ايماقتار • 13 تامىز، 2021

قاربىزعا قارىق قىلدى

629 رەت كورسەتىلدى

ءىستىڭ قيۋىن تاۋىپ، بابىن كەل­تىرسە، كليماتى قاتاڭداۋ ارقا توسىندە دە قاۋلاتىپ قار­بىز ءوسىرۋ­دىڭ ابدەن مۇمكىن ەكەن­دىگىن جا­ڭاارقا اۋدا­نىنىڭ تۇر­عىنى سەر­جان تۇسىپبەكوۆ ىسپەن دالەلدەدى.

ءۇبىرلى-ءشۇبىرلى بالا-شاعاسى بار سەرجان تۇسىپبەكوۆ قاربىز ءوسىرىپ، جەر­لەستەرىن ءدامى ءتىل ۇيىرگەن جەمىسپەن قام­تاماسىز ەتۋدى ءبىراز جىلدان بەرى ويلاستىرىپ جۇر­گەن ەكەن. ءوز بەتىمەن ىزدەنىپ، بۇل سا­لاداعى تاجىريبەلەردى جان-جاقتى زەرتتەگەن.

سودان كەيىن بارىپ اۋدان اكىمى يۋرجان بەكقوجينگە جولىعىپ، كومەك سۇراعان. كاسىپكەردىڭ بيزنەس جوس­پارى­مەن تانىسقاننان كەيىن، جەرگىلىكتى باسشى ونىڭ ءوتىنىشىن قانا­عاتتاندىرىپ، جەر الۋىنا ىقپال ەتەدى.

مىنە، وسىلايشا يدەيا ىسكە اسىپ، ەڭبەك­قور كاسىپكەر سەرجان تۇسىپ­بەكوۆ جەر ماسەلەلەرى جونىندەگى كو­ميس­سيانىڭ شەشىمىمەن بەرىلگەن ەكى گەكتار جەرگە قار­بىز وسىرەدى.

الا جازداي توككەن ماڭداي تەر زايا كەتپەي، بۇگىندە كاسىپكەر وسىرگەن قاربىز مول ءونىم بەردى. بۇل ىستە، ارينە، اعايىن-تۋىستىڭ كو­مەگى دە زور بولعان. الداعى ۋاقىت­تا كاسىپكەر سەرجان تۇسىپ­بەكوۆ ەگىس القابىن ۇلعايتىپ، جە­مىس-جيدەكتىڭ باسقا دا تۇرلەرىن وسىر­مەكشى.

 

قاراعاندى وبلىسى،

جاڭاارقا اۋدانى

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار