الەم • 15 شىلدە، 2021

ميگرانتتار ءولىمى كوبەيدى

14 رەت كورسەتىلدى

ەۋروپاعا بەت العان بوسقىندار ءولىمى كوبەيىپ بارادى. بۇۇ كوشى-قون اگەنتتىگى بيىل تەڭىزدە قاي­تىس بولعان مي­گرانت­تاردىڭ سانى ەكى ەسە ارت­قا­نىن مالىمدەدى.

كوشى-قون ۇيىمى بيىل قاڭتار مەن ماۋسىمنىڭ اراسىندا كەم دەگەندە 1 146 ادام قايتىس بولعانىن حابارلادى. وعان سەبەپ – ليۆيا مەن يتاليا ارا­سىن­داعى جەرورتا تەڭىزىندەگى قاۋىپتىڭ كۇشەيۋى.
ودان كەيىن باتىس افريكا مەن يسپانياداعى كانار ارالدارى اراسىنداعى اتلانت مۇحيتى دا ميگرانتتار ءۇشىن قاۋىپتى جول بولىپ وتىر. گرەكياعا باعىت العان بوسقىندار دا دىتتەگەن جەرگە جەتپەي، قازا تاپقان كورىنەدى.
ادام قۇقىقتارى ۇيىمدارى ۇكىمەتتەردىڭ بۇل جايت­قا بەيجاي قاراپ، جوعالعان ادامداردى ىزدە­مە­گەنىنە سىن ايتتى. دەگەنمەن ەۋروپا مەملەكەت­تەرى تەڭىز­دە جوعالعانداردى ىزدەۋ توبى ىسكە كىرىس­كەنىن حابار­لادى.
تۋنيس بولسا، بيىل ىزدەۋ توبىنىڭ جۇمىسىن كۇشەيتتى. ليۆيا بۇل قاتەردىڭ الدىن الۋ ءۇشىن جولعا شىققان ازاماتتارىن كەرى قاي­تارۋعا كۇش سالىپ وتىر. بيىل 15 000 ليۆيالىقتى كەرى قايتارعان. ال بىل­تىر ەلگە قايتارىلعاندار سانى 5 مىڭ بولىپتى.

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار