ايماقتار • 09 مامىر، 2021

نۇر-سۇلتاندا سوڭعى 10 جىلدا قىزعالداق گ ۇلى العاش رەت وتىرعىزىلدى

95 رەت كورسەتىلدى

نۇر-سۇلتاندا سوڭعى 10 جىل ىشىندە قىزعالداق گ ۇلى العاش رەت وتىرعىزىلدى. وتكەن جىلدىڭ كۇزىندە قالادا 130 مىڭنان استام تۇينەگى وتىرعىزىلعان. مەرەكە قارساڭىندا گۇلدەپ، جۇرتشىلىقتىڭ كوزايىمىنا اينالدى. بۇل تۋرالى «استانا-زەلەنستروي» جشس حابارلادى.

«وسى جىلدىڭ ەرەكشەلىگى – قالادا قىزعالداق گ ۇلىنىڭ جايقالىپ تۇرۋى. قىزعالداق تۇينەگى ادەتتە كۇزدە وتىرعىزىلادى. وتكەن جىلدىڭ كۇزىندە 132 مىڭ تۇينەك وتىرعىزىلعان. مىنە ەندى مامىر ايىندا گۇلدەپ، قالامىزدىڭ ءسانىن ارتتىرىپ تۇر. قىزىل، قىزعىلت جانە سارى قىزعالداقتار ەلوردا تۇرعىندارىنىڭ كوزايىمىنا اينالدى. ايتا كەتەرلىگى، نۇر-سۇلتاندا قىزعالداق گ ۇلى 10 جىلدان بەرى وتىرعىزىلماعان»، دەپ اتاپ ءوتتى «استانا-زەلەنستروي» جشس.

«استانا-زەلەنستروي» جشس حابارلاعانداي، گۇل وتىرعىزۋ – شىدامدىلىقتى تالاپ ەتەتىن جۇمىس. وتكەن جىلدان بەرى كوپجىلدىق گۇلدەرگە ەرەكشە ءمان بەرىلىپ كەلەدى. سەبەبى ولار سالقىن اۋا رايىنا ءتوزىمدى بولىپ كەلەدى. بۇل جۇمىس بارلىق اۋداندا جۇرگىزىلدى.

نۇر-سۇلتاندا جاسىل جەلەكتەر (اعاشتار، بۇتالار، كوشەتتەر جانە ت.ب.) وتىرعىزۋ جۇمىستارى قالا ىشىندە دە، جاسىل بەلدەۋدە دە ءجۇرىپ جاتىر.

ساياباق اۋماعى، تۇرعىن ۇيلەر مەن اۋلالار عانا ەمەس، سونىمەن قاتار كورىكتى جەرلەر دە كوگالداندىرىلعان. مىسالى، «استانا وپەرا» ماڭىندا ەمەن باعى، «استانا بالەت» جانىندا جاسىل باق، ترياتلون پاركتە مامىرگۇل باعى بولادى. ساياباقتارداعى، سكۆەرلەردەگى، بۋلۆارلارداعى سۋارۋ جۇيەسى بەس ەسە جاقساردى. سۋارۋ جۇيەسى اۆتوماتتى جانە مەحانيكالىق رەجيمدە دە جۇزەگە اسىرىلادى.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار