پرەزيدەنت • 14 مامىر، 2021

پرەزيدەنت قازاقستان ۇلتتىق بانكىنىڭ ەسەبىن قابىلدادى

24 رەت كورسەتىلدى

قاسىم-جومارت توقاەۆ ۇلتتىق بانك توراعاسى مەن باسقارما مۇشەلەرىنىڭ 2020 جىلى جۇزەگە اسقان اقشا-نەسيە ساياساتىنىڭ قورىتىندىسى، مەملەكەت باسشىسىنىڭ داعدارىسقا قارسى باستامالارىنىڭ ورىندالۋى، قارجىلىق تۇراقتىلىقتى قامتاماسىز ەتۋ جونىندەگى شارالار، ۇلتتىق بانكتىڭ التىن-ۆاليۋتا رەزەرۆتەرىنىڭ جاي-كۇيى مەن ۇلتتىق قوردىڭ اكتيۆتەرى تۋرالى ەسەبىن تىڭدادى، دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.

ەربولات دوساەۆ پرەزيدەنتكە بۇعان دەيىن بەرىلگەن تاپسىرمالاردىڭ تولىق ورىندالعانىن باياندادى. ۇلتتىق بانك سىرتقى فاكتورلاردىڭ اسەرى جاعدايىندا ماكروەكونوميكالىق تۇراقتىلىقتى قامتاماسىز ەتۋ، ەكونوميكانى قولداۋ جانە پروينفلياتسيالىق قاتەردى تومەندەتۋ ءۇشىن ىنتالاندىراتىن اقشا-نەسيە ساياساتىن جۇرگىزدى. قابىلدانعان شارالاردىڭ ناتيجەسىندە ينفلياتسيا 8-8،5 پايىز دەڭگەيىندە ساقتالىپ، جىل قورىتىندىسى بويىنشا 7،5 پايىزدى قۇرادى.

پرەزيدەنتتىڭ تاپسىرماسى بويىنشا جۇرگىزىلىپ جاتقان ساياساتتىڭ تيىمدىلىگىن ارتتىرۋ جانە ينفلياتسيانىڭ شەكتى مەجەسىن بەلگىلەۋدىڭ تولىققاندى رەجيمىنە كوشۋ ءۇشىن ۇلتتىق بانك اقشا-نەسيە ساياساتىنىڭ 2030 جىلعا دەيىنگى ستراتەگياسىن ازىرلەدى. بازالىق مولشەرلەمە جونىندە شەشىمدەر قابىلداۋ ماقساتىندا اقشا-نەسيە ساياساتى كوميتەتىن قۇردى.

مەملەكەت باسشىسىنا زەينەتاقى جيناقتارىن تۇرعىن ءۇي جاعدايىن جاقسارتۋ جانە باسقا دا ماقساتتارعا پايدالانۋ جونىندەگى باستامانىڭ ورىندالۋ بارىسى تۋرالى مالىمەت بەرىلدى. بيىلعى 1 اقپاننان باستاپ 1،3 تريلليون تەڭگەگە جۋىق تولەم جاسالدى.

ۇلتتىق بانك توراعاسى مەملەكەت باسشىسىنا قولما-قول اقشاسىز جاسالاتىن تولەم ۇلەسىنىڭ ارتقانى تۋرالى مالىمەت بەردى. بۇل قاشىقتان سايكەستەندىرۋ قىزمەتىن ەنگىزۋدىڭ، بانكارالىق جانە ەكۆايرينگتىك كوميسسيالار مولشەرىن ازايتۋدىڭ ارقاسىندا جۇزەگە اسقان.

ۇلتتىق بانك توراعاسىنىڭ ەسەبىن تىڭداعان قاسىم-جومارت توقاەۆ بىلتىرعى كوروناۆيرۋس پاندەمياسى مەن مۇناي باعاسىنىڭ تومەندەۋى ەل ەكونوميكاسىنا كەرى اسەر ەتكەنىن ايتتى. پرەزيدەنتتىڭ باستاماسى بويىنشا داعدارىسقا قارسى قابىلدانعان تەڭدەسسىز شارالار توپتاماسى ۇلتتىق ەكونوميكانىڭ قاتتى قۇلدىراۋىنا مۇمكىندىك بەرمەدى جانە ىسكەرلىك بەلسەندىلىكتى ساقتاپ قالۋعا جول اشتى.

«ەكونوميكالىق بەلسەندىلىك تومەندەپ كەتتى. بىراق دەر كەزىندە شارالار قابىلداپ، احۋالدى ودان بەتەر ۋشىقتىرۋعا جول بەرگەن جوقپىز. ۇلتتىق بانك ەكونوميكانى قولداۋ جانە حالىقتى جۇمىسپەن قامتۋ شارالارىنا 2،3 تريلليون تەڭگە ءبولدى. سونىڭ ارقاسىندا جاپپاي جۇمىسسىزدىقتى بولدىرماي، بيزنەستەگى ىسكەرلىك بەلسەندىلىكتى ساقتاۋعا جاعداي جاساپ كەلەمىز. قازىرگى ۋاقىتتا ۇلتتىق بانكتىڭ ۇكىمەتپەن الەۋمەتتىك-ەكونوميكالىق سالادا ءتيىمدى جۇمىس ىستەۋى ايرىقشا ماڭىزدى»، دەدى مەملەكەت باسشىسى.  

پرەزيدەنت ينفلياتسيانى تۇراقتاندىرۋ اقشا-نەسيە ساياساتىنىڭ نەگىزگى مىندەتى ەكەنىن اتاپ ءوتتى. ۆاكتسينالاۋ جانە داعدارىستان كەيىنگى قالىپقا كەلتىرۋ جۇمىستارىنداعى ىلگەرىلەۋدىڭ ارقاسىندا قارجىلاندىرۋدىڭ قولجەتىمدىلىگى وتە وزەكتى ماسەلە بولىپ وتىر.

بۇل تۇرعىدا ىسكەرلىك بەلسەندىلىكتىڭ ارتۋىنا وراي ۇلتتىق بانكتىڭ ەكونوميكانى تىكەلەي قارجىلاندىرۋى تومەندەي بەرۋى كەرەك.

«پاندەميا كەزىندە ۇكىمەت مەنىڭ تاپسىرمام بويىنشا جالپى ەكونوميكانى، ونىڭ ىشىندە، شاعىن جانە ورتا بيزنەستى قولداۋ ءۇشىن تەڭدەسسىز شارالار قابىلدادى. قۇنى 15 ميلليارد دوللار بولاتىن داعدارىسقا قارسى شارالاردىڭ 3 توپتاماسى جۇزەگە اسىرىلدى.  ارينە، مەملەكەتتىڭ بيزنەستى ۇنەمى قارجىلاندىرا المايتىنىن تۇسىنگەن ءجون. ۇلتتىق بانكتىڭ بەلسەندى اتسالىسۋى ەكونوميكالىق بەلسەندىلىك پەن ەكىنشى دەڭگەيدەگى بانكتەردىڭ بەلسەندىلىگىن قايتا قالپىنا كەلتىرۋگە ىقپال ەتۋى ءتيىس. سوندىقتان نەسيەلەۋدىڭ جەڭىلدەتىلگەن باعدارلاماسىنىڭ اياقتالۋىنا وراي مەملەكەتتىك قولداۋ شارالارى نارىقتىق مەحانيزمدەرگە جول بەرۋى كەرەك. مۇنى الەۋمەتتىك-ەكونوميكالىق احۋالدى ەسكەرە وتىرىپ، بىرتىندەپ اتقارۋ قاجەت»، دەدى پرەزيدەنت.

مەملەكەت باسشىسىنىڭ پىكىرىنشە، پاندەميا جاعدايىندا جانە ەكونوميكالىق احۋال ناشارلاعان كەزدە ۇلتتىق بانك وزىنە جۇكتەلگەن مىندەتتى دۇرىس اتقاردى. 2020 جىلى ۇلتتىق قوردان جاسالعان ترانسفەرت 55 پايىزعا ارتىپ، 4،8 تريلليون تەڭگەگە جەتتى. ۇلتتىق قوردىڭ نەگىزگى مىندەتى جانە الەمدىك داعدارىس جاعدايىندا بۇل ارەكەتتەر ءوزىن اقتادى.

 «ۇكىمەت وسى جىلى دا ۇلتتىق قوردان 4،6 تريلليون تەڭگە سۇرادى. بۇل – وتە مول قارجى. اتالعان قاراجات داعدارىستان كەيىنگى دامۋعا باعىتتالىپ، ءتيىمدى جۇمسالۋى كەرەك. سونىمەن قاتار ەكونوميكا قايتا قالپىنا كەلگەننەن كەيىن رەسپۋبليكالىق بيۋدجەت ترانسفەرتكە ارقا سۇيەمەۋى قاجەت. بۇل – ۇكىمەتكە جۇكتەلگەن مىندەت. كەلەشەكتە ۇلتتىق قوردىڭ قارجىسىن پايدالانۋدى ەڭ  تومەنگى شەككە دەيىن قىسقارتۋ كەرەك»، دەدى مەملەكەت باسشىسى.

ۇلتتىق بانكتىڭ ۇلتتىق قوردى باسقارۋعا بايلانىستى قىزمەتى وڭ باعالاندى. 2020 جىلدىڭ قورىتىندىسى بويىنشا ينۆەستيتسيالىق تابىس 7،6 پايىزدى قۇرادى نەمەسە 4،2 ميلليارد دوللارعا جەتتى، ال، بيىلعى 4 ايدىڭ ىشىندە 940 ميلليون دوللار بولدى. پرەزيدەنت رەفورمالار جونىندەگى جوعارى كەڭەستىڭ وتىرىسىنا ۇلتتىق قوردى باسقارۋدى ودان ءارى جەتىلدىرۋگە قاتىستى ۇسىنىستار ازىرلەپ، ەنگىزۋدى تاپسىردى.

سونىمەن قاتار ۇكىمەتكە ۇلتتىق بانكپەن بىرلەسىپ، فيسكالدىق ءتارتىپتى كۇشەيتۋ ءۇشىن 2021 جىلدىڭ سوڭىنا دەيىن كونترتسيكلدىك بيۋدجەت ەرەجەسىن زاڭ جۇزىندە بەكىتۋدى تاپسىردى.

«ۇكىمەت ۇلتتىق بانكپەن بىرلەسىپ مەملەكەتتىك قارىز الۋ ساياساتىن جۇيەلى تۇردە جۇرگىزىپ كەلەدى. الدىمىزدا قور نارىعىن جاڭا دەڭگەيگە شىعارۋ ءۇشىن ۆەدومستۆوارالىق ۇيلەستىرۋ جۇمىستارىن ارتتىرۋ مىندەتى تۇر. مەملەكەتتىك قۇندى قاعازداردى حالىقارالىق يندەكستەرگە ەنگىزۋ جونىندەگى ءىس-قيمىل جوسپارىن جۇزەگە اسىرۋ ءۇشىن قارجى مينيسترلىگىنىڭ، ۇلتتىق بانكتىڭ، قارجى نارىعىن رەتتەۋ جانە دامىتۋ اگەنتتىگىنىڭ ءوزارا ءىس-قيمىلىن كۇشەيتۋ كەرەك»، دەدى قاسىم-جومارت توقاەۆ.

كيبەر قاۋىپتەردەن قورعانۋ ماسەلەسىنىڭ وزەكتىلىگىن ەسكەرە وتىرىپ، قارجى سەكتورىنىڭ كيبەر قاۋىپسىزدىگىن قامتاماسىز ەتۋ ءۇشىن ۇلتتىق بانككە 2022 جىلدىڭ 1 شىلدەسىنە دەيىن جيناقتاۋدىڭ، مونيتورينگتەۋدىڭ جانە قارجى سالاسىنداعى كيبەر داۋلارعا قارسى ارەكەت ەتۋدىڭ بىرىڭعاي تەحنولوگيالىق پلاتفورماسىن ەنگىزۋ تاپسىرىلدى. 

مەملەكەت باسشىسى جيىندى قورىتىندىلاي كەلە ۇلتتىق بانكتىڭ جىلدىق ەسەبىنە وڭ باعا بەردى.

«بۇگىنگى تالقىلاۋلاردى ەسكەرە وتىرىپ، ۇلتتىق بانكتىڭ 2020 جىلدىڭ قورىتىندىسى بويىنشا بەرگەن ەسەبىن وڭ باعالايمىن. قازىرگى جاعدايدا قارجىلىق تۇراقتىلىقتى قامتاماسىز ەتۋ وتە ماڭىزدى دەپ سانايمىن. ۇلتتىق بانك اگەنتتىكپەن بىرلەسىپ، اقشا-نەسيە ساياساتىنىڭ تيىمدىلىگىن جانە قارجى سەكتورىنىڭ الەۋەتىن ارتتىرۋ جۇمىستارىن جالعاستىرۋى قاجەت»، دەدى قاسىم-جومارت توقاەۆ.

جيىنعا پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ، ۇلتتىق ەكونوميكا ءمينيسترى اسەت ەرعاليەۆ، قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ابىلقاسىموۆا قاتىستى.

سوڭعى جاڭالىقتار

دوللار قىمباتتاي باستادى

قارجى • بۇگىن، 11:47

كونە ءداۋىر كورىنىستەرى

ونەر • بۇگىن، 09:03

استانا كۇنىنە ارنالادى

تەاتر • بۇگىن، 09:02

جوسپارلانعان جوبا جەتەرلىك

ايماقتار • بۇگىن، 09:00

ايالى الاقانداعى «ءومىر اعاشى»

ايماقتار • بۇگىن، 08:58

«جاسىلدان» «سارىعا» ءوتتى

ايماقتار • بۇگىن، 08:56

«ءۇندى» شتامى ۇرەيلى

كوروناۆيرۋس • بۇگىن، 08:55

Ashyq ىندەتتى اۋىزدىقتاي ما؟

مەديتسينا • بۇگىن، 08:53

ءبىرجان سال ەلىندەگى بەرەكە

ايماقتار • بۇگىن، 08:50

اكە كورگەن...

پىكىر • بۇگىن، 08:44

كۇرمەۋى قيىن ماسەلە – كۇرە جولدا

ايماقتار • بۇگىن، 08:43

تاۋەلسىزدىك جانە رۋحانيات

تاۋەلسىزدىكتىڭ 30 جىلدىعى • بۇگىن، 08:37

جاستار كەڭەسىنىڭ وتىرىسى ءوتتى

ساياسات • بۇگىن، 08:35

ەكونوميكادا وڭ سەرپىن بار

ساياسات • بۇگىن، 08:32

التىن وڭدەيتىن الىپ كەشەن

ەكونوميكا • بۇگىن، 08:30

جىلقى ەتى تۇسىڭە كىرەدى...

ەكونوميكا • بۇگىن، 08:27

ادامزات تراگەدياسى

تانىم • بۇگىن، 08:23

مەيىرىم شۋاعى

قوعام • بۇگىن، 08:15

اۋىلدا بالا كوپ، ۇيىرمە از

قازاقستان • بۇگىن، 07:59

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار