

اباي قالاسىندا زاماناۋي بالالار جانە سپورت الاڭدارى ورناتىلىپ، تۇرعىن ۇيلەر قۇ­رى­لىسىنىڭ دا بەلسەندى جۇرگىزىلىپ جات­قانىن ايتا كەتكەن ءلازىم. مى­سالى، قازىرگى ۋاقىتتا قالاداعى جەڭىس داڭعىلى بويىندا جەكە ينۆەستيتسيالار ەسە­بى­نەن بەس قاباتتى تۇرعىن ءۇي سالىنۋدا. قۇرىلىس سالۋشىنىڭ جوسپارى بويىنشا، 2022 جىلى 45 پاتەر پايدالانۋعا بەرىلمەك. بيىل اباي اۋدانى بويىنشا 168 وتباسى باسپانالى بولادى. ونىڭ ىشىندە توپار كەنتىنىڭ باسپاناعا ءزارۋ 18 تۇرعىنى قازىردىڭ وزىندە قۋانىشقا بولەندى. سونداي-اق الداعى ۋاقىتتا تۇرعىن ءۇي-كوممۋنالدىق شارۋاشىلىق سالاسىن جاڭعىرتۋ باعدارلاماسى اياسىندا تۇرعىن­دار­دىڭ ءوتىنىشى بويىنشا كوپقاباتتى ۇيلەردىڭ ءبىرى جوندەلە باستايدى. تۇرعىنداردىڭ ءوزى دە بۇل باعدارلاماعا قاتىسىپ، ۇيلەرىنىڭ شاتىرىن جوندەپ الۋ مۇم­كىندىگىنە يە بولدى. اباي قا­لاسى مەن قاراباس كەنتىندەگى ۇزىن­دىعى 64 شاقىرىم بولاتىن كارىز جۇيەلەرى جاڭادان سالىنىپ، كارىز تازالاۋ ستانساسى قايتادان جاڭارتىلىپ، الداعى قاراشا ايىندا ىسكە قوسىلماق.

الداعى ۋاقىتتا اباي اۋدانى ەگىس القاپتارىنان مول ءونىم الۋدى جوس­پارلاپ وتىر. اۋدان اكىمى باۋىرجان اسانوۆتىڭ مالىمەتىنە ساي، بيىل استىق جيناۋ القابى 40 مىڭ گەكتاردى، كارتوپ 5 902 گەكتاردى جانە كوكونىس 1 001 گەكتاردى قۇرايدى.

– اباي اۋدانى قاراعاندى وبلىسى كولەمىندە 52،5% كارتوپ جانە 61،9% كوكونىس وندىرەدى. ەگىن ورۋ ناۋقانىنا 108 استىق جينايتىن كومباين تارتىلعان. كارتوپ جيناۋعا 20 كومباين مەن 25 قازعىش قا­تىسادى، دەگەن اقپارات بەردى اۋدان باسشىسى.

ايتا كەتۋ كەرەك، جەرگىلىكتى بي­­لىك اۋىل شارۋاشىلىعى تاۋارىن وندىرۋشىلەرگە قولدان كەلگەن قام­قور­لىقتى جاساپ باعۋدا. مى­سالى، بيىل ولاردىڭ قاجەتىنە 2 500 توننا ارزانداتىلعان ديزەل وتىنى ءبو­لى­نىپ­تى.

بيىل اباي اۋدانىندا اۋىل شار­ۋاشىلىعى سالاسىندا جەتى بىر­دەي ينۆەستيتسيالىق جوبانى جۇزەگە اسىرۋ جوسپارلانعان. مى­سالى، اۋدانداعى ءىرى كاسىپورىن «استرا-اگرو LTD» كومپانياسى 500 باسقا ارنالعان تاۋارلى ءسۇت فەرماسىن سالماقشى ەكەن. ءبىر ءوزى 30 ادامعا جۇمىس بەرەتىن جاڭا نىسان 2023 جىلى پايدالانۋعا بەرىلەدى دەپ جوسپارلانعان. «استرا-اگرو LTD» جشس – ەلىمىز­دە­گى كارتوپ تۇقىمىنىڭ وريگيناتورى مارتەبەسىنە يە جالعىز كومپانيا. بيىلدىڭ وزىندە فەرمەرلەر ەكسپورتقا ەكى مىڭ تونناعا جۋىق ەليتالىق تۇ­قىم جىبەردى.

سونىمەن بىرگە اۋداننىڭ بەت­­كە­ۇستار كاسىپورنىنىڭ ءبىرى «شانس» شارۋا قوجالىعى دا 400 باسقا ارنالعان تاۋارلى ءسۇت فەرماسىن سالىپ جاتىر. مۇنداعى جەم زاۋىتىنىڭ قۇرىلىسى ينۆەستيتسيا ەسەبىنەن جۇرگىزىلۋدە. اسا قاجەتتى Petkus استىق تازالاۋ ماشيناسى الىنعان.

جالپى، اۋدان بويىنشا بيىل­عى كۇتكەن مول ءونىمنىڭ دالادا قالماسى بەلگىلى. ويتكەنى ايماقتا 44 جەمىس-كوكونىس قويماسى جانە 24 استىق قويماسى بار.

 

قاراعاندى وبلىسى،

اباي اۋدانى

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

تاۋەلسىزدىك تۇلعالارى

ەلوردا • بۇگىن، 09:16

ايدا – الەم چەمپيونى!

سپورت • بۇگىن، 09:14

الماتى قالاسى «سارى» ايماققا ءوتتى

كوروناۆيرۋس • بۇگىن، 09:09

«اق بيداي» ويىندارى اياقتالدى

ۇلتتىق سپورت • بۇگىن، 09:03

جاستار جاردەمى

ايماقتار • بۇگىن، 08:55

سەنىم ارت ماعان، تۋعان ەل!

ايماقتار • بۇگىن، 08:54

ساقتانعان ساۋ قالادى

مەديتسينا • بۇگىن، 08:47

وقۋشىلارعا اباي بولايىق

ايماقتار • بۇگىن، 08:42

بالقاشتان تۇز كوتەرىلۋ قاۋپى بار

ەكولوگيا • بۇگىن، 08:18

دامۋدىڭ سەنىمدى ىرگەتاسى

قازاقستان • كەشە

ءىنى-دوسقا ءىلتيپات حات

رۋحانيات • كەشە

ۇقساس جاڭالىقتار