كوروناۆيرۋس • 10 قىركۇيەك، 2021

ۆاكتسينالاۋ كورسەتكىشى كوڭىل كونشىتپەيدى

44 رەت كورسەتىلدى

كوروناۆيرۋس ىندەتىنەن ساقتانۋ ماقساتىندا ۆاكتسينا سالۋدىڭ ماڭىزى ءجيى ايتىلىپ كەلەدى. ۆاكتسينالاۋ كوپشىلىك اراسىندا ۇجىمدىق يممۋنيتەتتى قالىپتاستىرۋعا جانە قاۋىپتى ىندەتتىڭ ودان ءارى تارالۋىن شەكتەۋگە مۇمكىندىك بەرەدى. ءوزىنىڭ جانە جاقىندارىنىڭ دەنساۋلىعىن ويلاعان تۇرعىندار بۇل كۇندە ۆاكتسينا سالدىرۋدا.

بۇل رەتتە جامبىل وبلىسىندا دا ءتيىستى جۇمىستار اتقارىلۋدا. ۆاك­تسينا سالۋدىڭ تيىمدىلىگى ايماقتاعى كورسەتكىشتەردەن دە كورىنىپ وتىر. ماسەلەن، سوڭعى ەكى اپتادا كوروناۆيرۋس ىندەتىن جۇقتىرعاندار سانى 1 193-تەن 626-عا دەيىن تومەندەگەن. ال قازىرگى تاڭدا ينفەكتسيالىق ستا­تسيونارلاردا 1 313 ادام ەم الۋدا. ءوڭىر اۋرۋحانالارىنداعى توسەكتىك ورىن 37 پايىزعا تولتىرىلعان. سونداي-اق قازىرگى كەزدە كوروناۆيرۋس ىندەتىمەن جانساقتاۋ بولىمدەرىندە 120 ادام جاتىر.

وبلىستىق دەنساۋلىق ساقتاۋ باس­­قارماسىنىڭ باسشىسى اسەت قاليەۆ­­تىڭ ايتۋىنشا، بۇگىنگە دەيىن 403 516 جامبىلدىق نەمەسە ەكپە الۋعا جاتاتىن جالپى جوسپارداعى تۇرعىنداردىڭ 72،5 پايىزى ۆاكتسينا ال­عان. الايدا تاراز قالاسى مەن تالاس، جۋالى، شۋ جانە مويىنقۇم اۋدان­دارىندا تومەن كورسەتكىشتەر تىر­كەلۋدە. ول ءۇشىن وڭىردەگى بىرقاتار اكىمگە ەسكەرتۋ جاسالعان ەدى. بۇگىن­دە وبلىس­تا ۆاكتسينالاۋ كورسەتكىشى تومەن بولىپ وتىر.

ال وبلىس اكىمى بەردىبەك ساپار­باەۆ اۋدان اكىمدەرى بۇل ماسەلەنى جەكە وزدەرى، تۇراقتى تۇردە باقىلاۋعا الۋى تيىستىگىن، ءدال قازىر ۆاكتسينالاۋ ماسە­لەسىنە جاۋاپكەرشىلىكپەن قاراۋ كەرەگىن، بۇل ورايدا اۋىل اكىمدەرىمەن تىعىز جۇمىس ىستەۋ قاجەتتىگىن، ولار كۇن سايىن ەكپە العانداردىڭ سانى تۋرالى جاڭا مالىمەتتەر بەرىپ وتىرۋى كەرەك ەكەنىن ايتقان بولاتىن. ءتىپتى جۋىردا ۆاكتسينالاۋ جۇمىس­تارىن ۇيىمداستىرۋداعى تومەن كورسەت­كىشى ءۇشىن شۋ قالاسى­نىڭ اكىمى قىز­مەتىنەن بوساتىلعان بولاتىن. ەگەر شارۋانى شيراتپاسا، وبلىس اكىمى اۋىل اكىمدەرىنە دە وسىن­داي شارا قول­دانۋعا ءماجبۇر بولاتىنىن ايت­قان. ال­داعى ۋاقىتتا وڭىردەگى قالا، اۋدان جانە اۋىل اكىمدەرىنە دە بۇل ىستە ۇيىم­­داستىرۋشىلىق، ىسكەرلىك قابى­لەت­تەرىن بارىنشا تانىتا ءتۇسۋى كەرەك­تىگى ەسكەر­تىلىپ، تاپسىرما بەرىلۋدە.

جالپى، بۇگىندە وبلىس بويىنشا 23 مەديتسينالىق ۇيىمدا 43 ەگۋ پۋنكتى جۇمىس ىستەيدى. ونىڭ ىشىندە 15 پۋنكت تاراز قالاسىندا جانە 28 پۋنكت ءاربىر اۋداندا ورنالاسقان. ال وسى  جىلدىڭ اقپان ايىنان بەرى وبلىسقا 16 990 دوزا QazCovid-in، 341 700 دوزا سپۋتنيك V ۆاكتسيناسىنىڭ ءبىرىنشى كومپونەنتى جانە 258 060 دوزا سپۋتنيك V ۆاكتسيناسىنىڭ ەكىنشى كومپونەنتى، 60 مىڭ دوزا «حايات ۆاكس» جانە 34 مىڭ دوزا CoronaVac ەكپەسى كەلگەن. بۇگىندە اتالعان ۆاكتسينالار وبلىس تۇرعىن­دارىنا سالىنۋدا.

 

جامبىل وبلىسى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار