مەديتسينا • 14 مامىر، 2021

ۆاكتسينانىڭ ەكىنشى كومپونەنتىن 21 كۇننەن كەيىن الۋعا بولادى

131 رەت كورسەتىلدى

دەنساۋلىق ساقتاۋ مينيسترلىگى بۇقارالىق اقپارات قۇرالدارىنداعى دوزالار اراسىنداعى ارالىقتى قىسقارتقىسى كەلەتىندەردىڭ وتىنىشىنەن باس تارتۋ تۋرالى اقپارات شىندىققا سايكەس كەلمەيتىنىن رەسمي تۇردە مالىمدەدى، دەپ حابارلايدى Egemen.kz.

باس سانيتارلىق دارىگەردىڭ قاۋلىسىندا ازاماتتاردىڭ ءوتىنىشى بويىنشا 21-90 كۇن ارالىعىندا ۆاكتسينا الۋعا بولادى دەپ كورسەتىلگەن.

ەكىنشى دوزانى ءبىرىنشى ۆاكتسيناتسيا جۇرگىزىلگەن جەردەن الۋ قاجەت ەكەنىن اتاپ وتكەن ءجون.

سونداي-اق دەنساۋلىق ساقتاۋ مينيسترلىگى ۆاكتسينانى جاساۋشىلاردان، رعا اكادەميگى، گامالەيا ۇلتتىق ەپيدەميولوگيا جانە ميكروبيولوگيا عىلىمي-زەرتتەۋ ورتالىعىنىڭ ديرەكتورى الەكساندر گينتسبۋرگتەن دوزالار ارالىقتىڭ ۇلعايۋى يممۋندىق جاۋاپتىڭ كۇشىنە اسەر ەتپەيتىنىن جانە كەيبىر جاعدايلاردا يممۋنيتەتتىڭ جوعارى بەلسەندىلىگىنە اكەلەتىنى تۋرالى رەسمي حات العانىن ايتتى.

وسىعان بايلانىستى «سپۋتنيك V» ەكىنشى كومپونەنتىمەن ۆاكتسيناتسيا مەرزىمى ۇزارتىلدى. باس سانيتارلىق دارىگەردىڭ قاۋلىسىنا سايكەس ەكى دوزانىڭ اراسىنداعى ارالىق 21-دەن 45 كۇنگە دەيىن ۇلعايتىلدى، ال جالپى «سپۋتنيك V» ەكىنشى كومپونەنتىمەن 90 كۇن ىشىندە ۆاكتسيناتسيالاۋعا جول بەرىلەدى.

«ارالىقتى ۇلعايتۋ حالىقتى يممۋنداۋدى ايتارلىقتاي جەدەلدەتۋگە مۇمكىندىك بەرەدى، سەبەبى قازىرگى ۋاقىتتا مەديتسينا قىزمەتكەرلەرىنىڭ بارلىق كۇشتەرى ۆاكتسينانىڭ ءبىرىنشى كومپونەنتىمەن قامتۋعا باعىتتالعان. ۆاكتسينانىڭ ءبىرىنشى كومپونەنتىن ەنگىزۋ 12-14 كۇننەن كەيىن انتيدەنەلەر شىعارۋدى قامتاماسىز ەتۋگە جانە 3 اپتادان كەيىن يممۋنيتەتكە يە بوللۋعا مۇمكىندىك بەرەدى»، دەپ اتاپ ءوتتى دەنساۋلىق ساقتاۋ ءمينيسترى الەكسەي تسوي.

بۇل رەتتە، قاجەت بولعان جاعدايدا، قازاقستان ازاماتتارى ۆاكتسينانىڭ ءبىرىنشى كومپونەنتىن العان جەرى بويىنشا ءوتىنىش بەرە الادى جانە 21-ءشى كۇنى ەكىنشى كومپونەنتتى الا الادى.

ەستەرىڭىزگە سالا كەتەيىك، كۆي-عا قارسى ۆاكتسيناتسيا ەكى كەزەڭدە جۇرگىزىلەدى: الدىمەن I كومپونەنتپەن 0،5 مل دوزادا، سودان كەيىن 45 كۇننەن كەيىن ۆاكتسيناتسيا كۇنىن ەسەپتەمەگەندە - II كومپونەنتپەن 0،5 مل دوزادا; بۇل رەتتە جەكەلەگەن جاعدايلاردا ۆاكتسيناتسيالانۋشىنىڭ ءوتىنىشى نەگىزىندە II «گام-كوۆيد-ۆاك» كومپونەنتىمەن 21 كۇننەن 90 كۇنگە دەيىنگى كەزەڭدە ۆاكتسيناتسيا جۇرگىزۋگە جول بەرىلەدى.

قازىرگى ۋاقىتتا ەلدىڭ مەديتسينالىق ۇيىمدارىندا كۆي-عا قارسى ۆاكتسينا جەتكىلىكتى. بۇگىنگى تاڭدا «سپۋتنيك V» ۆاكتسيناسىنىڭ قالدىعى: ءبىرىنشى كومپونەنت – شامامەن 200 مىڭ دوزا، ەكىنشى كومپونەنت – 220 مىڭ دوزادان استام. بۇدان باسقا، حالىقتى يممۋنداۋ ءۇشىن 28 مىڭنان استام دوزا وتاندىق «QazVac» ۆاكتسيناسى جانە 350 مىڭعا جۋىق دوزا «Hayat-Vax» ۆاكتسيناسى بار.

وسى اپتادا 400 مىڭ دانا كولەمىندە ەكىنشى كومپونەنتتىڭ ۆاكتسينالارى كەلەدى دەپ كۇتىلۋدە.

كوروناۆيرۋستىق ينفەكتسياعا قارسى ۆاكتسينالاردى ەلگە جەتكىزۋ كەستەگە سايكەس جۇرگىزىلۋدە جانە جەتكىلىكتى مولشەردە، تاپشىلىق بايقالمايتىنىن ايتا كەتۋ كەرەك.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار