ايماقتار • 15 ءساۋىر، 2021

شىلىكتى اۋىلىن سۋ باستى

36 رەت كورسەتىلدى

پاۆلودار وبلىستىق توتەنشە جاعدايلار دەپارتامەنتىنىڭ مالىمەتىنشە، 9-10 ساۋىردە شىلىكتى اۋىلىنداعى وبلىستىق ماڭىزى بار جول مەن بىرنەشە ءۇيدى اۋلاسىن سۋ باستى. قازىر دەپارتامەنت ماماندارى قۇم سالىنعان قاپتارمەن قارعىن سۋدى بوگەپ، سۋدى سورۋ جۇمىستارىن جۇرگىزۋدە.

– ءبىر اپتا بۇرىن عانا سۋ باسۋ قاۋپى بار اۋىلداردى ارالاپ شىقتىڭىزدار. بىراق كەلەر قاۋىپتى ەسكەرمەدىڭىزدەر. جاعدايدى باقىلاۋعا الماعانى ءۇشىن ورىنباسارىڭىزدىڭ جاۋاپكەرشىلىگىنە قاتىستى شارا قولدانىڭىز. شىلىكتى اۋى­لىنداعىداي جاعداي ەندى قايتا­لانباۋى قاجەت. جۇمىستى باقىلاۋعا الىڭىزدار، – دەدى وبلىس اكىمى ابىلقايىر سقاقوۆ دەپارتامەنت باسشىسى ەرنۇر وتەگەنوۆكە.

وسى وقيعانىڭ الدىندا عانا دەپارتامەنت باسشىلىعى مەن ماماندارى اۋداندارداعى كوكتەمگى سۋ باسۋ ىقتيمالدىعى جوعارى اۋماقتاردى تىك­ۇشاقپەن ارالاپ ءوتىپ، اۆتوكولىكپەن ءجۇرۋ مۇمكىندىگى جوق جەرلەردەگى سۋ دەڭگەيىن تەكسەرگەن ەدى. بىراق سول كەزدە شاعىن عانا شىلىكتى اۋىلى تىكۇشاقتان كورىنبەي قالعان سياقتى. اۋىل اۋدان ورتالىعىنان 110 شاقىرىم قاشىقتىقتا ورنالاسقان.

– جول جوق. جولبولدىدان شىلىكتىگە دەيىنگى  20 شاقىرىمدىق جول ابدەن توزىپ ءبىتتى. ءبىز باسقا ەشتەڭە سۇرامايمىز، تەك جولدى جوندەپ بەرسەڭىزدەر ەكەن. كوكتەمدە  اۋدان مەن وبلىس ورتالىعىنا بارۋ  قيىندايدى. مي باتپاق، جول ما، نە ەكەنى بەلگىسىز. وسىعان جىلدار بويى ءتوزىپ كەلەمىز، – دەيدى تۇرعىندار.

سۋ باسقان سەبەبى سۋ وتكىزۋ قۇبىرلارى جاسالماعان، ەكى كۇن بويى جاۋعان جاڭ­بىردىڭ سۋى تاسقىنعا ۇلاسقان. اقتوعاي اۋدانى اكىمدىگىنىڭ مالىمەتىنشە، جول­بولدى اۋىلدىق اۋماعىنا قارايتىن شىلىك­تىدەگى 20 ۇيدە 108 ادام تۇرادى.

اۋدانداعى شولاقسور، جالاۋلى اۋىل­دارىنا جىل سايىن اقمولا وب­لى­سىن­داعى سۋ قويماسىنان سىلەتى وزەنىنىڭ ارناسىمەن تاسقىن سۋ كەلەدى. جىلدا بىرنەشە بوگەت جاسالىپ، ازىق-ت ۇلىك جانە ەڭ قاجەتتى تاۋارلار قورى اكەلىنەدى. تۇرعىندار بۇل جاعدايعا ابدەن ۇيرەنىپ كەتكەن. ءتىپتى بۇعان دەيىن وبلىسقا توتەنشە جاعدايلار ءمينيسترىنىڭ ءبىرىنشى ورىنباسارى يبراگيم قۇلشىمباەۆ كەلىپ، ارنايى جيىن وتكىزگەن-ءدى. ياعني، «كوكتەم» رەسپۋبليكالىق كوماندالىق-شتابتىق وقۋ-جاتتىعۋلارىنىڭ باس­تالعانىن، بيىل بۇل شارا ادامداردى شوعىرلاندىرماي وتكىزىلىپ، ماماندار قۇرامىن ساپقا تۇرعىزۋدان جانە تەحنيكانى جيناۋدان باس تارتىلعانىن ءمالىم ەتكەن-ءدى. بىراق سۋ باسۋعا ۇشى­راعان ۋچاسكەلەردە تاسقىن سالدارى جەر­گىلىكتى اكىمدىكتەر مەن دەپارتامەنت ماماندارىنىڭ حالىق اراسىندا كوكتەمگى سۋ تاسقىنى كەزەڭىندەگى ءتارتىپ تۋرالى اقپاراتتاندىرۋ-پروفيلاكتيكالىق جۇمىستارىن وتكىزۋ قاجەتتىگىن ەسكەرتتى. بۇل دايىندىق جۇمىستارى قانداي دا ءبىر شاعىن اۋىلداردىڭ وقشاۋلانىپ قالۋىن بولدىرماۋ ءۇشىن سۋ تاسقىنى جاعدايىنا ءىس جۇزىندە دايىن بولۋى كەرەكتىگىنىڭ الدىن الۋعا جاسالعان شارا ەدى.

– وبلىستا سۋ تاسقىنى قاۋپى بويىن­شا جاعداي تۇراقتى جانە باقىلاۋدا. اقتوعاي، جەلەزين، ەرتىس اۋداندارىندا ءالى دە قار بار. قىس بويى 800 مىڭ توننادان استام قار شىعارىلدى. بارلىق سۋ وتكىزۋ قۇبىرلارى تازارتىلدى. اق­توعاي اۋدانىنداعى شولاقسور اۋىل­ى ەرەكشە باقىلاۋدا. بۇل اۋىل سىلەتى وزەنىنىڭ بويىن­دا ورنالاسقان. سىلەتى سۋ قويماسىنان 36 ساعات ىشىندە 64 ملن تەكشە مەتردەن استام سۋ جىبەرىلسە، بۇگىندە سۋ جىبەرۋ كولەمى ازايدى. ەندى الداعى ۋاقىتتا سۋ قوي­مالارىنان سۋ جىبەرۋدىڭ ەكىنشى كەزەڭى باستالادى. سوندىقتان جەرگ­ىلىكتى اكىمدىكتەر باقىلاۋدى كۇشەي­تۋى ءتيىس، – دەدى ە.وتەگەنوۆ.

ال باياناۋىل اۋدانىندا قاراعاندى وبلىسىنان كەلەتىن سۋ ەرەكشە باقىلاۋعا الىنعان. قازىر  قالقامان – باياناۋىل – ۇمىتكەر – ۋليانوۆ تاس جولىنىڭ 101-105-ءشى شاقىرىمدارىنىڭ ارالىعى باقىلاۋدا. جولدىڭ 101-شاقىرىمىندا 2 سۋ جىبەرۋ قۇبىرى ورناتىلعان.

قاراعاندى وبلىسىنداعى اقجار قوي­ماسىنان جىبەرىلەتىن سۋ كولەمىنىڭ تاس جولدى شايىپ كەتۋ ىقتيمالدىعى جو­عارى بولعاندىقتان، بارلىق قاجەتتى تەح­نيكا مەن جابدىقتار، ماشينالار دايىن تۇر. ونسىز دا جولى جوق شور­مان، كوكدومباق جانە جاڭاتىلەك اۋىل­دارىنداعى جاعداي قيىن، جولداردى سۋ باسىپ كەتسە اۋىلدىقتارعا تىپتەن اۋىر. جاڭاجول، ەسكەلدى اۋىلدارى اراسىن قوساتىن وبلىستىق ماڭىزى بار اۆتوموبيل جولىن دا جىل سايىن سۋ باسادى. سونداي-اق باياناۋىل اۋدانىندا جولدى سۋ باسۋ قاۋپى بولا قالعان جاعدايدا «قازاۆتوجول» اق جەرگىلىكتى في­ليالى تاراپىنان قالقامان – قارا­عاندى ارا­لىعىنداعى تاس جول بويىنا اۋىر جۇك كولىكتەرى جىبەرىلمەيتىنى ەسكەر­تىلدى.

جالپى، وبلىستا سۋ تاسقىنىنىڭ الدىن الۋ ءۇشىن 800 مىڭ توننا قار شىعا­رىلىپ،

1 365 سۋ وتكىزۋ قۇبىرى تازالانىپتى.

 

پاۆلودار وبلىسى،

اقتوعاي اۋدانى

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار