تەحنولوگيا • 16 ماۋسىم، 2021

جەكە IP-تەلەفونيا ينفراقۇرىلىمىن جوبالادى

6 رەت كورسەتىلدى

جاڭا تەحنولوگيالاردى ەنگىزۋ جانە ءداستۇرلى تەلەفوننان باس تارتۋ ارقىلى بانك جابدىققا جۇمسالاتىن كۇردەلى شىعىنداردى 43،4 ملن تەڭگەگە دەيىن قىسقارتا الدى.

پاندەميانىڭ سالدارى جا­ڭا جاعدايدا كور­­پوراتيۆتى جۇمىس­شىلاردىڭ تيىمدىلىگىن قامتاماسىز ەتۋ ءۇشىن تىڭ تەح­نيكالىق تاسىلدەردى قاجەت ەتەتىن گيبريدتى جۇمىس پەن ءموبيلدى كەڭسەگە كوشۋدى كۇشەيتتى. ەگەر بۇرىن «موبيلدىك» بەلگىلى ءبىر دارەجەدە قىزمەتكەرلەردىڭ ونىم­دىلىگىن شەكتەيتىن فاكتور رەتىندە قابىلدانسا، قازىر تەحنيكالىق شەشىمدەردىڭ ناتي­جەسىندە ولار كەڭسە شەگىنەن تىس جەرلەردە دە جوعارى كور­سەتكىشتەرگە قول جەتكىزە الادى. قازاقستاننىڭ دامۋ بان­كى­ وكىلدەرىنىڭ ايتۋىنشا، اقپا­راتتىق قاۋىپسىزدىك تالاپتارىن ساقتاي وتى­رىپ، بانكتىڭ IT-قىزمەتتەرىنە بار­لىق جەردە قول­جەتىمدىلىكتى قام­تاماسىز ەتۋ قاجەتتىلىگى بۇرىن­نان-اق ءپى­سىپ-جەتىلدى، الايدا كورو­نا­ۆيرۋس­تىڭ العاشقى تولقىنى باس­تالعان كەزدە بۇل قاجەتتىلىك وتكىر ايقىندالدى.

«نارىق ۇدەرىسى ءوز ەرەجە­لەرىن تالاپ ەتەتىنى بەلگىلى. ءداس­تۇرلى تەلەفونيا ءوزىنىڭ تانى­مالدىلىعىن جو­عالتتى، ەس­كىردى. پاندەميا بۇل فاك­تىنى بانكتە قابىلداۋدى ەداۋىر جەدەلدەتتى. ويتكەنى كارانتيندە بولعان كەزدە كورپوراتيۆتىك ستاتسيو­نارلىق تەلەفوندارعا قاجەتتىلىك جوعالىپ كەتتى. قازىر بارلىق كوممۋنيكاتسيا سمارتفون ارقىلى وتۋدە»، دەدى قدب باسقارما توراعاسىنىڭ ورىنباسارى ساندۋعاش كەنجەباەۆا.

بانكتە IP-تەلەفونيانىڭ جەكە ينفراقۇرىلىمىن جوبالاۋ 2020 جىلدىڭ سوڭىندا باس­تال­دى، سول كەزدە تەلەفونيا­نى، اۋديو جانە بەينەكونفە­رەنتس­ياعا بايلانىستى سىرت­قى قول­جەتىمدىلىك مۇم­كىندىگى­مەن بىرىك­تىرەتىن بىرىڭعاي ينتەگرا­تسيا­­لانعان جۇيەنى قۇرۋ ءۇشىن جابدىق ساتىپ الىندى. كور­پوراتيۆتىك قوڭى­راۋلاردى جۇ­زەگە اسىرۋ ءۇشىن Cisco Jabber باعدارلامالىق كليەنتى قول­­دانىلادى، بۇل بانكتىڭ ءاربىر قىز­مەتكەرىنە ەكى قۇرىلعىنى: نوۋت­بۋك پەن سمارتفوندى پاي­دالانۋعا مۇم­­كىندىك بەرەدى. سو­نىمەن قاتار جاڭار­تىلعان ينفراقۇرىلىم نە­گىزىندە بەي­نەكونفەرەنتسيا قىز­مەتى ەن­گىزىلدى، ونىڭ كومەگىمەن ءۇش نەمەسە ودان دا كوپ قاتىسۋشى داۋىستىق جانە بەينە بايلانىس تەحنولوگياسى ار­قىلى جاقسى ساپادا ءوزارا بايلانىسا الادى.

ديرەكتورلار كەڭەسىنىڭ مۇ­شە­لەرى جاڭا قىزمەتتى سىناپ كوردى. ونلاين رەجىمدە ال­قالى ورگاننىڭ جانە كومي­تەتتەرىنىڭ وتىرىسى ءوتتى، وندا قدب جىلدىق ەسەبىن، سونداي-اق تاۋەكەلدەر جونىندەگى ەسەپ­تى بەكىتۋ جانە بانكتىڭ دا­مۋ ستراتەگياسىن جاڭارتۋ جونىندەگى ءىس-شارالار جوس­پارىنا تۇزەتۋلەر ەنگىزۋ سىندى ماسەلەلەر تالقىلاندى.

«بانك قىزمەتكەرلەرىنىڭ باعدار­لامالىق ونىمدەگى ءتيىمدى ءوزارا ءىس-قيمىلى ءۇشىن ءبىز بانك­تىڭ ءاربىر قۇرى­لىمدىق بولىم­شەسىنە ارنايى قوڭىراۋ شالۋ ءنومىرى بار جەكە بەينە­كون­فەرەنتس-بولمەلەر قۇردىق، ونىڭ بارلىعى تاۋلىك بويى قول­جەتىمدى. بەينەكونفەرەنتسيا قىزمەتى ديرەكتورلار كەڭەسىنىڭ جابدىقتالعان زالىمەن بىرىك­تىرىلگەن، بۇل كونفەرەنتسيالاردى ءتۇرلى ستسەناريلەردە، بەينە جانە اۋديو بەرۋدىڭ جوعارى ساپاسىمەن وت­كىزۋگە مۇمكىندىك بەرەدى. ءبىز قاناتقاقتى وتىرىستار وتكىزدىك، ءونىم ءوزىن وتە جاقسى كورسەتتى»، دەدى س.كەنجەباەۆا.

 

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار