قوعام • 10 قىركۇيەك، 2021

كوسولاپوۆتار كوش باستادى

29 رەت كورسەتىلدى

«مەرەيلى وتباسى» بايقاۋىنىڭ قاراعاندى وبلىسى بويىنشا وتكەن ايماقتىق كەزەڭىندە شاحتينسك قالاسىنان قاتىسقان كوسولاپوۆتار وتباسى جەڭىمپاز اتاندى. جالپى، اتالعان بايقاۋدىڭ اۋداندىق، قالالىق جانە وبلىستىق كەزەڭدەرىنە قاتىسۋعا 200-دەن استام وتباسىنان ءوتىنىم تۇسكەن ەكەن. ال وسىلاردىڭ ىشىنەن ايماقتىق تۋرعا تەك 36 وتباسى عانا وتكەن.

جەڭىمپاز اتانعان كوسولاپوۆتار وتباسىن كەنشىلەر اۋلەتى دەپ قۇر­مەتپەن ايتۋعا بولادى. ەگەر ساناما­لاپ بەرسە، اۋلەتتىڭ جەر استىن­داعى ەڭبەك ءوتىلى 370 جىلعا جۋىق ۋاقىت­­تى قۇ­رايدى. ال قازىرگى تاڭدا كوسو­لاپوۆ­تار وتباسىنىڭ 12 مۇشەسى «ارسەلورميتتال تەمىرتاۋ» اق-نىڭ كومىر دەپارتامەنتىنە قاراستى كاسىپ­ورىنداردا ابىرويمەن ەڭبەك ەتىپ ءجۇر.

– ءبىزدى كەنشىلەر اۋلەتىنىڭ وكىلدەرى رەتىندە كاسىپورىن باسشىلىعى ۇسىندى. ءبىز ءتورتىنشى بۋىنداعى كەنشىلەرمىز. ءبىزدىڭ جالپى جۇمىس ءوتىلىمىز 365 جىلدان اسادى. قازىرگى ۋاقىتتا شاحتينسك قالاسىنىڭ كومىر ونەركاسىبى كاسىپورىندارىندا ءبىزدىڭ وتباسىمىزدىڭ 10 مۇشەسى ەڭبەك ەتەدى. بىرەۋى زەينەتكەرلىككە شىقسا، ەندى بىرەۋى ونىڭ ءىسىن ودان ءارى جالعاستىرىپ اكەتەدى. بايقاۋ جەڭىمپازى اتانۋ ۇلكەن مارتەبە، وتە قۋانىشتىمىز، – دەپ اعىنان جارىلادى كوسولاپوۆتار وتباسىنىڭ مۇشەسى ليۋدميلا.

بۇل وتباسىنداعى وتاعاسى مەن وتاناسى دا لەنين اتىنداعى شاحتادا جۇمىس ىستەيدى. ولاردىڭ شاڭىراق كوتەرگەندەرىنە 18 جىلدان اسقان. ەكى ۇلدى تاربيەلەپ وسىرگەن ۇلگىلى اتا-انا. وتاعاسى ۆالەري كوسولاپوۆ 2019 جىلى وتكەن «جىل ادامى» بايقاۋىنىڭ «جىل شاحتەرى» اتالىمى بويىنشا جەڭىمپاز بولعان ەكەن.

جالپى، اتالعان وتباسى «مەرەيلى وتباسى» بايقاۋىنا 2017 جىلى دا قاتىسىپ، باق سىناپتى. سوندا ولار قالالىق تۋردا جەڭىسكە جەتكەن ەكەن.

– ءبىزدىڭ وتباسى ۇلكەن جانە كوپ ۇلتتان قۇرالعان. ءبىز قازاقستان­داعى بارلىق مەرەكەلەردى، سونىڭ ىشىندە پراۆوسلاۆ جانە مۇسىلمان مەيرامدارىن دا اتاپ ءوتىپ وتىرامىز. ۇيدە قازاقشا ەت ءپىسىرىپ، سلاۆيان تاعامدارىن دا ءدامدى ەتىپ دايارلايمىز. وسى ءداستۇر ءبىزدىڭ ىنتىماعىمىزدى بەرىك قىلا تۇسەدى. ءبىزدىڭ ۇيگە قوناق ءجيى كەلەدى. اعايىن-تۋىسپەن جيىلىپ، سايا­حاتتارعا دا شىعىپ تۇرامىز. وتبا­سىمىزداعى ءبىر-بىرىمىزگە دەگەن قۇرمەت ءبىزدىڭ باقىتتى ءومىرىمىزدىڭ كەپىلى، – دەيدى وتاناسى ليۋدميلا.

ەندى كوسولاپوۆتار وتباسى قا­را­­عاندى وبلىسىنىڭ نامىسىن «مە­رەيلى وتباسى» ۇلتتىق كونكۋرسى­نىڭ رەسپۋبليكالىق كەزەڭىندە قورعاي­تىن بولادى.

«مەرەيلى وتباسى» بايقاۋىندا كونكۋرس ەرەجەسى بويىنشا ءتورت ورىن تاعايىندالعان بولاتىن. جۇلدەلى ەكىنشى ورىندى شەت اۋدانىنان قاتىس­قان ىدىرىسوۆتار وتباسى يەلەن­دى. ال ءۇشىنشى ورىندى ساران قالاسى­نىڭ اتىنان باق سىناعان قۋات جانە پريوزەرسك قالاسىنان قاتىسقان قونىس­پاەۆتار وتباسىلارى ءوزارا ءبولىستى.

جەڭىمپازدار مەن جۇلدەگەرلەرگە گراموتالار، ەستەلىك سىيلىقتار مەن سەرتيفيكاتتار تابىس ەتىلدى. بۇدان بولەك، كونكۋرستى ۇيىمداستىرۋ­شى­لار ۇزدىك شىققان وتباسىلارعا تۇر­مىس­تىق تەحنيكالاردى سىيعا تارتتى.

ماراپاتتاۋ راسىمىنە وبلىستىق ىشكى ساياسات باسقارماسىنىڭ باسشىسى ەرلان قۇسايىن، بەلگىلى مەتسەنات، وبلىستىق ءماسليحاتتىڭ دەپۋتاتى، «التىن جۇرەك» ۇلتتىق سىيلىعىنىڭ يەگەرى بەكزات التىنبەكوۆ، وبلىس­تىق انالار كەڭەسىنىڭ مۇشەسى، ءبىلىم سالاسىنىڭ ارداگەرى ك ۇلىش تولەۋ­حانوۆا جانە باسقا دا قۇرمەتتى قوناقتار قاتىسىپ، «مەرەيلى وتباسى-2021» بايقاۋىنىڭ جەڭىمپاز وتباسىلارىنا جىلى لەبىزدەرىن ءبىلدىردى.

 

قاراعاندى وبلىسى

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار