مەديتسينا • 13 شىلدە، 2021

مەديتسينا قىزمەتكەرلەرىنىڭ قۇقىعىن قورعاۋ قارالدى

63 رەت كورسەتىلدى

وڭىرلەردەگى دەنساۋلىق ساقتاۋ نىساندارى قۇرىلىسىنىڭ ساپاسى جانە مەديتسينا قىزمەتكەرلەرىنىڭ قۇقىقتارىن قورعاۋ شارالارى Nur Otan پارتياسى جانىنداعى ۇلت دەنساۋلىعى ماسەلەلەرى جونىندەگى رەسپۋبليكالىق قوعامدىق كەڭەستىڭ وتىرىسىندا تالقىلاندى.

دەنساۋلىق ساقتاۋ مينيسترلىگىنىڭ وكىلى داناي سماعۇلوۆتىڭ ايتۋىنشا، بۇگىندە Nur Otan پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسى اياسىندا نۇر-سۇلتان جانە الماتى قالالارىندا ەكى عىلىمي-يننوۆاتسيالىق كوپ­بەيىندى اۋرۋحانانىڭ قۇرىلىسى باس­­­تالدى. ايماقتاردا 5 جىل ىشىن­­­دە 20 زاماناۋي مەديتسينالىق ور­تالىق اشۋ جوسپارلانىپ وتىر. سونىمەن قاتار، بارلىق ەلدى مە­كەندەردى فەلدشەرلىك-اكۋشەرلىك جانە دارىگەرلىك امبۋلاتوريالارمەن قامتاماسىز ەتۋ جۇمىستارى جۇرگىزىلۋدە.

وسى ورايدا، پارتيا كەڭەسى قۇ­رى­لىستىڭ ساپاسى مەن مەرزىمىن ساقتاۋ جانە سالىنىپ جاتقان نىسانداردى تەحنيكالىق جابدىقتاۋ ماسەلەلەرىنە سالالىق ۆەدومستۆو قىزمەتكەرلەرىنىڭ نازارىن اۋداردى.

«جۇرگىزىلگەن مونيتورينگ قو­رىتىندىسىنان ء«دارۋ» ۇلتتىق وڭالتۋ ورتالىعىنىڭ قۇرىلىس كەس­تەسى ساقتالماعانىن كورىپ وتىرمىز. ال جەكە مەديتسينالىق ۇيىمدار مەن كلينيكالاردا تالاپتاردىڭ بىرىڭعاي تۇجىرىمداماسىنىڭ بول­ماۋىنا بايلانىستى حالىققا العاشقى مەديتسينالىق-سانيتارلىق كومەك كورسەتۋ بويىنشا «ۇيدەگى دارىگەر» جوباسىنا قاتىسۋ ءۇشىن قيىن­دىقتار تۋىندادى»، دەدى ەلور­دالىق كەڭەس ءتورايىمى دينارا ورازالينا.

پارتيانىڭ ءباسپاسوز قىز­مەتى حابارلاعانداي، وتىرىس با­­رىسىن­دا كەڭەس مۇشەلەرى مەدي­تسينا

قىزمەتكەرلەرىنىڭ كاسىبي جا­ۋاپ­كەرشىلىگىن ساقتاندىرۋ تەتىك­تە­رىن جەتىل­دىرۋدى جانە وبلىستار مەن رەس­پۋب­ليكالىق ماڭىزى بار قا­لا­­لار­دىڭ قوعامدىق دەنساۋلىق ساقتاۋ باس­قارمالارى جانىنداعى پا­تسيەنت­تەردىڭ قۇقىقتارىن قورعاۋ جونىندەگى تاۋەلسىز ومبۋدسمەن لاۋا­زى­مىن ەن­گىزۋدى ۇسىندى.

دەنساۋلىق ساقتاۋ مينيستر­لىگىنىڭ عىلىم جانە ادامي رەسۋرستار دەپارتامەنتىنىڭ ديرەكتورى گۇلناز تاڭاتاروۆانىڭ ايتۋىنشا، ۆەدومستۆو مەديتسينا قىزمەتكەرلەرىنىڭ مارتەبەسىن ارتتىرۋعا، ولاردىڭ قۇ­­­­قىقتارى مەن مۇددەلەرىن قور­عاۋعا، ەڭبەك جاعدايلارىن جاق­سار­­تۋعا باعىتتالعان زاڭ جوباسىن ازىرلەگەن. اتاپ ايتقاندا، «كىنا­سىز» جۇيەسى بار قولدانىستاعى ساق­تاندىرۋ كومپانيالارى ارقىلى (سوت­قا دەيىن وتەماقى تولەۋ) مەدي­تسينالىق قىزمەتكەرلەردىڭ كاسىبي جا­ۋاپكەرشىلىگىن ساقتاندىرۋدى كەزەڭ-كەزەڭىمەن ەنگىزۋ جوس­پار­­لان­عان، وندا جۇمىس بەرۋشى ساق­تان­دىرۋشى بولادى. سونداي-اق ەم­دەۋ­دىڭ «ترافارەتتىك» ءتاسىلى الىنىپ تاس­تالىپ، پاتسيەنتتەرمەن اراداعى داۋ­دى رەتتەۋمەن اينالىساتىن مە­ديا­تسيا قىزمەتى ەنگىزىلەدى.

وتىرىس قورىتىندىسى بويىنشا كەڭەس بىرقاتار ۇسىنىمدار ازىرلەدى. ولاردىڭ قاتارىندا مەديتسينالىق قۇقىق بۇزۋشىلىقتار جونىندەگى نورمانى اكىمشىلىك كودەكسكە اۋىستىرا وتىرىپ، قىلمىستىق كو­دەكستىڭ 317-بابىن قايتا قاراۋ، مە­دي­تسينا قىزمەتكەرلەرىنىڭ كا­سىبي جاۋاپكەرشىلىگىن ەرىكتى ساقتان­دىرۋ­دىڭ ءتيىمدى تەتىكتەرىن پىسىقتاۋ جانە ت. ب. ۇسىنىستار بار.

 

«ەگەمەن-اقپارات»

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار