ايماقتار • 10 قىركۇيەك، 2021

زارداپ شەككەن نىساندار قالپىنا كەلتىرىلۋدە

33 رەت كورسەتىلدى

بيىل تامىز ايىندا جامبىل وبلىسىنىڭ بايزاق اۋدانىندا ورىن العان توتەنشە جاعدايدىڭ زارداپتارىن جويۋ جۇمىستارى جالعاسۋدا. بۇل وقيعاعا مەملەكەت باسشىسى قاسىم-جومارت توقاەۆ نازار اۋدارىپ، جارىلىس سالدارىنان قايتىس بولعان ازاماتتاردىڭ وتباسىنا جان-جاقتى كومەك كورسەتىلەتىنىن، قيراعان نىسانداردىڭ قالپىنا كەلتىرىلەتىنىن ايتقان بولاتىن.

ناتيجەسىندە، بۇگىنگى تاڭدا وڭىردە جارىلىستان زارداپ شەككەن نىسانداردى جوندەۋ جۇمىستارى باستالىپ كەتتى. ول ءۇشىن ايماقتا ارنايى شتاب قۇرىلىپ، قالپىنا كەلتىرىلۋگە ءتيىس بىرقاتار نىساندى انىقتاعان.

جامبىل وبلىستىق قۇرىلىس باسقار­ماسىنىڭ باسشىسى ەرلان ورىنباەۆتىڭ ايتۋىنشا، بايزاق اۋدانىندا بارلىعى 118 جەكەمەنشىك جىلجىمايتىن م ۇلىك، ونىڭ ىشىندە 106 تۇرعىن ءۇي جانە 12 كوممەرتسيالىق نىسانعا زاقىم كەلگەن. سونداي-اق ونىڭ ىشىندە 35 ءۇي مەن 12 كوممەرتسيالىق نىسان ايتارلىقتاي قيراعان. بۇل كۇندە اتالعان نىسانداردى قالپىنا كەلتىرۋ ءۇشىن 12 مەردىگەرلىك ۇيىم جۇمىس اتقارۋدا. قۇرىلىس جۇمىستارىنا 23 تەحنيكالىق قۇرالدار مەن 185 جۇمىسشى كۇشى تارتىلعان.  

سونىمەن قاتار 28 تامىز كۇنى بايزاق ­اۋدانى اكىمىنىڭ وكىمىمەن توتەنشە جاعداي كەزىندە كەلتىرىلگەن زالالدى انىقتاۋ ءۇشىن كوميسسيا قۇرىلعان.

«بايزاق اۋدانىندا توتەنشە جاعداي كەزىندە زارداپ شەككەن نىسانداردى تەكسەرۋ جانە قالپىنا كەلتىرۋ ءۇشىن جەرگىلىكتى اتقارۋشى ورگاندار 5 جۇمىس توبىن قۇردى. ولاردىڭ قۇرامىنا وبلىستىق قۇرىلىس باسقارماسىنىڭ، قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ، جوبالاۋ ۇيىمدارىنىڭ قىزمەتكەرلەرى جانە توتەنشە جاعداي قىزمەتكەرلەرى تارتىلدى. جۇمىس توپتارى جۇرگىزگەن تەكسەرۋدىڭ ناتيجەسىندە 8 نىسانعا قورىتىندى بەرىلدى»، دەيدى بايزاق اۋدانى اكىمىنىڭ ورىنباسارى قايرات يسمايل.

بۇگىندە جەڭىل زاقىمدانعان 71 ءۇيدىڭ 43-ءى قالپىنا كەلتىرىلگەن. بۇل رەتتە اۋدان­ اكىمىنىڭ ورىنباسارى زارداپ شەككەن 4 الەۋ­مەتتىك نىسان بويىنشا دا مالىمەتتەر بەردى. الدىن الا دەرەكتەر بويىنشا، جىبەك جولى اۋىلىنداعى اپاتتى جاعدايدا تۇرعان №5 ورتا مەكتەپكە ايتارلىقتاي زاقىم كەلگەن. بۇگىنگى تاڭدا جەر تەلىمى انىقتالىپ، 150 ورىندىق جاڭا مەكتەپ قۇرىلىسى­نا جوبالىق-سمەتالىق قۇجاتتار ازىرلەۋ باستالعان. ال اتالعان اۋدانعا قاراستى ۇشبۇلاق جانە بازارباي اۋىلدارىنداعى 3 ۇيىم ازداپ زارداپ شەككەن. بۇل نىسانداردى قالپىنا كەلتىرۋ جۇمىستارى دەمەۋشىلىك قاراجات ەسەبىنەن جۇرگىزىلۋدە. بۇگىندە قيراعان نىسانداردى قايتا قالپىنا كەلتىرۋ جۇمىستارى ورتالاپ قالىپتى. ال قۇرىلىس جۇمىستارى ەكى اي كولەمىندە اياقتالادى دەپ جوسپارلانىپ وتىر.

 

جامبىل وبلىسى

 

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار