وقيعا • 15 ءساۋىر، 2021

شىعىرشىقتار جەڭىسكە شاقىرادى

35 رەت كورسەتىلدى

جاپونيانىڭ استاناسى توكيو قالاسىندا وتەتىن جازعى وليمپيادانىڭ اشىلۋىنا 100 كۇن قالعانى كەنشىلەر استاناسىندا ەلەۋسىز قالمادى.

وسى وقيعاعا وراي ۇيىمداس­تىرىلعان اكتسيا اياسىندا قالا­داعى قازبەك نۇرجانوۆ اتىن­داعى جەڭىل اتلەتيكا مانە­جىنىڭ اۋماعىنا تۇندە جارىق شا­شىپ تۇراتىن وليمپيادا شى­عىرشىقتارى ورناتىلدى. سونداي-اق سپورتتىق نىسان­نىڭ اۋلاسىنا جاس جەڭىل اتلەت­شىلەرمەن بىرگە قاراعاي كوشەت­تەرى وتىرعىزىلدى.

قازىرگى تاڭدا قاراعاندى وبلىسى بويىنشا بوكسشى ابى­لايحان ءجۇسىپوۆ، بالۋان ەلميرا سىزدىقوۆا، سۋدا كوركەم جۇ­زۋ­­شىلەر الەك­ساندرا جانە ەكا­تە­رينا نە­ميچتەر وليمپيادا لي­­تسەنزياسىن جەڭىپ العان. سو­نى­مەن قاتار جۇزگىشتەر ناتاليا زۆياگينتسەۆا، اندرەي افاناسەۆ، ءاليا را­حىم­بەكوۆا، جەڭىل ات­لەتشىلەر رۋفات حابيبۋللين، توق­تار جا­قىپوۆ، داستان مۇ­قاش­بەكوۆ، مەرگەن ايدوس جىل­قى­شينوۆ سىندى پاراليمپياشىلار دا ءدۇبىرلى دودادا ەل نامىسىن قورعايتىن بولادى.

«سپورتشىلارىمىزدىڭ وليم­پياداعا تىڭعىلىقتى دا­يىن­دالۋى ءۇشىن بارلىق جاعداي جاسالعان. ولاردىڭ ەل ءۇمىتىن اقتايتىنىنا سەنىم مول»، دەيدى وبلىستىق دەنە شىنىقتىرۋ جانە سپورت باسقارماسىنىڭ باسشىسى تەمىرحان ابىلاەۆ.

سونىمەن قاتار ارقا سپور­تىنىڭ باسشىسى قاراعاندىلىق ءبىر توپ سپورتشىنىڭ وليمپيادا جولداماسىنان ءالى دە ءۇمىتتى ەكە­نىن ايتادى. مىسالى، دا­نيل مۇساباەۆ (باتۋت گيمناستي­كا­سى)، ەرۇلان ىسقاقوۆ (گرەك-ريم كۇرەسى)، سۆەتلانا گەرما­نو­ۆيچ، ۆيتالي ۆاسيلەۆ، مي­حايل تاسكين (اكادەميالىق ەسۋ)، يسلام بوزباەۆ، جانساي سما­عۇلوۆ (دزيۋدو) جانە دا­ۆيد ەفرەموۆ پەن ريمما كاشا­فۋتدينوۆا (جەڭىل اتلەتيكا) سياقتى اتلەتتەر الداعى جارىستاردا وليمپيادا جولداماسى ءۇشىن كۇرەسەتىن بولادى.

 

قاراعاندى

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار