وقيعا • 16 ءساۋىر، 2021

ادام ءومىرىنىڭ اۋەدەگى اراشاشىلارى (مەديتسينالىق اۆياتسيا قىزمەتىنە – 10 جىل)

7 رەت كورسەتىلدى

ۇلتتىق شۇعىل مەديتسينانى ۇيلەستىرۋ ورتالىعى قازاقستان رەسپۋبليكاسى مەديتسينالىق اۆياتسيا قىزمەتىنىڭ 10 جىلدىعىن اتاپ ءوتتى. ەستە بولسا، دەنساۋلىق ساقتاۋ ءمينيسترىنىڭ 2011 جىلعى 14 ساۋىردەگى №199 بۇيرىعىمەن سانيتارلىق اۆياتسيا جونىندەگى رەسپۋبليكالىق ۇيلەستىرۋ ورتالىعى قۇرىلعانى بەلگىلى. بۇل ۇيىم كەيىننەن رەسپۋبليكالىق سانيتارلىق اۆياتسيا ورتالىعى، سودان كەيىن ۇلتتىق شۇعىل مەديتسينانى ۇيلەستىرۋ ورتالىعى بولىپ قايتا اتالعان بولاتىن.

مەديتسينالىق اۆياتسيا قىز­مەتىنىڭ باستى ميسسياسى – مەدي­تسينالىق مەكەمەلەردىڭ الىس ورنالاسۋى جاعدايىندا قازاقستان حالقى ءۇشىن ونىڭ قولجەتىمدىلىگىن جاقسارتۋ جولىمەن شۇعىل مەديتسينالىق كومەك كورسەتۋ، سونداي-اق پاتسيەنتتەر مەن زارداپ شەككەندەردى ولاردىڭ جاي-كۇيىنىڭ اۋىرلىعى تالاپ ەتكەن كەزدە جىلدام تاسىمالداۋ.

مەديتسينالىق جابدىق نەمەسە ءتيىستى بىلىكتىلىگى بار ماماندار بولماعان جاعدايلاردا رەسپۋبليكانىڭ شالعاي اۋداندارىندا تۇراتىن حالىققا ۋاقتىلى جانە ساپالى مەديتسينالىق كومەك كورسەتۋ ءۇشىن مەديتسينالىق اۆياتسيا قىزمەتىنىڭ كۇشتەرى تارتىلادى. مەديتسينالىق اۆياتسيانىڭ موبيلدىك بريگادالارىنىڭ ماماندارى اۋە كولىگىن پايدالانا وتىرىپ، وعان مۇقتاج ءاربىر ادامعا بارىنشا جىلدام جانە جوعارى بىلىكتى مەديتسينالىق كومەك كورسەتەدى. مەديتسينالىق اۆياتسيانى تارتۋ تەك ەل شەگىندە عانا جۇزەگە اسىرىلمايدى، سونداي-اق شەتەلدە قيىن جاعدايدا جاتقان قازاقستان ازاماتتارىن نەمەسە قانداستاردى حالىقارالىق تاسىمالداۋ دا ورىندالادى.

جۇمىستى قورىتىندىلاي كەلە ايتا كەتەرلىگى، 2011 جىلدان باستاپ 2020 جىلدىڭ قورى­تىندىسى بويىنشا، 18 014 ۇشىپ شىعۋ، ونىڭ ىشىندە 85 شەتەلدىك ۇشىپ شىعۋ جانە دونور­لىق اعزالاردى الۋ بويىنشا 71 ۇشىپ شىعۋ ورىندالدى. سون­داي-اق 24 945 مەديتسينالىق قىز­مەت كورسەتىلدى، ونىڭ ىشىندە مەدي­تسينالىق ۇيىمدارعا 17 159 (69%) پاتسيەنت تاسىمالداندى، 4 010 (16%) كونسۋلتاتسيا وتكى­زىلدى، 2 398 (10%) قاشىقتان مەديتسينالىق قىزمەت كورسەتىلدى، 1378 (5%) وپەراتسيا جاسالدى. جانە 23 414 پاتسيەنتكە، ونىڭ ىشىندە بالا جاسىنداعى پاتولوگياسى بار – 5 187 (22%) بالاعا; ءتۇرلى جاراقاتتارى بار – 4 797 (20%) پاتسيەنتكە، ونىڭ ىشىندە جكو كەزىندە 1880); قان اينالىمى جۇيەسى اۋرۋلارى بار – 3 701 (16%) پاتسيەنتكە; اكۋشەرلىك پاتولوگياسى بار – 3 670 (16%) ايەلگە; پاتولوگياسى بار – 3 463 (15%) نارەستەگە; باسقا اۋرۋلارى بار – 2 596 (11%) پاتسيەنتكە مەديتسينالىق كومەك كورسەتىلدى.

مەديتسينالىق اۆياتسيا نىسانىندا كومەك كورسەتىلەتىن پاتسيەنتتەر – بۇل بالالار جاسىنداعى پاتولوگيالارى، اۋىر جاراقاتتارى، ونىڭ ىشىندە جول-كولىك وقيعالارى ناتيجەسىندە الىنعان اۋىر جانە وتە اۋىر جاي-كۇيدەگى پاتسيەنتتەر، جۇكتى ايەلدەر، جاڭا تۋعان نارەستەلەر، جۇرەك-قان تامىرلارى پاتولوگيالارى بار پاتسيەنتتەر جانە باسقالار. وسى كورسەتكىشتەردىڭ اياسىندا مەديتسينا ماماندارى مەن قىزمەتتىڭ بارلىق قوسالقى قىزمەتكەرلەرىنىڭ كۇندەلىكتى، مينۋت سايىنعى ەڭبەگى جانە باستى ناتيجە رەتىندە دەر كەزىندە كومەك كورسەتىلگەن دەنساۋلىق، مىڭداعان قۇتقارىلعان ءومىر جانە قىزمەتكە ريزا ەمدەلۋشىلەر تۇر.

ون جىل بويى ەل ۇكىمەتىنىڭ قولداۋىنىڭ ناتيجەسىندە ەلىمىزدە ودان ءارى دامۋ ءۇشىن زور الەۋەتى بار دەربەس مەديتسينالىق اۆياتسيا قىزمەتى جۇمىس ىستەيدى. مۇنداي شۇعىل اۋە قىزمەتتەرى الەمنىڭ كوپتەگەن ەلىندە جوق. سونىمەن قاتار از عانا ەلدەردە حالىققا مەديتسينالىق اۆياتسيا تۇرىندەگى كومەك تەگىن نەگىزدە كورسەتىلەدى. مەديتسينالىق اۆياتسيا قىزمەتى ارقىلى ەلىمىزدىڭ ءاربىر ازاماتىنا مەملەكەت الەمنىڭ قاي جەرىندە بولسىن، شۇعىل مەديتسينالىق كومەك كورسەتۋگە كەپىلدىكتى قامتاماسىز ەتەدى.

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

ۇقساس جاڭالىقتار