ايماقتار • 14 مامىر، 2021

جامبىلدىق تۇرعىندار پوليتسياعا قارۋ تاپسىرۋدا

16 رەت كورسەتىلدى

جامبىل وبلىسىنىڭ تۇرعىندارى پوليتسياعا 115 اتىس قارۋى مەن 1 گراناتا تاپسىردى، دەپ حابارلايدى Egemen.kz.

20 ساۋىردەن باستاپ جامبىل وبلىسىندا تۇرعىنداردان زاڭسىز ساقتالعان قارۋ-جاراقتى ساتىپ الۋ بويىنشا رەسپۋبليكالىق اكتسيا وتكىزىلۋدە. اتالعان اكتسيا جىل سايىن ۇيىمداستىرىلادى. اكتسيانى وتكىزۋگە 10 ميلليون 404 مىڭ تەڭگە ءبولىنگەن.

5

ونىڭ بارىسىندا تۇرعىندار ءوزىندە زاڭسىز ساقتالعان اتىس قارۋىن، وق-دارىلەردى، جارىلعىش زاتتاردى اقشالاي سىياقىعا تاپسىرا الادى. وعان نيەت بىلدىرگەن ازاماتتار تۇرعىلىقتى جەرى بويىنشا پوليتسيا بولىمىنە ءوتىنىش بەرۋگە ءتيىس ەكەن. سىياقىلار مولشەرىن كوميسسيا انىقتايدى. ەرىكتى تاپسىرۋ ءۇشىن تولەم قۇنى قارۋدىڭ تۇرىنە، ونىڭ تەحنيكالىق جاي-كۇيىنە بايلانىستى جانە ءاربىر بىرلىك ءۇشىن 30 مىڭنان 300 مىڭ تەڭگەگە دەيىن قاراستىرىلعان.
«اكتسيا باستالعاننان بەرى پوليتسيا ورگاندارىنا ازاماتتاردان 90 ءوتىنىش كەلىپ ءتۇستى. جالپى سوماسى 7 ميلليون 403 مىڭ تەڭگەگە 115 بىرلىك اتىس قارۋى تاپسىرىلدى. ونىڭ ىشىندە 24 بىرلىك ويىق، 90 بىرلىك تەگىس ۇڭعىلى، 1 بىرلىك تراۆماتيكالىق قارۋ، سونداي-اق 1 جاۋىنگەرلىك جارىقشاقتى قول  گراناتاسى بار»، دەيدى جامبىل وبلىستىق پوليتسيا دەپارتامەنتى ءاكىمشىلىك پوليتسيا باسقارماسىنىڭ باستىعى، پوليتسيا پولكوۆنيگى مامبەت سمايلوۆ.

سونداي-اق، پوليتسيا دەپارتامەنتى زاڭسىز ساقتالعان قارۋ-جاراق، وق-دارىلەر مەن جارىلعىش زاتتاردى ءوز ەركىمەن تاپسىرۋعا نيەت بىلدىرگەن ازاماتتاردىڭ قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەسكە سالادى.

سوڭعى جاڭالىقتار

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار