الەم • 15 ماۋسىم، 2021

كاتالونيا ماسەلەسى قايتا قوزعالدى

11 رەت كورسەتىلدى

جەكسەنبىدە مادريدتىك وڭشىل بەلسەندىلەر نارازىلىققا شىقتى. ولار يسپانيا بيلىگىنەن كاتالوندىق 12 ساياساتكەردى بوستاندىققا شىعارۋدى تالاپ ەتتى.

بەلسەندىلەردىڭ ايتۋىنشا، 12 ساياساتكەر 2017 جىلعى نارازىلىقتار كەزىندە جازىقسىز قاماۋعا الىنعان. ولاردى باس بوستاندىعىنان ايىرۋعا ەش نەگىز بولماپتى.

يسپانيانىڭ «ۆوكس» ۇلتشىلدار پارتياسىنىڭ كوشباسشىسى سانتياگو اباسكال «بەلسەندىلەردى قاماۋ بۇل ەلدەگى نەگىزگى زاڭ – كونستيتۋتسياعا قارسى كەلۋ. بۇل – سەپاراتيستەرگە، كاتالوندىقتارعا جاسالعان وپاسىزدىق. سوندىقتان بەلسەندىلەر بوستاندىققا شىعۋى كەرەك»، دەدى.

ۇكىمەت باسشىسى پەدرو سانچەس شەشىم ازىرگە قايتا قارالمايتىنىن ايتتى. دەگەنمەن، مينيسترلەر يسپانيا جوعارعى سوتىنىڭ 2019 جىلى قابىلداعان قارارىن جوققا شىعارۋ مۇمكىن ەكەنىن ايتادى.

نەگىزى، ۇكىمەت باسشىسىنىڭ كەسىپ ايتقان شەشىمى كاتا­لون­دىقتاردىڭ اشۋىن شاقىرىپ، جاعدايدى ۋشىقتىرۋى مۇمكىن. جالپى، كاتالونيانىڭ بولەك شىعۋىنا قاتىستى ۇسىنىستى ەل حالقىنىڭ 60 پايىزى قولداماسا، 25 پايىزى قۇپ كورگەن.

دەموكراتتار بولسا، سەپاراتيستەر يسپانيا كونستيتۋتسياسىنان وزدەرىن اقتاپ الاتىن زاڭ ىزدەمەسىن دەگەن كەڭەس ايتتى. سونىمەن قاتار سانچەستىڭ مۇنى جاقسى بىلەتىنىن، سوعان قوسا پارلامەنتتىڭ ونى قولداۋى كاتالوندىقتارعا قاتىستى جاعدايدى وزگەرتە قويمايتىنىن بولجايدى.

بەلسەندىلەر ساياسي دەبات ۇيىمداستىرىلۋى كەرەكتىگىن جانە سوتتالعان 12 ساياساتكەردىڭ ءىسى قايتا قارالۋىن تالاپ ەتتى.

ون جىلعا سوزىلعان كاتالونيا ماسەلەسى يسپانيا ەكونو­ميكاسىنا ۇلكەن زيان كەلتىرۋدە. 7،5 ملن تۇرعىنى بار كاتالونيا يسپانيادان اۆتونوميا تالاپ ەتىپ وتىر. الايدا بيلىك بۇل تالاپتى ماقۇلداۋعا بەيىلدى ەمەس.

 

 

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

ۇقساس جاڭالىقتار