كوروناۆيرۋس • 09 شىلدە، 2021

ەكپە سالدىرىپ، 1 ملن تەڭگە ۇتىپ الدى

78 رەت كورسەتىلدى

پاۆلودار وبلىستىق دەنساۋلىق ساقتاۋ باسقارماسىنىڭ مالىمەتىنشە، ەكپە العاندار اراسىندا اقشالاي سىيلىق ويناتۋ 26-ماۋسىمدا باستالدى. ۇتىسقا قاتىسۋ ءۇشىن پاۆلودارلىقتار ىندەتكە قارسى ۆاكتسينا الۋعا كەلە باستاعان. تاۋلىگىنە 4 مىڭنان استام ادام ۆاكتسينا الۋعا كەلگەن. ءسويتىپ، 4 شىلدە كۇنى اقشالاي سىيلىققا اناستاسيا گرينچەنكو يە بولدى.

– مەن ميلليون تەڭگە الۋ ءۇشىن ەمەس، ءوزىمدى جانە جاقىندارىمدى قورعاۋ ماقساتىندا ەكپە الدىم. جاقىندا وسى ىندەت سالدارىنان تۋعانىمنان ايىرىلدىم، – دەيدى ا.گرينچەنكو.

ال ىندەتكە قارسى ەكپە العاندار اراسىندا اقشالاي سىيلىق ويناتۋدى كاسىپكەر، شوۋمەن ايدار قۇرىمباەۆ باستادى. بايقاۋدىڭ شارتى بويىنشا 26 ماۋسىم – 3 شىلدە ارالىعىندا وبلىس ورتالىعىنداعى №1، 3، 4، 5 ەمحانالاردا، «Almaz Medical Group»، «دانەل» مەديتسينالىق ۇيىمدارى مەن تەمىرجول اۋرۋحاناسىنىڭ بىرىندە ىندەتكە قارسى ەكپە الۋى قاجەت بولدى.

– ەكپە العاندار اراسىندا وينا­تىل­عان ۇتىسقا ەمحانالاردا ەكپە العاندار قاتىستى. قاتىسۋشىلاردىڭ ءبارى ەرىكتى تۇردە كەلدى. ۇتىس ويىنىنا قاتىسۋ ءۇشىن ەكپە العانى جايلى انىقتاما كەرەك. وسىلايشا ساۋالدامانى تولتىرىپ، ەمحاناداعى جاشىككە تاستادى. ءسويتىپ، تالون تولى جاشىكتەردى جيناپ، لوتوترونعا سالدىق تا جەڭىمپازدى انىقتادىق. ۇتىس يەسىن قۇتتىقتاپ، اقشالاي سىيلىعىن تابىس ەتتىك، – دەيدى شوۋمەن.

شوۋمەن ءوزىنىڭ Instagram جەلىسىن­دەگى جەكە پاراقشاسىندا تىكەلەي ەفيردە وتكەن ويىن بارىسىندا كەزدەيسوق تالوندى الىپ شىعىپ، ۇتىس يەسىن انىق­تايدى.

– قازىر بىلەسىزدەر، مەيرامحانا بيز­نەسى ءبىر جىلدان اسا ۋاقىت توقتاپ تۇر. ۇكىمەت تۇرعىنداردىڭ 60 پايىزى ەكپە الىپ، ۇجىمدىق يممۋنيتەت قالىپتاسقان سوڭ عانا قوعامدىق شارالاردى ۇيىمداستىرۋعا رۇقسات بەرەتى­نىن مالىمدەدى. سوندىقتان تۇرعىندار­دى ىنتالاندىرۋ ماقساتىندا وسىنداي شارا وتكىزۋدى ويلادىم، – دەيدى كاسىپكەر.

باسقارمانىڭ مالىمەتىنشە، وڭىردە ۆاكتسينالاۋ بارىسى وتكەن ايلارمەن سالىستىرعاندا 1،6 ەسە وسكەن. وڭىر­دە 155 مىڭ تۇرعىن ۆاكتسينانىڭ ءبىرىن­شى كومپونەنتىن السا، 86 مىڭنان استام ادام تولىق ەگىلگەن. ەكپە الۋ با­رى­سى­نىڭ كوبەيگەنى 28 ماۋسىم مەن 4 شىل­دە ارالىعىندا بايقالدى. ويتكەنى وسىدان ءبىر اپتا بۇرىن ۆاكتسينا­نىڭ ءبىرىنشى كومپونەنتى 17 مىڭ ادامعا ەگىلسە، سوڭعى جەتى كۇندە 29 مىڭداي ادام قابىلداعان. سونىمەن بىرگە وبلىستا ۆاكتسينانى مەديتسينا ماماندارى، مۇعالىمدەر، قۇقىق قورعاۋ ورگاندارى قىزمەتكەرلەرى الۋدا. ال ەڭبەك ۇجىمدارىنا ارنالعان 67 ءموبيلدى توپ جۇمىس ىستەيدى.

وبلىس اكىمدىگىنىڭ وتىرىسىندا ءوڭىر باسشىسى ابىلقايىر سقاقوۆ ىندەت جۇقتىرعان ناۋقاستار سانى جۇزدەن اسقانىن، سوندىقتان تۇرعىندارعا ىنتالاندىرۋ شارالارىن قولدانا وتىرىپ ۆاكتسينالاۋ قاجەتتىلىگىن جەتكىزدى. ەكپە الۋ ناتيجەسى اپتا سايىن تالدانادى. ۇجىمدىق يممۋنيتەت، ەكپە الۋ كورسەتكىشى ءوسىپ وتىرۋى ءتيىس.

وبلىستىڭ باس سانيتار دارىگەرى باتىربەك اليەۆتىڭ ايتۋىنشا، ىن­­دەت­­تەن ساقتانۋ ءۇشىن ۆاكتسينا الۋ قا­­­­­جەت. نۇر-سۇلتان قالاسىنداعى ەپي­­­دە­ميا­لىق جاعداي الاڭداتۋدا. شتام­­­دار­دىڭ جاڭا تۇرلەرى پايدا بو­لۋدا. ەكپە بار­لىعىنا تەگىن جۇر­گى­زىلەدى. سون­دىقتان ءوزىمىزدى دە، اينا­لا­مىز­داعى بارلىق ادامدار دەنساۋ­لى­عىن دا ساقتايىق. ەلىمىزدە كۇزگە دەيىن ۇجىم­دىق يممۋنيتەتتى قالىپتاستىرۋ مىن­دەتى تۇر. ىندەتتىڭ ءتۇرلى شتامدارىنا قارسى تۇرۋ ءۇشىن ەكپە الىپ، تۇرعىندار ءوز دەنساۋلىعىن ساقتاۋى قاجەت.

باسقارمانىڭ مالىمەتىنشە، ۇجىم­دىق يممۋنيتەتتى قالىپتاستىرۋ ءۇشىن ءوڭىر حالقىنىڭ 60 پايىزى ەكپە الۋى ءتيىس. ۆاكتسينا قورى جەتكىلىكتى، ەكپە كابينەتتەرى جۇمىس ىستەۋدە. ساۋدا ورتالىقتارىندا دا ەكپە الۋعا بولادى. دەمالىس كۇندەرى جىلجىمالى ەكپە ەگۋ كەشەندەرى جۇمىس ىستەۋدە. وتاندىق ۆاكتسينا سالدىرۋ كورسەتكىشى بويىنشا ءۇشىنشى ورىندا تۇر. قىتايلىق ۆاكتسينانىڭ 14 مىڭ داناسى جەتكىزىلدى. سونداي-اق سپۋتنيك V ەكپەسىن العاش رەت العان ادامدار 21 كۇننەن كەيىن وتاندىق نەمەسە قىتايلىق ۆاكتسينانى الا المايدى. ءارتۇرلى كومپونەنتتى العان كەزدە ادام اعزاسىنداعى جاعداي تولىق زەرتتەلمەگەن.

قازىر وبلىس ورتالىعىندا ءار سەن­بى، جەكسەنبى كۇندەرى تۇرعىندارعا جىل­جىمالى ەكپە ەگۋ كەشەندەرى قى­ز­-
مەت كورسەتۋدە. ءوز ەركىمەن ەكپە سال­دىرۋعا كەلگەن تۇرعىندار قاجەتتى پرەپارات ءتۇرىن تاڭداي الادى. بۇل جەردە تەراپەۆت دارىگەر، ەكى مەدبيكە جانە ەكپە الۋعا كەلگەن ادامداردى تىركەيتىن مامان بار. كەلۋشىلەردىڭ دەنە قىزۋىن، جۇرەك قاعىسى مەن قان قىسىمىن ولشەگەن سوڭ بارىپ، ەكپە سالىنادى. بۇل كەشەندى اۆتوبۋستار ءار ەمحاناعا بەكىتىلگەن. كۇندىزگى ساعات 10.00-دەن كەشكى ساعات 19.00-گە دەيىن قىزمەت ەتەدى. تۇرعىنداردىڭ باسىم بو­لىگى رەسەيلىك سپۋتنيك V ۆاكتسينا­سىن، بىرىككەن اراب امىرلىكتەرىندە شى­عارىلعان Hayat Vax ۆاكتسيناسىن سال­دىرۋدا. ەكپە ءتۇرىن ادامدار ءوز ەركى­مەن تاڭدايدى. جىلجىمالى ەكپە ەگۋ كەشەنىندە ۆاكتسينانىڭ 4 ءتۇرى دە بار.

ەندى ەكپە العان تۇرعىندار وفتال­مولوگ-دارىگەردەن تەگىن كەڭەستەر الۋدا. وبلىستىق اۋرۋحانادا وفتالمولوگ-دارىگەردىڭ گالوكامەرادا ءبىر رەتتىك ەمدەۋ سەانسى بويىنشا شارا وتكىزىلۋدە. سونداي-اق ىندەت جۇقتىرىپ جانە پنەۆمونيادان ەمدەلىپ شىققان ناۋقاستار­عا مەديتسينالىق وڭالتۋ قىزمەتتەرىن ۇسىنادى. بۇل شارالار «مىندەتتى الەۋ­مەتتىك ساقتاندىرۋ» جۇيەسى بويىن­شا تەگىن جۇرگىزىلەدى. بۋراباي سانا­توريىندە ەمدەلە الادى. وبلىس ورتا­لىعىنداعى Almaz Medical Group جشس-دە (بۇرىنعى №2 ەمحانا)، №4، №3، №1 ەمحانالاردا وڭالتۋ ەم شارالارى جۇرگىزىلەدى.

پاۆلودار ءوڭىرى ەپيدەميالىق جاع­­دايدى باعالاۋ ماتريتساسى بويىن­شا 4 شىلدەدەن باستاپ «قىزىل ايماقتا». وبلىس ورتالىعىندا ەكپە العاندار اراسىنداعى ەكىنشى ۇتىس ويىنى دا باس­تالدى. جەرگىلىكتى كاسىپكەر نۇر­گۇل ايعوجينا ايدار قۇرىمباەۆتىڭ ­باس­تاماسىن قولداپ، 4-11 شىلدە ارالى­عىن­دا ۆاكتسينا العان پاۆلودارلىق­تار اراسىندا 1،5 ملن تەڭگە ۇتىس ويىنىن وتكى­زەتىنىن مالىمدەدى. ويىن ءوتىپ جات­قان ءبىرىنشى اپتادا 4 مىڭ ادام ەكپە الۋعا نيەت بىلدىرگەن. بۇل جولى ەكى جۇل­دەگەر بولادى، ولاردىڭ ءبىرى 1 ميل­ليون تەڭگە، ەكىنشىسى 500 مىڭ تەڭ­گە الادى. ۇتىس قورىتىندىسى 11 شىل­دەدە شىعادى. ويىننىڭ شار­تى – 4-11 شىلدە ارالىعىندا Batyrmoll ويىن-ساۋىق ورتالىعىن قوسا العان­دا، 7 ەگۋ پۋنكتىنىڭ بىرىندە ىندەتكە قار­سى ەكپە الىپ، تالوندى تولتىرۋ. ال ەرىكتىلەر ۇتىس ويىنى كەزىندە كۋپون­داردىڭ دۇرىس تولتىرىلۋىن جانە جەڭىمپازدارعا اقشا بەرگەنگە دەيىن ويىننىڭ ادال ءوتۋىن قاداعالايدى. ۇتىس Instagram pretty_women_pvl تىكە­لەي ەفيرىندە وتەدى.

 

پاۆلودار وبلىسى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار