الەم • 19 شىلدە، 2021

بارسەلونادا ءورت شىقتى

34 رەت كورسەتىلدى

كاتالونيا ءورت سوندىرۋ­شىلەرى بارسەلونا ماڭىنداعى جيرونادا ورنالاسقان كاپ كرەۋس ۇلتتىق ساياباعىندا ءتىلسىز جاۋمەن كۇرەسىپ جاتىر.

ءورت سوندىرۋشىلەردىڭ ايتۋىنشا، وقيعا ورنىنا جاقىن جەردەگى 350 ادام ۇيلەرىنەن ەۆاكۋاتسيالانعان.

بۇل ايماق تۋريستەردىڭ سۇيىكتى مەكەنى بولاتىن جانە وسى ماۋسىمدا ءجيى باراتىن مەكەندەردىڭ بىرىنە اينالعان. 

جەرگىلىكتى بيلىكتىڭ مالىمەتىنشە، ورمان ءورتى 400 گەكتاردان استام جەردى شارپىدى.

جەنەراليتەتتىڭ ىشكى ىستەر كەڭەسشىسى دجوان يگناسي ەلەنا سەنبىدە وسى ايماققا بارىپ، ازاماتتاردى جاۋاپكەرشىلىكپەن ارەكەت ەتۋگە شاقىردى.

«ورتكە تەمەكى تۇقىلى سەبەپ بولدى جانە بۇل – ءبىز ءۇشىن، ازاماتتارىمىز ءۇشىن ۇيات نارسە»،  دەدى ول.

قازىرگى ۋاقىتتا 200-دەن استام ءورت ءسوندىرۋشى، بىرنەشە تىكۇشاق جۇمىس ىستەۋدە. ءتورت ءورت ءسوندىرۋشى جەڭىل جاراقات الىپ، ءبىر ورمانشى جىلۋ سوققىسىنان زارداپ شەكتى. جەنەراليتەتتىڭ ىشكى ىستەر كەڭەسشىسى فرانتسيانىڭ ءورت ءسوندىرۋ قىزمەتتەرىنەن، سونداي-اق ورتالىق ۇكىمەتتەن كومەك سۇرالعانىن حابارلادى. ءورتتى سوندىرۋگە 80 ءورت ءسوندىرۋ بريگاداسى قاتىسادى.

ىستىق جانە قۇرعاق كليماتقا بايلانىستى يسپا­نيا جازدا ورمان ورتتەرىنەن ءجيى زارداپ شەگەدى. ساراپشىلاردىڭ پىكىرىنشە، جاھاندىق جىلىنۋدىڭ سالدارىنان ءورت ءجيى جانە جويقىن بولىپ جاتىر.

 

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار