پرەزيدەنت • 10 قىركۇيەك، 2021

جولداۋ جونىندە كوزقاراستارىن ءبىلدىردى

47 رەت كورسەتىلدى

پاۆلودار وبلىستىق دوستىق ۇيىندە «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى پرەزيدەنت جول­­داۋىنىڭ نەگىزگى ەرەجەلەرىن تالقىلاۋ بويىنشا كەزدەسۋ ءوتتى.

جولداۋدى تالقىلاۋعا ەتنو­مادەني بىرلەستىكتەردىڭ توراعا­لارى مەن وڭىرلىك قازاقستان حال­قى اسسامبلەياسىنىڭ قۇرى­لىمدىق بولىمشەلەرىنىڭ باسشىلارى قاتىستى. كەزدەسۋدى اشقان ءوڭىر باسشىسىنىڭ ورىنباسارى، قحا توراعاسىنىڭ ورىنباسارى ايزادا قۇرمانوۆا جولداۋداعى ەڭ باسىم مىندەتتەردىڭ ءبىرى ەلى­مىزدەگى بىرلىك پەن بەيبىتشىلىك تاقىرىبى ەكەنىن اتاپ ءوتتى.

– مەملەكەت باسشىسى بارلىق باسىمدىقتاردى ناقتى كورسەتتى، – دەدى ايزادا قۇرمانوۆا. – اتاپ ايتقاندا، ول ەتنوسارالىق قاتىناستاردى ۇيلەسىمدى دامىتۋ مەملەكەتتىك ساياساتتىڭ نەگىزگى باعىتتارىنىڭ ءبىرى ەكەنىن جانە وعان ۇنەمى باسىمدىق بەرىلەتىنىن ايتتى.

اققۋلى اۋدانى يامىشەۆ اۋىلىنداعى «ريابينۋشكا» سلاۆيان ەتنومادەني بىرلەستىگىنىڭ مۇشەسى يرينا مارينوۆا ءوز سوزىن­دە مەملەكەتتىك ءتىلدى قول­دانۋ اياسىن كەڭەيتۋ زاڭدى ۇدە­رىس ەكەنىن جانە قازىرگى جاس ۇر­پاق بىرنەشە ءتىلدى بىلۋگە ۇمتىلاتىنىن اتاپ ءوتىپ، ءتىل ۇيرەنۋ ارقىلى وزگە ەت­نوس­­تاردىڭ مادەنيەتى مەن تانى­مىنا جول اشا­تىنىن ايتتى.

– ماسەلەن، يامىشەۆ ورتا مەك­تەبى­نىڭ تۇلەگى سەرگەي كورابلەۆ مەك­تەپتى ورىس تىلىندە ءبىتىرىپ، جو­­عارى وقۋ ورنىنىڭ قازاق تىلىن­دەگى بولىمىنە قۇجات تاپسىردى، – دەدى يرينا مارينوۆا. – قازىر ول مەملەكەتتىك ءتىلدى جەتىك مەڭ­گەرىپ الدى.

بايانداماشىلاردىڭ سوزدەرى­نەن كەيىن ا.قۇرمانوۆا وڭىر­لىك جو­عارى وقۋ ورىندارىنىڭ باس­شى­لىعى ۇسىنعان گرانت­تار­­دىڭ سەر­­تي­فيكاتتارىن قازاق­ستان حال­­­قى اسسامبلەياسى­نىڭ جاس وكىل­­دەرىنە تاپسىردى. داريعا امان­­تاەۆا «پسيحولوگيا» ما­مان­­دىعى جانە گريگوري بەلىي «اۆتوماتتاندىرۋ جانە روبوتتەح­نيكا» ماماندىعى بو­يىنشا يننو­ۆاتسيالىق ەۋرا­زيا ۋنيۆەر­سيتەتىندە تەگىن وقۋ مۇمكىندىگى­نە يە بولدى. گالينا ەۆلوەۆاعا  پاۆ­لودار پەدا­گوگي­كالىق ۋنيۆەر­سيتەتى رەك­تورى­نىڭ «قازاق ءتىلى مەن ادەبيەتى» ماماندىعى بويىنشا گرانتى بۇيىردى.

كەزدەسۋ سوڭىندا ارىپتەستەرى وبلىستىق اسسامبلەيا قوعامدىق كەلىسىم كەڭەسىنىڭ توراعاسى يديات ابدىحالىقوۆتى 70 جىل­دى­عىمەن قۇتتىقتادى. ا.قۇر­مانوۆا مەرەيتوي يەسىنە ايماق باسشىسى ابىلقايىر سقاقوۆتىڭ اتىنان قۇتتىقتاۋ حاتىن تابىس ەتتى. سونداي-اق يديات ابدىقالىقوۆتى اق­توعاي جانە ماي اۋداندارى ءماسلي­حاتتارىنىڭ حاتشىلارى قۇتتىقتادى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار