ەكونوميكا • 16 ءساۋىر، 2021

تۇراقتى تابىس دامۋعا باستايدى

37 رەت كورسەتىلدى

جاستاردىڭ باسەكەگە قابىلەت­تىلىگىن ارتتىرۋ ماقساتىندا بۇ­گىندە جامبىل وڭىرىندەگى بىر­قاتار ورتا ارناۋلى وقۋ ورىندارىنىڭ ماتەريالدىق-تەحنيكالىق بازاسى نىعايتىلۋدا. بۇل ءوز كەزە­گىندە ستۋدەنتتەردىڭ كاسىبي تۇر­دە ءبىلىم الۋىنا جانە كۇنى ەرتەڭ كاسىبي مامان بولىپ قالىپتاسۋىنا دا مۇمكىندىك بەرەدى.

 

«جاستار جىلى» اياسىندا ەلى­مىزدە «جاس مامان» جوباسى قول­عا الىنىپ، اتال­عان جوبا جاس­تارعا تىڭ با­عىت-باعدار بەرگەن بولاتىن. مۇندا قازىرگى كەزدە سۇرا­نىسقا يە ونەركاسىپتىك جانە سەرۆيستىك 100 ماماندىق بو­يىنشا ەلىمىزدەگى 180 كوللەدج بەن 20 جوعارى وقۋ ور­نىن جاڭعىرتۋدى جانە بىلىكتى مامانداردى دايىنداۋ­دا حالىق­ارالىق تاجىريبەنى ەنگىزۋ سياق­تى ارتىق­شىلىقتار بولدى. اتالعان جوبا اياسىندا مەتاللۋرگيا، ونەر­كاسىپ، IT-تەحنولوگيالار، قىزمەت كور­سەتۋ سالاسىنداعى كادر­لاردى دايارلاۋدىڭ نەگىزگى با­عىتتارى بويىنشا وبلىستان 11 ۇزدىك كول­­لەدج انىقتالعان ەدى. وت­كەن جىلى 5 كوللەدج­گە اتال­عان جوبا اياسىندا 1،7 ميلليارد تەڭ­گە ءبولىنىپ، ورتا ار­ناۋلى وقۋ ورىن­دارىندا 5 قۇزىرەتتىلىك ورتا­لىعى قۇرىلعان بولاتىن.

ماسەلەن، تاراز سەرۆيس جانە تەحنولوگيا كوللەدجى قا­زىرگى كەزدە «تاراز» الەۋ­­­مەت­­تىك-كاسىپكەرلىك كور­پوراتسياسى» ۇلتتىق كوم­پانياسى» اكتسيو­نەرلىك قوعا­مىمەن بىرلەسىپ، اتالعان كول­لەدجدىڭ وقۋ-وندىرىستىك شەبەرحاناسىندا دايىندالعان اسپازدىق جارتىلاي فابري­كاتتار مەن كونديتەرلىك ونىم­دەرىن تاراز قالاسىنداعى 15 الەۋمەتتىك دۇڭ­گىرشەكتە ساتۋدى قولعا الىپ وتىر. اي­تا كەتەرلىگى، ازىرگە ءونىم وندىرۋگە قاجەتتى شيكىزاتتى كاسىپ­كەرلىك كورپوراتسياسى الىپ بەرۋدە ەكەن. الايدا الداعى ۋاقىتتا تۇسكەن قارجى ەسەبىنەن شيكىزات ماسەلەسىن كوللەدج باس­شىلىعىنىڭ ءوزى رەتتەيتىن بولادى. بۇل ءوزىن-ءوزى قارجىلاندىرۋ ارقىلى جاستاردىڭ باسەكەگە قا­بىلەت­ت­ىلىگىن ودان ءارى ارت­تىرۋعا با­عىتتالعان مۇمكىندىكتىڭ ءبىرى. جالپى، بۇل باستامانىڭ ءتيىمدى تۇس­تارى وتە كوپ. ما­سە­لەن، كەز كەلگەن ستۋدەنت كول­­لەدج قا­بىر­عاسىندا تەو­ريا­لىق ءبىلىم مەن پراكتيكانى قاتار الىپ جۇرۋمەن قاتار، قوسىمشا اق­شا دا تا­با الادى. سونىمەن قاتار وقى­تۋشىلاردىڭ دا ەڭ­بەكاقى­سىنان بولەك اقشا تابۋىنا بولادى ەكەن. كوللەدجگە رەس­پۋبليكالىق بيۋدجەتتەن 332 ميلليون تەڭگە ءبولىنىپ، وعان حالىقارالىق ستاندارتتارعا سايكەس «تاماقتاندىرۋدى ۇيىم­داستىرۋ» جانە «تىگىن ءوندىرىسى جانە كيىمدەردى ۇلگىلەۋ» مامان­دىقتارىنا زاماناۋي جابدىقتار ساتىپ الىنىپتى. بۇگىندە مۇن­دا ءونىم ءوندىرۋ جانە ونى ساۋ­دالاۋ جۇمىسى جالعاسۋدا. «سون­داي-اق ونىمدەرىمىزگە سۇرانىس ارتاتىن بولسا وزگە دە دۇكەن­دەردى قامتاماسىز ەتۋگە مۇمكىن­دىگىمىز مول. بۇدان وزگە ءبىز ونىم­دە­رىمىزدى تاراز قالاسىنىڭ اكىم­دىگى ۇيىمداستىراتىن اۋىلشارۋا­شىلىق تاۋارلارىنىڭ جار­مەڭ­­كەسىندە دە ساتىلىمعا شىعارا باستادىق. سۇرانىس وتە جوعارى. الداعى ۋاقىتتا قالا اكىمدىگى ءوز دۇكەنىمىزدى سالۋ ءۇشىن ارنايى جەر تەلى­مىن دە قاراستىرماق»، دەيدى كوللەدج ديرەكتورى بەك­بول مايمىشەۆ. سونىمەن قاتار كوللەدجدە «اسپاز ءىسى» جانە ء«سان تەحنولوگيالارى» قۇزىرەت­تىلىكتەر ورتالىعى دا قۇرىلعان.

بۇگىندە كوللەدجدە دايىن كونديتەرلىك ونىمدەردىڭ 10 ءتۇرى جانە جارتىلاي دايىندالعان فابريكاتتاردىڭ 6 ءتۇرى الەۋ­مەتتىك دۇڭگىرشەكتەردىڭ سورەلە­رىندە تۇر. ماسەلەن، اباي داڭعى­لى بويىنداعى ءدال وسىنداي دۇڭ­گىرشەكتە تۇشپارانىڭ ءبىر قاپتاماسى 560 تەڭگەدەن، ال ءبالىشتىڭ 4 داناسى 200 تەڭگەدەن ساتىلۋدا. تاعى ءبىر ايتا كەتەر­لىگى، ونىمدەردىڭ سىرتقى قاپتا­ماسى دا وسى كوللەدجدە دا­يىن­دال­عان. نەگىزىنەن كوللەدج ونىمدەرىنىڭ نارىققا شىعۋىنا «تاراز» الەۋمەتتىك-كاسىپكەرلىك كورپو­راتسياسى» كومەك كورسەتىپتى. بۇگىندە اتالعان كاسىپكەرلىك كور­­پورا­تسياسى كوللەدجدىڭ بار­لىق قۇجاتتارىن راسىمدەپ، دا­يىن ونىمدەردى وزدەرى الىپ كەتەدى ەكەن. «قازىرگى تاڭدا بىزدە 15 دۇڭگىرشەك بار. بىرلەسكەن جۇمىستىڭ ال­عاش­قى كۇنى 15 ءتۇرلى ءونىم الدىق. ول ونىمدەردىڭ ساپاسى وتە جوعارى. مۇنداي جۇمىستى العاش رەت جۇرگىزىپ وتىرعاندىقتان، باسىندا قور­قىنىش تا بولدى. دەگەنمەن، ونىم­دەردىڭ ساتىلۋ قارقىنى كوڭى­لىمىزدەن شىعىپ وتىر. سول سەكىلدى ايماقتا وسىنداي 5-6 كوللەدج بار. ءوز كەزەگىندە ولاردىڭ دا دايىن ونىمدەرىن وتكەرۋگە كومەكتەسەتىن بولامىز»، دەيدى «تاراز» الەۋ­مەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامىنىڭ» باس مامانى دينارا بەيسەكوۆا.

باسەكەلەستىك ءباسىن ارتتى­راتىن بۇل باستاما تەحني­كالىق جانە كاسىپتىك ءبىلىم بەرۋ باعى­تىندا جۇمىس ىستەپ كەلە جاتقان كول­لەدجدەر ءۇشىن دە ءتيىمدى بولىپ وتىر. ءبىلىم وشاعىنىڭ ءوز شەبەر­حانالارى مەن شاعىن تسەحتارىندا دايىندالعان ونىمدەر بۇگىندە نارىق باسەكەسىندە ءوز ورنىن تاۋىپ ۇلگەرگەن. ءارى حالىققا قولجەتىمدى ءارى ساپالى. بۇدان بولەك، تاراز سەرۆيس جانە تەحنولوگيا كوللەدجى اسپازدىق جارتىلاي فابريكاتتار مەن كونديتەرلىك ونىمدەرىنەن بولەك، وزدەرىنىڭ تىگىن شەبەرحانالارىندا دا­يىندالاتىن توسەك جابىندىلارىن وتكىزۋ بويىنشا دا وبلىس ورتالىعىنداعى بالاباقشالارمەن جانە اۋرۋ­حانالارمەن كەلىسسوزدەر جۇرگىزىپ جاتىر ەكەن. بۇل باس­تاما دا الداعى ۋاقىتتا ىسكە اسادى دەپ كۇتىلۋدە.

 

جامبىل وبلىسى

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار