ۇكىمەت • 13 ءساۋىر، 2021

ۆاكتسينالاۋ – ماڭىزدى مىندەت

20 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق احۋال قارالدى.

قازىرگى جاعداي، حالىقتى ۆاكتسينالاۋ بارىسى جانە مەملەكەت باسشىسى قاسىم-جومارت توقاەۆتىڭ بەرگەن تاپسىرمالارىن ورىنداۋ اياسىندا قابىلدانىپ جاتقان شارالار تۋرالى دەنساۋلىق ساقتاۋ ءمينيسترى الەكسەي تسوي، الماتى وبلىسىنىڭ اكىمى اماندىق باتالوۆ، اقتوبە وبلىسىنىڭ اكىمى وڭداسىن ورازالين، اقمولا وبلىسىنىڭ اكىمى ەرمەك مارجىقپاەۆ باياندادى.

ينفوگرافيكانى جاساعان امانگەلدى قياس، «ەQ»

10 ملن-عا جۋىق ادام ۆاكتسينالانادى

دەنساۋلىق ساقتاۋ ءمينيسترى الەكسەي تسويدىڭ ايتۋىنشا، الەمدە COVID-19 اۋرۋى مەن ءولىم-ءجىتىمى بويىنشا جاعداي شيەلەنىسە تۇسۋدە. ددۇ-نىڭ التى ايماعىنىڭ بەسەۋىندە اۋرۋدىڭ ءوسۋ تەندەنتسياسى بايقالادى. قازاقستاندا 12 ساۋىردەگى جاعداي بويىنشا COVID-19 وڭ ناتيجەسىمەن 271 809 ناۋقاس جانە كۆي- جاعدايىمەن 51 399 ناۋقاس تىركەلدى. ەپيدەميولوگيالىق جاعدايدى باعالاۋ ماتريتساسىنا سايكەس رەسپۋبليكا 12 كۇننەن بەرى قىزىل ايماقتا ورنالاسقان. ەل ىشىندە 8 «قىزىل ايماق» بار: نۇر-سۇلتان جانە الماتى قالالارى، اتىراۋ، باتىس قازاقستان، الماتى، اقمولا، قاراعاندى جانە اقتوبە وبلىستارى. وتكەن اپتادا سارى ايماققا 4 ءوڭىر كوشىرىلدى، بۇگىندە سارى ايماقتا 7 ءوڭىر بار: شىمكەنت قالاسى، سولتۇستىك قازاقستان، جامبىل، ماڭعىستاۋ، قىزىلوردا، قوستاناي، پاۆلودار وبلىستارى. جاسىل ايماقتا تەك تۇركىستان، شىعىس قازاقستان وبلىستارى عانا بار. «اعىمداعى جىلدىڭ ءساۋىر ايىندا ەپيدەميولوگيالىق جاعدايدىڭ ناشارلاۋى بايقالادى، ءساۋىر­دىڭ 11 كۇنىندە 24 955 جاعداي تىركەلگەن، ناۋرىزدىڭ ۇقساس كەزەڭىمەن سالىس­تىر­عاندا سىرقاتتانۋشىلىقتىڭ 3 ەسە ءوسۋى بايقالادى، تاۋلىگىنە 2800 ناۋقاستان تىركەلۋدە»، دەدى ا.تسوي.

قوستاناي جانە تۇركىستان وبلىس­تارىن قوسپاعاندا، بارلىق وڭىرلەردە سىرقاتتانۋشىلىقتىڭ ءوسۋى بايقالادى. بۇل رەتتە ەل بويىنشا سىرقاتتانۋشىلىقتىڭ 61%-ى 3 وڭىرگە – نۇر-سۇلتان جانە الماتى قالالارى مەن الماتى وبلىسىنا تيەسىلى. سىرقاتتانۋشىلىقتىڭ وسۋىمەن قاتار، ءولىم-ءجىتىم جاعدايلارى سانىنىڭ ءوسۋى بايقالادى، ماسەلەن ناۋرىز ايىندا اقپان ايىمەن سالىستىرعاندا كۆي-دەن قايتىس بولعاندار سانى 1،4 ەسە ءوستى. بۇل رەتتە ءولىم-ءجىتىم جاعدايلارىنىڭ 57%-ى 3 وڭىرگە – نۇر-سۇلتان جانە الماتى قا­لالارى مەن الماتى وبلىسىنا تيەسىلى.

دەنساۋلىق ساقتاۋ ءمينيسترى حابار­لاعانداي، ءساۋىر ايىندا ەپيدەميولوگيالىق احۋالدى ەسكەرە وتىرىپ، تەستىلەۋدىڭ تاۋلىكتىك سانى 48 مىڭ زەرتتەۋگە دەيىن ارتقانى بايقالادى، بۇل ەل بويىنشا جالپى تاۋلىكتىك قۋاتتىڭ 41%-ىن قۇرايدى. «قالىپتاسقان جاعدايدى ەسكەرە وتىرىپ، بارلىق وڭىرلەردە الەۋمەتتىك-ەكونوميكالىق وبەكتىلەردىڭ جۇمىسىن شەكتەۋ كريتەريلەرىنە سايكەس قوسىمشا شەكتەۋ شارالارى قابىلدانۋدا. سونى­مەن قاتار ەپيدەميولوگيالىق احۋال­دىڭ نا­شارلاۋىن ەسكەرە وتىرىپ، وڭىرلەر­دىڭ اكىمدەرى احۋالدىڭ تۇراقتى موني­تورينگىن، جەدەل دەن قويۋدى،  پروفيلاكتيكالىق جانە ەپيدەمياعا قارسى شارالار قابىلداۋدى قامتاماسىز ەتۋى قاجەت»، دەدى ا.تسوي.

بيىلعى 12 ساۋىردەگى جاعداي بويىنشا وڭىرلەر بولىنىسىندە توسەكتىك ورىنداردىڭ كۇندەلىكتى قامتىلۋ مونيتورينگىنە سايكەس، قازاقستان رەسپۋبليكاسىندا 30 109 ينفەكتسيالىق توسەكتىك ورىن بار، ولاردىڭ قازىرگى جۇكتەمەسى 41% (12 349 توسەكتىك ورىن) قۇرايدى. رەزەرۆتىك قور 32 065 توسەكتىك ورىن.

الماتى وبلىسىندا، الماتى جانە نۇر-سۇلتان قالالارىندا ينفەكتسيالىق توسەكتىك ورىنداردىڭ ۇدەمەلى قامتىلۋى بايقالادى. بۇل رەتتە نۇر-سۇلتان جانە الماتى قالالارىنداعى توسەكتىك ورىن رەزەرۆى ءاربىر قالادا شامامەن 1200 توسەكتىك ورىندى قۇرايدى. ايتا كەتۋ كەرەك، ەلىمىز بويىنشا توسەكتىك ورىنداردىڭ تومەن قامتىلۋ كورسەتكىشتەرىنە قارا­ماستان، بۇگىندە اۋرۋحاناعا جاتقىزىلاتىن ناۋقاستار سانى 12 ناۋرىزداعى 4 713-تەن 12 ساۋىردە 12 349-عا دەيىن 2،6 ەسە ءوستى. «ين­فەكتسيالىق ستاتسيونارلارداعى رەانيماتسيالىق توسەكتىك ورىن سانى 2 752، قامتىلۋى 27% قۇرايدى. رەانيماتسيالىق توسەكتىك ورىنداردىڭ جوعارى قامتىلۋى نۇر-سۇلتان قالاسىندا (66%) جانە الماتى قالاسىندا (50%) بايقالادى. رەانيماتسيا بولىمشەلەرىندەگى پاتسيەنتتەر سانى 2،4 ەسەگە ارتتى»، دەدى ا.تسوي.

1 اقپاننان باستاپ وڭىرلەرگە «سپۋتنيك V» ۆاكتسيناسىنىڭ 611 مىڭ دوزاسى جەتكىزىلدى. ۆاكتسينانى جەتكىزۋ كەستەگە سايكەس كەزەڭ-كەزەڭمەن جۇزەگە اسىرىلادى. ەرتەڭ وڭىرلەرگە كەزەكتى 300 مىڭ دوزا ۆاكتسينا جەتكىزىلەدى دەپ كۇتىلۋدە. سونىمەن قاتار، ءساۋىر ايىندا تاعى 1،4 ملن دوزا ۆاكتسينا جەتكىزىلەدى دەپ كۇتىلۋدە، بۇل شامامەن 2 ملن ازاماتتىڭ ۆاكتسينالاۋعا قولجەتىمدىلىگىن قامتاماسىز ەتەدى. ۆەدومستۆو باسشىسىنىڭ ايتۋىنشا، وڭىرلەردە حالىقتى ۆاكتسينالاۋ ناۋقانى جالعاسۋدا. بۇگىنگى تاڭدا وڭىرلەردە 916 ەگۋ پۋنكتىندە ۆاكتسينالاۋ جۇرگىزىلۋدە. بۇدان باسقا، الىس اۋدانداردا، ۇيىمداسقان ۇجىمداردا، ادامدار كوپ جينالاتىن جەرلەردە كۆي-عا قارسى ۆاكتسينالاۋ جۇرگىزۋ ءۇشىن 233 كوشپەلى ەگۋ بريگاداسى جۇمىلدىرىلدى. ۆاكتسينالاۋ ناۋقانىنا 10 مىڭعا جۋىق مەديتسينا قىزمەتكەرى تارتىلعان.

الماتى، نۇر-سۇلتان، كوكشەتاۋ قالا­لارىندا ەگۋ پۋنكتتەرى ساۋدا ورتالىق­تارىندا، بازارلاردا اشىلعان، ياعني دەمالىس كۇندەرى دە ۆاكتسينالاۋ الۋعا بولادى، بۇل حالىقتىڭ ۆاكتسينالاۋعا قول جەتكىزۋىن قامتاماسىز ەتۋگە مۇمكىندىك بەرەدى. سونداي-اق 2021 جىلدىڭ 8 ساۋىرىنەن باس­تاپ ۆاكتسينالاۋعا «ەلەكتروندى ۇكىمەت» پورتالى ارقىلى جازىلۋعا بولادى. «بۇل ءۇشىن ازامات تىركەلگەن ايماعى بويىنشا مەديتسينالىق ۇيىمدى كورسەتە وتىرىپ، ءوتىنىم بەرەدى. مەديتسينالىق ۇيىم ۆاكتسينالاۋ جۇرگىزۋ ۋاقىتىن كورسەتە وتىرىپ، وتىنىمدەردى بولەدى، سودان كەيىن ازامات «ەلەكتروندى ۇكىمەت» پورتالىندا مەديتسينالىق ۇيىمعا باراتىن كۇنى مەن ۋاقىتىن كورە الادى»، دەدى ا.تسوي.

 

تاياۋ ارادا 2 ملن ادامعا ەكپە جۇرگىزىلۋى كەرەك

ماسەلەنى قورىتىندىلاعان ۇكىمەت باسشىسى اسقار مامين جالپى جاع­دايعا شولۋ جاساپ ءوتتى. رەسپۋبليكا بو­يىنشا ۆيرۋستىڭ رەپرودۋكتيۆتىك كور­سەتكىشى 1،15 قۇرايدى. ينفەكتسيالىق توسەكتىك ورىندارىنىڭ جۇكتەمەسى 41%، رەانيماتسيالىق توسەكتىك ورىندارى 27% قۇرايدى. قازىرگى ۋاقىتتا Covid-19 تارالۋ قارقىنى بويىنشا نۇر-سۇلتان جانە الماتى قالالارى، باتىس قازاقستان، الماتى، اتىراۋ، اقتوبە، اقمولا جانە قاراعاندى وبلىستارى «قىزىل ايماقتا» تۇر. شىعىس قازاقستان جانە تۇركىستان وبلىستارىن قوسپاعاندا، قالعان بارلىق وڭىرلەر – «سارى ايماقتا». «مەملەكەت باسشىسى قاسىم-جومارت كەمەل ۇلى توقاەۆ سانيتارلىق-ەپيدەميولوگيالىق جاعدايدى تۇراقتاندىرۋ جانە ۆاكتسينا الاتىنداردىڭ سانىن ارتتىرۋ بويىنشا الدىمىزعا ناقتى مىندەت قويدى»، دەدى ا.مامين.

پرەمەر-مينيستر اكىمدەرگە ەپيدە­ميالىق جاعدايعا بايلانىستى جەدەل شەكتەۋ شارالارىن قابىلداۋدى، بارلىق ەمدەۋ مەكەمەلەرىن ءدارى-دارمەكتەر مەن مەديتسينالىق بۇيىمداردىڭ قاجەتتى كولەمىمەن تولىق قامتاماسىز ەتۋدى، ساني­تارلىق نورمالار مەن ماسكا تاعۋ رەجى­مىن ساقتاۋدى كۇشەيتۋدى تاپسىردى. دەنساۋلىق ساقتاۋ مينيسترلىگى مەن اكىم­دىكتەرگە توسەكتىك ورىن قورىنىڭ تولىق دايىندىعىن قامتاماسىز ەتۋ، سون­داي-اق قوعامدىق ورىنداردى، ونىڭ ىشىندە ساۋدا ورتالىقتارىن پايدالانا وتىرىپ ۆاكتسينالاۋدىڭ قولجەتىمدىلىگىن قامتاماسىز ەتۋ تاپسىرىلدى. «ۆاكتسي­نالاۋ كەستەسىن قاتاڭ ساقتاۋ كەرەك. ءساۋىر ايىندا، سونداي-اق مامىر مەن ماۋسىم ايلارىندا جوسپار بويىنشا اي سايىن 2 ملن ادامدى ۆاكتسينالاۋ قاجەت»، دەدى ا.مامين.

دەنساۋلىق ساقتاۋ، اقپارات جانە قوعام­دىق دامۋ مينيسترلىكتەرىنە اكىمدىك­تەرمەن بىرلەسىپ ۆاكتسينالاۋدىڭ ماڭىز­دىلىعى تۋرالى اقپاراتتىق-ءتۇسىندىرۋ جۇمىستارىن ودان ءارى جۇرگىزۋ تاپسىرىلدى. «قوعام سانيتارلىق نورمالاردى ساقتاۋ مەن ۆاكتسينالاۋ پاندەميانىڭ تارالۋىن توقتاتۋعا مۇمكىندىك بەرەتىنىن ءتۇسىنۋى كەرەك»، دەپ اتاپ ءوتتى ا.مامين.

 

ەكونوميكانىڭ نەگىزگى سالالارى تۇراقتى وسۋدە

ۇكىمەت وتىرىسىندا ەلىمىزدىڭ 2021 جىلعى قاڭتار-ناۋرىز ايلارىنداعى الەۋمەتتىك-ەكونوميكالىق دامۋىنىڭ قورىتىندىسى جانە رەسپۋبليكالىق بيۋد­جەتتىڭ اتقارىلۋى قارالدى. ەكونو­مي­كانىڭ، بانك سالاسىنىڭ جاي-كۇيى، رەسپۋبليكالىق بيۋدجەتتىڭ اتقارىلۋى، مەملەكەتتىك ساتىپ الۋداعى جەرگىلىكتى قامتۋ تۋرالى ۇلتتىق ەكونوميكا ءمينيسترى اسەت ەرعاليەۆ، ۇلتتىق بانك تور­اعاسى ەربولات دوساەۆ، قارجى ءمينيس­ترى ەرۇلان جاماۋباەۆ، ونەركاسىپ پەن ەنەرگەتيكا سەكتورىنداعى جاعداي تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە ەنەرگەتيكا ءمينيسترى نۇرلان نوعاەۆ، اگروونەركاسىپ كەشەنىندەگى جاعداي تۋرالى اۋىل شارۋاشىلىعى ءمينيسترى ساپارحان وماروۆ، الەۋمەتتىك ماڭىزى بار ازىق-ت ۇلىك تاۋارلارىنىڭ باعالارىنا قاتىستى ساۋدا جانە ينتەگراتسيا ءمينيسترى باقىت سۇلتانوۆ، وڭىرلەردىڭ دامۋى تۋرالى شىعىس قازاقستان وبلىسىنىڭ اكىمى دانيال احمەتوۆ، قاراعاندى وبلىسىنىڭ اكىمى جەڭىس قاسىمبەك، باتىس قازاقستان وبلىسىنىڭ اكىمى عالي ەسقاليەۆ، ماڭعىستاۋ وبلىسىنىڭ اكىمى سەرىكباي ترۇموۆ باياندادى.

 

جوعارى ينۆەستيتسيالىق بەلسەندىلىك ساقتالىپ وتىر

ەل ەكونوميكاسىنىڭ جاعدايى تۋرالى بايانداعان ۇلتتىق ەكونوميكا ءمي­نيسترى اسەت ەرعاليەۆ ءبىرىنشى توق­سان­نىڭ قورىتىندىسى بويىنشا ماكرو­ەكونوميكالىق كورسەتكىشتەردىڭ جاقسارا تۇسكەنىن ايتتى.

2021 جىلدىڭ ءبىرىنشى توقسانىنىڭ قورىتىندىسى بويىنشا وڭ جانە تۇ­راق­تى ديناميكا ەل ەكونوميكاسىنىڭ ناقتى سەكتورىندا بايقالدى. ءوسىم وڭدەۋ ونەركاسىبىندە (+7،5%)، قۇرىلىستا (+13،1%) جانە اۋىل شارۋاشىلىعىندا (+2،8%) بايقالدى. وڭ ءوسىم قارقىنى ماشينا جاساۋدا (+21،8%)، ونىڭ ىشىندە اۆتوموبيل جاساۋدا (+20،7%); فارماتسەۆتيكادا (+9،1%); حيميا ونەركاسىبىندە (+14،2%); ءتۇستى مەتالدار ءوندىرىسىن (+3،4%) قوسا العاندا مەتاللۋرگيادا (+2،3%); جەڭىل ونەركاسىپتە (+3،1%)، ونىڭ ىشىندە كيىم وندىرىسىندە (+25،8%)، سونداي-اق ازىق-ت ۇلىك ونىمدەرى وندىرىسىندە (+3،3%) بايقالادى.

13 ءوڭىر وڭ ءوسىم كورسەتتى. ەڭ جوعارعى ءوسىم بەتون، تازارتىلعان التىن جانە تەمىرجول لوكوموتيۆتەرى ءوندىرىسىنىڭ ءوسۋى ەسەبىنەن نۇر-سۇلتان قالاسىندا; مەتالل كونسترۋكتسيالار، اۆتوبۋستار مەن بەتون ءوندىرىسىنىڭ ءوسۋى ەسەبىنەن الماتى قالاسىندا; تەمەكى ونىمدەرى مەن اككۋمۋلياتورلار ءوندىرىسىنىڭ ءوسۋى ەسەبىنەن الماتى وبلىسىندا بايقالادى. وڭدەۋ ونەركاسىبىندە تومەندەۋ 3 وڭىردە بايقالىپ وتىر: بەنزين، كەروسين جانە مازۋت ءوندىرىسىنىڭ قىسقارۋى سالدارىنان اتىراۋ وبلىسىندا، بولات قۇبىرلار مەن پروفيلدەر، بەنزين مەن ديزەل وتىنى ءوندىرىسىنىڭ تومەندەۋى سالدارىنان باتىس قازاقستان وبلىسىندا، ماقتا جانە تابيعي ۋران ءوندىرىسىنىڭ ازايۋى سالدارىنان تۇركىستان وبلىسىندا بايقالادى.

اگروونەركاسىپ كەشەنىندەگى ءوسۋدى جەدەلدەتۋ ءۇشىن قولدا بار رەسۋرستار مەن قۇرالداردى ءتيىمدى پايدالانا وتىرىپ، كوكتەمگى ەگىس جۇمىستارىن ۋاقىتىلى جۇرگىزۋدى قامتاماسىز ەتۋ قاجەت. باعا­نىڭ وسۋىنە جول بەرمەۋ ماقساتىندا الەۋ­مەتتىك ماڭىزى بار ازىق-ت ۇلىك تاۋارلارىنا باعانى تۇراقتاندىرۋ جونىندەگى جول كارتاسىنىڭ ۋاقىتىلى جانە تولىققاندى ورىندالۋىن قامتاماسىز ەتۋ قاجەت. جۇمىسپەن بارىنشا قامتۋدى قامتاماسىز ەتۋ ءۇشىن وڭىرلىك ەڭبەك نارىقتارىنداعى احۋالعا تۇراقتى مونيتورينگ جۇرگىزۋ قاجەت. جۇمىسپەن قامتۋدىڭ جول كارتاسى اياسىندا تۇراقتى جۇمىس ورىندارىن قۇرۋعا باستى نازار اۋدارىلادى.

ۇلتتىق بانك توراعاسى ەربولات دوساەۆتىڭ ايتۋىنشا، بيىلعى ناۋرىزدا نان-توقاش ونىمدەرى، ەت، قانت جانە جەمىس-كوكونىس ونىمدەرى باعاسىنىڭ باياۋ ءوسۋى اياسىندا ازىق-ت ۇلىك ينفلياتسياسىنىڭ 11،6%-دان 10،7%-عا دەيىن باياۋلاۋى ەسەبىنەن ينفلياتسيا 7،4%-دان 7،0%-عا دەيىن باياۋلادى. اقىلى قىزمەتتەردىڭ ينفلياتسياسى 3،9%-دان 3،7%-عا دەيىن باياۋلادى، بۇعان تۇرعىن ءۇي-كوممۋنالدىق قىزمەتتەردىڭ جەكەلەگەن تۇرلەرىنە تاريفتەردىڭ تومەندەۋى الىپ كەلدى. «2021 جىلدىڭ سوڭىنا قاراي ينفلياتسيا 4-6% نىسانالى ءدالىزدىڭ جوعارعى شەگىنە دەيىن تومەندەيتىنى كۇتىلۋدە»، دەدى ە.دوساەۆ.

بجزق زەينەتاقى اكتيۆتەرى جىلدىڭ باسىنان بەرى حالىقتىڭ قاراجاتتى مەرزىمىنەن بۇرىن الۋىنا بايلانىس­تى 0،3 ترلن تەڭگەگە نەمەسە 12،6 ترلن  تەڭگەگە دەيىن 2،3%-عا تومەندەدى. بيىلعى 9 ساۋىردەگى جاعداي بويىنشا 1 ترلن تەڭگەدەن اسا سوماعا سالىمشىلاردىڭ زەينەتاقى جيناقتارىن مەرزىمىنەن بۇرىن الۋ بويىنشا 210،8 مىڭ ءوتىنىشى ورىندالدى. الىنعان جيناقتاردىڭ 99،4%-ىن ازاماتتار تۇرعىن ءۇي ماسەلەلەرىن شەشۋگە جۇمسادى. 4 باسقارۋشى كومپانيانىڭ سەنىمگەرلىك باسقارۋىنا 2،5 ملرد تەڭگەگە زەينەتاقى جيناقتارى بەرىلدى.

 

ەكونوميكا احۋالى جاعىمدى سيپاتتا

ماسەلەنى قورىتىندىلاعان پرەمەر-مينيستر 2021 جىلعى 1 ساۋىردە وپەك+ 15 مينيسترلىك كەزدەسۋى وتكەنىن، وندا قازاقستان ءۇشىن مۇنايدى تاۋلىگىنە ءوندىرۋدى تاعى 6 مىڭ باررەلگە ۇلعايتۋدى كوزدەيتىن جەكەلەگەن شارتتار كەلىسىلگەنىن اتاپ ءوتتى. وسىعان وراي، جىل قورىتىندىسى بويىنشا مۇناي ءوندىرۋ سالاسىندا وڭ ديناميكا قامتاماسىز ەتىلەدى. وتىن-ەنەرگەتيكا سەكتورىندا ءوسىم ەلەكتر ەنەرگياسىن وندىرۋدە (+4،4%) جانە كومىر وندىرۋدە (+1%) بايقالدى. نەگىزگى كاپيتالعا سالىنعان ينۆەستيتسيالاردىڭ ءوسۋى تاۋ-كەن ءوندىرىسىن ەسەپكە الماعاندا 34%-دى قۇرادى. شەكتەۋ شارالارى قىزمەت كورسەتۋ سەكتورىنىڭ دامۋىن تەجەۋدە. سونىمەن قاتار اقپارات جانە بايلانىس سالاسىندا جوعارى ءوسۋ قارقىنى بايقالادى (+9،9%). «جالپى العاندا، ءبىز ەكونوميكانىڭ نەگىزگى سالالارىنداعى كورسەتكىشتەردىڭ بىرتىندەپ جاقسارۋ ءۇردىسىن كورىپ وتىرمىز. ەكونوميكالىق بەلسەندىلىكتى ارتتىرۋ ءۇشىن قوسىمشا جاعدايلار جاساۋ ماقساتىندا ۇكىمەت بيزنەستى قولداۋ بويىنشا كەشەندى شارالاردى ىسكە اسىرۋ ارقىلى جۇمىستى جالعاستىرادى»، دەدى ا.مامين.

بيىلعى ءبىرىنشى توقسان قورىتىن­دىلارى بويىنشا 7 نەگىزگى كورسەتكىشتىڭ ىشىندە التاۋى بويىنشا الماتى جانە شىعىس قازاقستان وبلىستارىندا الەۋمەت­تىك-ەكونوميكالىق دامۋدىڭ ءوسۋى بايقالادى. 5 كورسەتكىش بويىنشا اقمولا، اقتوبە، جامبىل، قاراعاندى، قوستاناي وبلىستارى مەن شىمكەنت قالاسى ءوسىم كورسەتتى. اتىراۋ، قىزىلوردا، پاۆلودار، تۇركىستان، سولتۇستىك قازاقستان وبلىستارى مەن نۇر-سۇلتان، الماتى قالالارىندا 4 كورسەتكىش بويىنشا وڭ ديناميكا بايقالادى. 

پرەمەر-مينيستر اتىراۋ جانە جامبىل وبلىستارى اكىمدەرىنىڭ جاۋاپتى ورىنباسارلارىنا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ نەگىزسىز وسۋىنە جول بەرگەنى ءۇشىن قاتاڭ سوگىس جاريالاۋدى تاپسىردى. «جالپى، قازاقستان ەكونوميكاسى جاھاندىق ەكونوميكالىق داعدارىستىڭ ەلەۋلى اسەرىنە قاراماستان، نەگىزگى كورسەتكىشتەردىڭ بىرتىندەپ قالپىنا كەلۋىن كورسەتىپ وتىر»، دەدى ا.مامين.

ۇكىمەت باسشىسى وڭىرلەردىڭ اكىمدەرى مەن مەملەكەتتىك ورگانداردىڭ باسشىلارىنا الەۋمەتتىك-ەكونوميكالىق دامۋدىڭ جوسپارلى كورسەتكىشتەرىنە قول جەتكىزۋدى جانە مەملەكەت باسشىسى قاسىم-جومارت توقاەۆ العا قويعان مىندەتتەردىڭ ءتيىمدى ىسكە اسىرىلۋىن قامتاماسىز ەتۋدى تاپسىردى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار