ايماقتار • 12 تامىز، 2021

توعىز جاسار چەمپيون

47 رەت كورسەتىلدى

تەمىرتاۋ قالاسىنداعى باۋىرجان مومىش ۇلى اتىنداعى مەكتەپتە وقيتىن توعىز جاستاعى نۇرايىم سايدۋللا توعىزقۇمالاقتان قازاقستان چەمپيوناتىندا توپ جاردى. سەمەي قالاسىندا وتكەن تۋرنيردە ءۇش سىن بويىنشا ونەر كورسەتكەن ول التىن، كۇمىس جانە قولا جۇلدەلەرگە قول جەتكىزدى.

– چەمپيوناتتا مەن جارىستىڭ ءۇش ءتۇرى بويىنشا كۇش سىنادىم. كلاسسيكالىق سىن توعىز تۋردان تۇردى. توعىز قارسىلاسىمنىڭ ءبارىن دە جەڭدىم. ەكىنشى راپيد دەپ اتالاتىن ءتۇر بويىنشا وتكەن توعىز راۋندتىڭ التاۋىندا جەڭىسكە جەتىپ، قولا جۇلدە الدىم. ال سوڭعى – بليتس سىنىندا جەتى رەت جەڭىسكە جەتتىم، – دەيدى بالعىن چەمپيون.

وسى تابىستان سوڭ جاس توعىز­قۇمالاقشىعا «قازاقستان رەسپۋبليكاسىنىڭ سپورت شەبە­رىنە ۇمىتكەر» اتاعى بەرىلدى. جال­پى، نۇرايىم سايدۋللا سپورت­تىڭ بۇل تۇرىمەن بەس جىلدان بەرى اينالىسىپ كەلەدى. ول وقي­تىن مەكتەپتە توعىزقۇمالاق ويىنى مەكتەپ باعدارلاماسىنا ەنگىزىلگەن.

توعىزقۇمالاق ۇيىرمەسىنىڭ جەتەكشىسى اكىم سايدۋللا اتال­عان سپورت ءتۇرى بالالاردىڭ ويلاۋ جۇيەسىن دامىتىپ قانا قويماي، ولاردى ماتەماتيكالىق ەسەپتە دە جۇيرىك بولۋعا باۋليتىنىن ايتادى.

– جىل سايىن ءبىرىنشى سى­نىپقا 60 وقۋشى كەلەدى. سو­لار­­دىڭ بارىنە توعىزقۇمالاق ويى­نىن ۇيرەتەمىز. مەكتەپ باس­شىلىعى مۇنداي ءۇردىستى ۇدايى قولداپ وتىرادى. مەكتە­بىمىزدە وقۋشىلار ءۇزىلىس كەزىنىڭ وزىندە توعىزقۇمالاق ويناپ جاتادى، – دەيدى ول.

 

قاراعاندى وبلىسى،

تەمىرتاۋ قالاسى

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار