ونەر • 17 تامىز، 2021

ىزدەنگەنگە ىندەت سىلتاۋ ەمەس

33 رەت كورسەتىلدى

پاندەميا بەت قاراتپاي تۇرعان كەزدىڭ وزىندە قاراعاندى وبلىسىنداعى مادەني مەكەمەلەردىڭ بارلىعى دا جۇمىسىن توقتاتقان جوق. ياعني وڭىردەگى ۇزىن سانى 600-دەن استام مادەنيەت جانە ارحيۆ نىسانى ونلاين رەجىمگە كوشىپ، تۇرعىندارعا تۇراقتى تۇردە قىزمەت كورسەتىپ كەلەدى.

وسى جانە سالاداعى باسقا دا وڭ وزگەرىستەر تۋرالى وڭىرلىك كوم­­مۋنيكاتسيالار قىزمەتى الاڭ­قايىندا وتكەن ونلاين-بريفينگ­تە قاراعاندى وبلىسىنىڭ مادەنيەت، ارحيۆتەر جانە قۇجاتتاما باسقار­ماسىنىڭ باسشىسى ەركەبۇلان جۇماكەنوۆ باياندادى.

ۆەدومستۆو باسشىسى 2020 جىل­عا ارنالعان جۇمىستاردىڭ جوس­پارعا ساي اتقارىلعانىن اتاپ ءوتتى.

– 2020 جىلى 96 مادەنيەت جانە ارحيۆ نىسانى جوندەۋدەن ءوتتى. بيىل «اۋىل – ەل بەسىگى» جوباسى اياسىندا بۇقار جىراۋ اۋدانىنداعى بايمىرزا اۋىلىنىڭ كلۋبىندا جانە وساكاروۆ اۋدانىنداعى مولودەجنىي كەنتىنىڭ مادەنيەت ۇيىندە كۇردەلى جوندەۋ جۇرگىزىلەدى. سونىمەن بىرگە مادەنيەت جانە ونەر قىزمەتكەرلەرىنىڭ الەۋمەتتىك جاعدايىنا جەتكىلىكتى تۇردە كوڭىل بولىنەتىن بولادى. بيىل ولارعا 30 پاتەر بەرىلدى، ال 2022 جىلى تاعى 40 وتباسى باسپانامەن قامتاماسىز ەتىلمەكشى.

بۇدان بولەك، باسقارما باسشىسى الداعى ۋاقىتتا تاعى 150-200 پاتەرگە قاجەتتىلىك بار ەكەنىن ايتتى. سونىمەن قاتار ول مادەني ءىس-شارالاردى وتكىزۋ قاتاڭ تۇردە ەپيدەميالىق جاعداي تالاپتارى بويىنشا جۇرگىزىلەتىنىن اتاپ ءوتتى. الداعى ۋاقىتتا جانات قاجيەۆ اتىنداعى حالىقارالىق تەاتر فەستيۆالى، تاتتىمبەت اتىن­داعى رەسپۋبليكالىق بايقاۋ جانە «تاۋەلسىزدىك: ءسوز بەن سۋرەت» ونلاين بايقاۋىنىڭ جەڭىمپازدارىن ماراپاتتاۋ ءراسىمى جوسپاردا بار.

كوپتىڭ كوكەيىندە جۇرگەن سۇ­راقتىڭ ءبىرى – قاراعاندىداعى كەن­شى­لەردىڭ مادەنيەت سارايىنا جۇر­­گىزىلىپ جاتقان جوندەۋ جۇمىس­تارىنىڭ قاشان اياقتالاتىنى بولاتىن. بۇل تۋراسىندا ۆەدومستۆو باسشىسى ول شارۋانىڭ جاقىن ارادا ءبىتىپ، عيماراتتىڭ تامىز ايىنىڭ اياعىندا كەلۋشىلەرگە ەسىگىن ايقارا اشاتىنىن جەتكىزدى.

بۇگىندە بالالار ءۇشىن ۇيىرمە­لەرگە تەگىن قاتىسۋعا مۇمكىندىك بەرە­تىن artsport.edu.kz پلاتفورماسى جۇمىس ىستەپ تۇر ەكەن. مۇندا ءاربىر بالاعا كەتەتىن شىعىن­دى تولەۋ­گە ارنالعان قارجىلاندىرۋ­دىڭ جاڭا ءادىسى 1 مامىردان باستاپ ەنگىزىلگەن.

ەركەبۇلان جۇماكەنوۆ كاران­تيندىك شەكتەۋلەرگە قاراماس­تان،  مادەنيەت سالاسىنىڭ قىزمەت­كەر­لەرى حالىقارالىق جانە رەسپۋبلي­كالىق بايقاۋلارعا ونلاين رەجى­مىندە قاتىسىپ، باق سىناۋدى جال­عاس­تىرعانىن اتاپ ءوتتى.

– مادەنيەت جانە سپورت مي­نيستر­لىگى ۇيىمداستىرعان «رۋ­حاني قازىنا – 2021» فەستي­ۆالىن­دە قا­راعاندى وبلىسىنا جەتى جۇل­دەلى ورىن بۇيىردى، – دەدى ول.

بريفينگتە باسقارما باسشىسى بيىل جامبىل جاباەۆتىڭ 175 جىلدىعىن، قازاقستان تەاتر ونەرىنىڭ نەگىزىن قالاۋشىلاردىڭ ءبىرى، حالىق ءارتىسى سەرالى قوجام­قۇلوۆتىڭ 125 جىلدىعىن جانە داۋىل­پاز اقىن قاسىم امان­جولوۆ­تىڭ 110 جىلدىق مەرەيتويلارىن ەرەكشە اتاپ ءوتۋ جوسپارلانعانىن ايتتى.

«2021 جىلعى مادەني ءىس-شارالارىمىزدىڭ باسىم بولىگى تاۋەلسىزدىگىمىزدىڭ 30 جىلدىعىن اتاپ وتۋگە ارنالادى. مەرەكەگە وراي العاش رەت «مادەنيەت» پور­تالى­نىڭ الاڭقايىندا  «تاۋەل­سىز­دىك: ءسوز بەن سۋرەت» اتتى اقىن­دار مەن سۋرەتشىلەر اراسىندا رەس­پۋب­ليكالىق ونلاين-بايقاۋ ۇيىم­داستىرىلدى»، دەدى ە.جۇماكەنوۆ.

ءسوز سوڭىندا ۆەدومستۆو باسشىسى باسقارمانىڭ الداعى جۇ­مىس­تارى كارانتيندىك شەكتەۋ­لەر­گە بايلانىستى ءىشىنارا وزگە­رىس­تەرگە تۇسكەنىمەن، نەگىزىنەن ار­­­نايى بەكىتىلگەن جوسپارعا ساي جۇر­­­گى­زىلەتىنىن اتاپ ءوتتى.

 

قاراعاندى وبلىسى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار