ايماقتار • 12 ماۋسىم، 2021

اقمولالىق جاۋىنگەرلەردىڭ سۇيەگى 79 جىلدان كەيىن ەلگە جەتكىزىلدى

90 رەت كورسەتىلدى

كوكشەتاۋداعى داڭق مەموريالىندا ەكىنشى دۇنيەجۇزىلىك سوعىسىنىڭ قاتىسۋشىلارى كامەن جۇمانوۆ، تولەۋباي جۇمابەكوۆ جانە بەلگىسىز جاۋىنگەرگە اسكەري قۇرمەت كورسەتۋگە ارنالعان «ەرلىككە تاعزىم» ەستەلىك اكتسياسى ءوتتى، دەپ حابارلايدى Egemen.kz ءتىلشىسى اقمولا وبلىستىڭ ىشكى ساياسات باسقارماسىنا سىلتەمە جاساپ.

تاعىلىمدى شاراعا ايماق ەرمەك مارجىقپاەۆ، رەسەي فەدەراتسياسى ەلشىلىگىنىڭ، «اتامنىڭ اماناتى» قوعامدىق بىرلەستىگىنىڭ وكىلدەرى، سونداي-اق قازا تاپقان جاۋىنگەرلەردىڭ تۋىستارى قاتىستى.

ايماق باسشىسى ءوز سوزىندە ىزدەستىرۋ توبىنا العىس ايتىپ، اتالعان اكتسيانىڭ وسكەلەڭ ۇرپاق ءۇشىن ماڭىزدىلىعىن اتاپ ءوتتى.

ء«بىز قازىر وتانىمىزدى فاشيزمنەن قورعاعان اتالارىمىز بەن اكەلەرىمىزدىڭ جاۋىنگەرلىك ەرلىكتەرىنىڭ مىسالدارىن جاڭا ۇرپاقتىڭ جادىندا ساقتاۋ ءۇشىن كوپ جۇمىس ىستەپ جاتىرمىز. 90 مىڭ اقمولالىقتىڭ 37 مىڭنان استامى سوعىستان ورالدى. ءبىز 500-دەن استام قازاقستاندىق باتىرلاردىڭ اراسىندا اقان قۇرمانوۆ، الەكساندر گەرمان، نيكولاي سەرگيەنكو سياقتى جەرلەستەرىمىزدىڭ بارىن ماقتان تۇتامىز»، دەپ اتاپ ءوتتى ە.مارجىقپاەۆ.

ايتا كەتەيىك، 4 جىل ىشىندە ستەپنوگورسك قالاسىنىڭ «پوكولەنيە» جانە «كوكشە-ىزدەستىرۋ» جاساعىنىڭ ىزدەۋشىلەرى سوعىسقا قاتىسقان 200-گە جۋىق ادامنىڭ ءمايىتىن تاۋىپ، جەرلەنگەن ورىندارىن انىقتادى.

1942 جىلى 21 اقپاندا قورعالجىن اۋداندىق اسكەري كوميسسارياتى شاقىرعان اقمولا وبلىسىنىڭ تۋمالارى كامەن جۇمانوۆ پەن تولەۋباي جۇمابەكوۆتىڭ سۇيەكتەرى اعىمداعى جىلدىڭ ءساۋىر ايىندا تۆەر وبلىسى رجەۆ قالاسىنىڭ اۋماعىندا ماسكەۋ قالاسىنىڭ «پيونەر» ىزدەستىرۋ جاساعىمەن تابىلدى. ءۇشىنشى جاۋىنگەردىڭ قالدىقتارىن انىقتاۋ مۇمكىن بولمادى.

سوڭعى جاڭالىقتار

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار