كوروناۆيرۋس • 19 تامىز، 2021

ەكپە الۋ ەكپىندى جۇرگىزىلسە...

51 رەت كورسەتىلدى

بوي بەرمەي تۇرعان ىندەتكە قارسى بىردەن-ءبىر توسقاۋىل ۆاكتسينا سالدىرۋ ەكەنىن ەلدىڭ سەزە باستايتىن ۋاقىتى جەتتى. باسقا جول ازىرگە تابىلا قويعان جوق. جاسىراتىنى جوق، قازىرگى تاڭدا قاراعاندى وبلىسىنداعى ەپيدەميالىق احۋال وتە كۇردەلى جاعدايدا تۇر. وتكەن تاۋلىكتىڭ وزىندە وڭىردەگى جامان تۇماۋ جۇقتىرعانداردىڭ سانى 1 101 ادامعا جەتتى. مىنە، وسىلايشا قالىپتاسقان جاعداي جالعىز عانا قۇتقارۋشى رەتىندە ەكپە الۋعا جۇگىنۋگە تۋرا كەلەتىنىن تاعى ءبىر مارتە ەسكە سالادى.

Vero cell قاراعاندىعا جەتتى

Sinopharm كومپانياسى شىعارعان Vero Cell ۆاكتسيناسىنىڭ 40 مىڭ دوزاسى قاراعاندى وبلىسىنا جەتكىزىلدى. ەكى كومپونەنتتەن تۇراتىن بۇل ەكپە 20 مىڭ ادامدى اۋرۋدان امان الىپ قالۋعا جەتكىلىكتى.

مامانداردىڭ ايتۋىنشا، قىتايلىق Vero Cell ۆاكتسيناسى – يناكتيۆتى. ونى ءوندىرۋ بارىسىندا ۆاكتسينالاردى جا­ساۋ­­دىڭ ستاندارتتى تەحنولوگياسى قول­­دانىلعان. ياعني اۋرۋدى تۋدىرۋى مۇم­كىن ۆيرۋستىڭ پاتوگەندىك بولىگى ولتى­رى­لەدى. بىراق ونىڭ دەنەدە قورعانىس انتي­دە­نە­لە­رىنىڭ پايدا بولۋىنا سەبەپكەر قا­بى­لەتى ساق­تالىپ قالادى.

بۇل ۆاكتسينانى ءبىرىنشى كەزەكتە قاۋىپ توبىنداعى ناۋقاستارعا سالۋ كوزدەلگەن. جاسى 18-دەن اسقان ادامدارعا ارنالعان. ەرەك­شە اتاپ وتەتىن ءبىر جايت، Vero Cell ۆاكتسيناسىن دۇنيەجۇزىلىك دەنساۋلىق ساقتاۋ ۇيىمى ماقۇلداعان.

قاراعاندى وبلىستىق دەنساۋلىق ساقتاۋ باسقارماسىنىڭ ءباسپاسوز قىز­مەتى تاراتقان مالىمەتكە ساي، Vero Cell پرەپا­را­تىنىڭ ءبىر دوزاسى 0،5 مل-دەن تۇرادى. ۆاكتسينانىڭ ارقايسىسى 0،5 مل بولاتىن ەكى دوزاسىن ءۇش-ءتورت اپتا ارالىعىندا سالۋ ۇسىنىلادى. ارالىق ناتي­جەلەر COVID-19-عا قارسى 79،3% تيىم­دىلىكتى جانە ورتاشا جانە اۋىر جاع­داي­لاردىڭ الدىن الۋدا 100% تيىم­دىلىكتى كور­سەتەدى.

 

اۋرۋحانالارعا اۋا جەتكىزەدى

قاراعاندى قۇيۋ-ماشينا جاساۋ زاۋىتى وندىرىسكە قاجەتتى قۇرامى 99،7% بو­لاتىن تازا وتتەگى ءوندىرىپ كەلگەن. ەندى كا­سىپورىن قاراعاندى وبلىسىنىڭ دەن­ساۋ­لىق ساقتاۋ باسقارماسىنىڭ ءوتىنى­شى بويىنشا كوروناۆيرۋس ينفەكتسياسىنان زارداپ شەككەن ادامدارعا كومەك قولىن سوزباق. دالىرەك ايتقاندا، Maker جشس «قوڭىر-قىزىل ايماقتان» شىعا الماي وتىرعان قاراعاندى وبلىسىنىڭ اۋرۋحانالارىنا ارناپ وتتەگى وندىرەتىن بولدى.

وتتەگى-كومپرەسسور ۋچاسكەسىنىڭ باس­تىعى دوسحان ءتۇسىپوۆ زاۋىتتىڭ الەۋ­مەت­تىك جاۋاپكەرشىلىكتى جاقسى سەزى­نەتىن كاسىپورىن بولعاندىقتان، ادام­داردىڭ ءومىرى مەن دەنساۋلىعىنا قاتىستى دەن­ساۋ­لىق ساقتاۋ باسقار­ما­سىنىڭ ءوتىنى­شىن جەرگە تاستاماعاندارىن ايتادى.

– وسى اپتادا ءبىز التى تەكشەلىك 148 باللوندى وتتەگىگە تولتىردىق. جۇمىس­تى كۇنى-ءتۇنى ىستەدىك. بىزگە اۋرۋحانا كو­لىك­تەرى تاڭعى ساعات 4.00-دە جانە 5.00-دە كە­لىپ جاتتى. موينىمىزعا العان مىن­دە­تى­مىزدى بارىنشا جاۋاپكەرشىلىكپەن ات­قا­رۋعا تىرىستىق، – دەيدى ول.

Maker جشس باسقارما توراعاسى جانىبەك بايعابىلوۆ وزدەرىنىڭ ادام­دار­دىڭ ءومىرىن ساقتاپ قالۋعا سۇبەلى ۇلەس قوسىپ جۇرگەندەرىن ماقتانىشپەن اتاپ ءوتىپ، مۇنداي ميسسيا ءبىزدىڭ زاۋىتتىڭ جۇمىسشىلارىنا رۋحاني كۇش بەرەتىنىن ايتتى.

 

ۆاكتسينا العانىڭ – ولجالى بولعانىڭ

اكادەميك ە.بوكەتوۆ اتىنداعى قارا­عان­دى ۋنيۆەرسيتەتى ۆاكتسينا سال­دىر­عان پروفەسسور-وقىتۋشىلار قۇ­رامى مەن ستۋدەنتتەر اراسىندا ۇتىس ويىنىن ۇيىم­داستىردى. ءىس-شاراعا قاتىسۋشىلار وزدە­­رىنىڭ ۆاكتسينالاۋ تولقۇجاتتارىن كور­سەتىپ، اۆتوماتتى تۇردە ۇتىسقا قاتى­سۋ­شىلاردىڭ تىزىمىنە تىركەلدى.

شىلدە ايىنىڭ 1-ىنەن باستالعان بۇل ۇتىس ويىنىنىڭ ناتيجەسىندە 20 ادام شيپاجاي جانە دەمالىس ورنىنا جولداما ۇتىپ الدى. الداعى ۋاقىتتا ولار «مويىلدى»، «سارىاعاش» شيپاجايلارىنا جانە «بالقاش» دەمالىس ۇيىنە بارادى.

مۇنداي ۇتىس ويىنى ءبىر عانا ماق­سات­تى كوزدەيدى، بۇل – ۋنيۆەرسيتەتتەگى پروفەسسور-وقىتۋشىلار قۇرامى مەن ستۋ­دەنتتەردى ۆاكتسينا الۋعا ىنتالاندىرۋ.

ۋنيۆەرسيتەتتىڭ ءباسپاسوز قىزمەتى ءبىلىم ورداسىنداعى وقىتۋشىلار مەن قىز­­مەت­كەرلەردىڭ ستۋدەنتتەر مەن ولار­دىڭ اتا-انالارى الدىنداعى جاۋاپ­كەر­­شىلىكتى سەزە جانە ەكپە الۋدىڭ پان­دە­مياعا توسقاۋىل بولاتىنىن تۇسى­نە وتىرىپ، ۆاكتسينالاۋدى قارقىن­دى تۇردە جالعاستىراتىنىن حابارلادى. «ۆاۋ­چەرلەردىڭ ۇتىس ويىنى – قا­تى­سۋ­شىلاردىڭ بارلىعى ءۇشىن جاعىم­دى بونۋس. الداعى ۋاقىتتا ءبىز جولدا­ما­­­لار­دى عانا ەمەس، باسقا دا باعالى سىي­لىقتاردى ويناتۋدى جوسپارلاپ وتىر­مىز»، دەلىنگەن ۋنيۆەرسيتەتتىڭ ءباسپاسوز قىز­مەتى تاراتقان حابارلامادا.

 

قاراعاندى وبلىسى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار