الەم • 15 ماۋسىم، 2021

بايدەن سەرىكتەستىكتى نىعايتۋدى ۇسىندى

14 رەت كورسەتىلدى

انگليادا G7 سامميتىنە قاتىسقان اقش پرەزيدەنتى دجو بايدەن وتىرىسقا قاتىستى وڭ پىكىرىن ءبىلدىردى. كوشباسشىلاردىڭ كەزەكتى جيىنىنا العاش رەت قاتىسىپ وتىرعان ساياساتكەر ونى «ەرەكشە ءارى ناتيجەلى جۇمىس» دەپ باعالادى.

جەكسەنبىدە بايدەن كوروناۆيرۋس پاندەمياسىنان كەيىن دامۋشى ەلدەرگە كومەك كورسەتۋ، جاھاندىق جىلىنۋعا قارسى جوسپار، حالىقارالىق كومپانيالارعا سالىناتىن سالىق كولەمىن ازايتۋ بويىنشا كەلىسسوزدەرگە قاتىستى.

بۇعان دەيىن بىرقاتار ەۋروپالىق ەلدىڭ قارجى مينيسترلەرى ترانسۇلتتىق كورپوراتسيالارعا جاھاندىق ەڭ تومەنگى سالىقتى ماقۇلداۋ تۋرالى ۇسىنىس بىلدىرگەن-ءدى. مينيسترلەر ءىرى ترانسۇلتتىق كومپانيالارعا كەم دەگەندە 15% كولەمىندە جاھاندىق ەڭ تومەنگى سالىقتى ەنگىزۋدى ماقۇلداعاننان كەيىن،  G7 سامميتىندە كوشباسشىلاردىڭ كورپوراتسيالاردىڭ كەيبىر ەلدەردى قاجەتتى كىرىستەردەن ايىراتىن سالىقتاردى بولدىرماۋى ءۇشىن سالىققا قاتىستى قاراردى قابىلدايتىنى بەلگىلى ەدى.

ەڭ تومەنگى مولشەرلەمەنى امەريكا قۇراما شتاتتارى قولدادى جانە پرەزيدەنت دجو بايدەن ءۇش كۇنگە سوزىلعان G7 سامميتىندە جاھاندىق ەكونوميكانى بىرلەسىپ كوتەرۋ الدەقايدا وڭتايلى ەكەنىن ەسكە سالدى.

بيىلعى سامميت پاندەميادان كەيىن حالىقارالىق كوشباس­شىلاردىڭ قايتادان ءبىر ورتاعا جينالعانىن كورسەتۋدى دە ماقسات ەتتى. سونىمەن قاتار اقش-تىڭ بۇرىنعى پرەزيدەنتى دونالد ترامپ ۇزگەن بايلانىستى قايتا قالپىنا كەلتىرۋدى دە كوزدەدى. سونداي-اق كانادا، فرانتسيا، گەرمانيا، يتاليا، جاپونيا، انگليا جانە اقش سىندى دامىعان ەلدەر كلۋبى دامۋشى ەلدەرگە قىتايعا قاراعاندا جاقىنىراق ەكەنىن ءارى شىن جاناشىر ەكەنىن تاعى ءبىر ەسكە سالۋدى ءجون كوردى.

سامميتكە قاتىسقان مەملەكەتتەر باسشىلارى قىتايعا ادام قۇقىعىن سىيلاپ، وعان نۇقسان كەلتىرمەۋ ماڭىزدى ەكەنىن، گونكونگتاعى جاعدايدى ازاماتتارعا قىسىم كورسەتپەي شەشۋ قاجەتتىگىن ەسكەرتتى.

جاھاندىق جىلىنۋعا قاتىستى ويىن بىلدىرگەن دجو بايدەن ترامپ اكىمشىلىگىنىڭ ۇلتتىق قاۋىپسىزدىككە جاھاندىق جىلىنۋعا قاتىستى ساياساتى باسقا باعىتتا بولعانىن، اقش-تىڭ ەندىگى كوزدەگەنى بەيبىت ساياسات ەكەنىن مالىمدەدى. بايدەن ارىپتەستەرىنە سەرىكتەستىكتىڭ نىعايا تۇسۋىنە، ورتاق مىندەتتەرگە بىرگە جەتۋگە نيەتتى ەكەنىن ءبىلدىردى.

 

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

ۇقساس جاڭالىقتار