قوعام • 16 ءساۋىر، 2021

جاستار پراكتيكادا شىڭدالادى

14 رەت كورسەتىلدى

شىمكەنت قالاسىندا ىسكە اسىرىلىپ جاتقان «ەڭبەك» مەملەكەتتىك باعدارلاماسىنىڭ ءۇشىنشى باعىتى، ياعني جۇمىسپەن قامتۋ شارالارى بويىنشا جاس ماماندار قوعامدىق جۇمىستارعا تارتىلا باستادى.

يگىلىكتى باستامانىڭ جەمىسىن كورگەن ازاماتتىڭ  ءبىرى – نۇراي زيابەك. بىلتىر حالىقتار دوستىعى ۋنيۆەرسيتەتىن «راديو­تەحنيكا، ەلەكترونيكا جانە تەلەكوممۋنيكاتسيا» ماماندىعى بويىنشا تامامداعان ول  بيىل اقپان ايىنان باستاپ «قازاقتەلەكوم» اق وڭتۇستىك ايماقتىق تەلەكوممۋنيكاتسيا ديرەكتسياسىنىڭ فيليالىنا قوعامدىق جۇمىسقا جولداما العان.

«جوعارى وقۋ ورنىن بىتىرگەن سوڭ بىردەن جۇمىس تابىلا قويمادى. بىراق جاس مامان رەتىندە «جاستار پراكتيكاسى» باعدارلاماسى بار ەكەنىن ءبىلىپ، الدىمەن جۇمىسپەن قامتۋ ورتالىعىندا جۇمىسسىز رەتىندە تىركەلىپ، سول باعدارلاما ارقىلى «قازاقتەلەكوم» اق فيليالىنا جولداما الدىم. بۇل مەنىڭ العاشقى جۇمىس تاجىريبەم ەدى. باعدارلاماعا قاتىسقان سوڭ وسى جىلى قوعامدىق جۇمىسپەن ءدال سول مەكەمەدە جۇمىسىمدى جالعاستىرىپ، تاجىريبە جيناقتاپ كەلەمىن»،  دەيدى 22 جاس­تاعى باعدارلاما قاتىسۋشىسى.

اقىلى قوعامدىق جۇمىستار ازاماتتاردى ۋاقىتشا جۇمىسپەن قامتاماسىز ەتۋ ءۇشىن ۇيىمداستىرىلادى. اتالعان جۇمىس الدىن الا كاسىپتىك دايارلاۋدى تالاپ ەتپەيدى جانە قاتىسۋ مەرزىمى 12 ايدان اسپايدى. جالاقىسى – 25 ايلىق ەسەپتىك كورسەتكىش (72 مىڭ تەڭگە) كولەمىندە.

ايتا كەتەيىك، جىل باسىنان بەرى قوعامدىق جۇمىسقا 2 474 ادامنىڭ 2 778-ءى جولدانىپ، جوسپار ارتىعىمەن ورىندالعان. ال شاھار­دا جاستار پراكتيكاسىمەن جۇمىسقا ورنا­لاسقان مامانداردىڭ دا قاراسى قالىڭ. كو­بىنە ەكى قولعا ءبىر كۇرەك ىزدەگەن جاستار الىس­قا بارماي تۋعان قالالارىندا تاجىريبە جيناق­تاۋدا.

ۇلبيكە يلەسوۆا – مەملەكەتتىك باعدار­لامانىڭ جەمىسىن كورگەن قالا جاستارىنىڭ ءبىرى. جيىرما جاستاعى قالا تۇرعىنى وتكەن جىلى م.وتەباەۆ اتىنداعى جوعارى جاڭا تەحنولوگيالار كوللەدجىن زاڭگەر ماماندىعى بويىنشا  اياقتاعان. وقۋ بىتىرگەن سوڭ بىردەن جۇمىس تابا الماي، ول جۇمىسپەن قامتۋ ورتالىعىندا جۇمىسسىز رەتىندە تىركەلگەن-ءدى. ول وسى جىلدىڭ ناۋرىز ايىندا شىمكەنت قالاسىنىڭ ىشكى ساياسات جانە جاس­تار ىستەرى جونىندەگى باسقارماسىنىڭ جاستار رەسۋرستىق ورتالىعىنا جاستار پراكتيكاسى باعدارلاماسىمەن 6 اي مەرزىمگە جىبەرىلدى.

«جاستار پراكتيكاسىنىڭ» ماقساتى – ەڭ الدىمەن، كاسىبي تاجىريبە جيناۋ. سودان كەيىن ءوزىن كورسەتۋ ارقىلى جۇمىسقا ورنالاسۋ مۇمكىندىگىنە يە بولۋ. الداعى ۋاقىت­تا بويىم­داعى جاۋاپكەرشىلىك پەن ىسكەر­لىگىم­نىڭ ارقاسىندا تۇراقتى جۇمىسقا ورنا­لاس­پاق ويىم بار»، دەيدى جاس مامان ۇلبيكە يلە­سوۆا.

«جاستار پراكتيكاسى» ۋاقىتشا جۇمىس ورنى بولىپ ەسەپتەلەدى. باعدارلاماعا 29 جاستان اسپاعان «جۇمىسسىز» مارتەبەسى بار جانە سوڭعى ءۇش جىل ىشىندە جوعارى وقۋ ورىندارى مەن كوللەدجدەردىڭ تەحنيكالىق جانە كاسىبي ءبىلىم العان تۇلەكتەرى قاتىسا الادى. اتالعان باعدارلاماعا تەك ءبىر رەت قاتىسۋعا بولادى. شىمكەنتتە جىل سوڭىنا دەيىن بۇل باعىت بويىنشا 2500 ادامدى جۇمىسپەن قامتۋ جوسپارلانعان.

 

شىمكەنت

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار