ايماقتار • 13 ءساۋىر، 2021

قاراعاندىدا كارانتين كۇشەيتىلدى

88 رەت كورسەتىلدى

قاراعاندى وبلىسىندا جامان تۇماۋ جۇقتىرعاندار سانى كۇننەن-كۇنگە بوي بەرمەي بارادى. وتكەن اپتانىڭ ىشىندە بۇل كورسەتكىشتىڭ ەكى ەسەدەي وسكەنى بۇل سوزىمىزگە تولىق دالەل بولا الادى. مىنە، جاعداي وسىلاي قالىپتاسقان سوڭ، وبلىستىڭ باس مەملەكەتتىك سانيتارلىق دارىگەرى يۋري زالىگين وڭىردە 12 ساۋىردەن باستاپ امالدىڭ جوقتىعىنان كارانتين رەجىمىن كۇشەيتۋ تۋرالى شەشىم قابىلداۋعا ءماجبۇر بولدى.

مۇنى وڭىرلىك كوممۋنيكاتسيالار قىزمەتى الاڭىندا وتكەن بريفينگتە مالىمدەگەن ول شەشىمگە ساي قولدانىلار شارالار تۋراسىندا تۇسىنىك بەردى. ماسەلەن، اتالعان كۇننەن باستاپ قاراعاندىدا Ashyq قاناتقاقتى جوباسى ىسكە اسىرىلاتىن نىسانداردى قوسپاعاندا، وبلىس بو­يىنشا كاراوكە، كومپيۋتەرلىك كلۋبتار، تۇنگى جانە ويىن كلۋب­تارى، بيليارد، بوۋلينگ ورتا­لىقتارى سياقتى ويىن-ساۋىق مەكەمەلەرىنىڭ قىزمەتىنە تى­يىم سالىندى. سونىمەن قاتار، بۋكمەكەرلىك كەڭسەلەر، جابىق ءۇي-جايلارداعى ويىن الاڭدا­رى، اتتراكتسيونداردى قوسا العاندا، بالالاردىڭ ويىن-ساۋىق ورتا­لىقتارى، بانكەت زالدارى، تەاتر­لار مەن كينوتەاترلار، كونتسەرت زالدارى، تسيرك، مادەنيەت ۇيلەرى مەن مادەنيەت سارايلارى، سونداي-اق ونداعى دايىندىقتاردىڭ، جالپى ءبىلىم بەرەتىن مەكتەپتەردە ورنالاسقان سەكتسيالار مەن ۇيىرمەلەردىڭ جۇمىسى توقتاتىلدى. تەك كىتاپحانالار مەن مۋزەيلەرگە، جالپى ءبىلىم بەرەتىن مەكتەپتەردە ورنالاسقان سەكتسيالار، ۇيىرمەلەرگە جۇمىس ىستەۋگە رۇقسات ەتىلەدى. وندا دا ولارداعى كەلۋشىلەر سانى 30 ادامنان اسپاۋى ءتيىس.

ساباقتان تىس ۋاقىتتا وقۋ­شى­لارعا جەكە ساباقتار بەرۋگە رۇقسات ەتىلمەيدى. وقۋشىلاردى پاندەميا بويىنشا جاعدايى ناشار وڭىرلەر مەن ەلدەرگە حا­لىقارالىق جارىستارعا، وليم­پيادالارعا اپارۋعا بولمايدى. وبلىستىڭ مەكتەپتەرىندە وقىتۋ ارالاس فورمات تۇرىندە قالا بەرەدى. ال 6،7،8 جانە 10-سىنىپ وقۋشىلارىن وقىتۋ قاشىقتان وقىتۋ فورماتىنا اۋىستىرىلدى. قۇراما تۇردە ءبىتىرۋشى 9، 11-ءشى (12) سىنىپ وقۋشىلارى سا­نيتارلىق-دەزينفەكتسيالىق جانە بەتپەردە رەجىمدەرىن ساقتاي وتىرىپ وقىتىلادى. ەكسكۋرسيالار­عا تى­يىم سالىندى. سونداي-اق ويىن-ساۋىق جانە بۇقارالىق ءىس-شا­رالار، فورۋمدار، كونفەرەنتسيالار، كورمەلەر، جارمەڭكەلەر جانە باسقا دا كوپشىلىك جيىندار وتكىزۋگە تىيىم ءالى دە جالعاسا بەرەدى.

بۇدان بولەك، يۋ.زالىگين قا­راعاندى مەن سەرىكتەس قالالار اراسىنداعى باعىتتار بويىنشا سەنبى جانە جەكسەنبى كۇندەرى جولاۋشىلار تاسىمالىنا رۇقسات ەتىلمەيتىنىن اتاپ ءوتتى. ەلىمىزدىڭ باسقا وڭىرلەرىنە جانە وبلىس ىشىن­دە تۇراقتى ەمەس تۋريستىك اۆتوتاسىمالدارعا دا تولىق تى­يىم سالىندى. جاتتىعۋ زالدارى مەن فيتنەس-ورتالىقتارعا، باسسەيندەرگە، سۇلۋلىق سالوندارىنا بارۋ ءۇشىن الدىن الا جازىلۋ قاجەت.

ال وبلىس بويىنشا ساۋدا ۇي­لەرى، ساۋدا-ويىن-ساۋىق ورتا­­لىق­تارى، كوتەرمە-تاراتۋ ورتا­­لىق­تارى، ازىق-ت ۇلىك سۋپەر­مار­كەتتەرىن، ازىق-ت ۇلىك پاۆيلون­دارىن جانە ولارداعى ءدارىحا­نالاردى، سۇلۋلىق سالوندارىن، حيميالىق تازارتقىشتاردى قوس­پا­عاندا، اۋدانى 2 مىڭ شارشى مەتردەن استام ازىق-ت ۇلىك ەمەس تاۋارلارى بار دۇكەندەر سەن­بى جانە جەكسەنبى كۇندەرى جا­بىق بولادى. سونىمەن بىرگە فيت­نەس-ورتالىقتار، سپورتتىق-ساۋىق­تىرۋ ورتالىقتارى، ترەناجەر زال­دارى، سپورت كەشەندەرى، سا­ۋنالار، باسسەيندەر، سپا-ورتا­­لىقتار، ماسساج سالوندارى، ازىق-ت ۇلىك جانە ازىق-ت ۇلىك ەمەس جا­بىق بازارلار، اشىق اۋاداعى ازىق-ت ۇلىك جانە ازىق-ت ۇلىك ەمەس با­زار­لاردىڭ جۇمىسىن جەكسەنبى كۇن­دەرى توقتاتۋ تۋرالى شەشىم قابىل­داندى.

سۋپەرماركەتتەر مەن گيپەر­ماركەتتەر تاڭعى 7.00-دەن 24.00-گە دەيىن عانا جۇمىس ىستەيدى. بار­لىق كەلۋشىلەر ءۇشىن تەرمو­مەتريا، ماسكا رەجىمىن جا­نە الەۋ­مەتتىك قاشىقتىقتى ساق­­تاۋ تالاپتارى ەنگىزىلگەن. قوعام­دىق تاماقتانۋ نىساندارىنا ساعات 9.00-دەن 20.00-گە دەيىن جۇ­مىس ىستەۋگە رۇقسات ەتىلدى. ازىق-ت ۇلىكتى جەتكىزۋ جا­نە الىپ كەتۋگە ۋاقىت شەكتەۋى قو­يىل­ماي­دى. مەيرامحانالار مەن ءدامحانا­لاردا بانكەتتەر، تويلار، ەسكە الۋ جانە باسقا دا ۇجىمدىق جانە ەستە­لىك ءىس-شارالار وتكىزۋگە تى­يىم سالىندى.

بالاباقشالاردا سانى 15 ادام­­نان اسپايتىن كەزەكشى توپتار عانا جۇمىس ىستەيدى. ال مەم­­لەكەتتىك ۇيىمدار مەن جەكە كا­سىپ­ورىندارعا وندىرىستىك قا­جەت­­تىلىككە بايلانىستى قىز­مەت­­كەرلەردىڭ كەمىندە 80%-ىن قا­شىقتان جۇمىس ىستەۋ فورماتىنا كوشىرۋگە كەڭەس بەرىلدى.

سونداي-اق بريفينگتە وب­لىستىڭ باس مەملەكەتتىك ساني­تارلىق دارىگەرى تۇرعىنداردى 13 ءساۋىر مەن 12 مامىر ارالىعىندا وتەتىن قاسيەتتى رامازان ايىندا سانيتارلىق-كارانتيندىك تالاپتاردى قاتاڭ ساقتاۋعا شاقىردى.

ەسكە سالا كەتەتىن ءبىر جايت، قاراعاندى وبلىسىندا ءساۋىردىڭ 10-ى كۇنى تۇرعىنداردى ەرىكتى تۇردە جاپپاي ۆاكتسينالاۋ ناۋ­قانى باستالعان بولاتىن. قو­عامدىق دەنساۋلىق ساقتاۋ قىز­مەتىنىڭ باسشىسى بيبىگۇل تولە­گەنوۆا وڭىرگە 23 740 دوزا ۆاكتسينا جەتكىزىلگەنىن حابارلادى.

– الداعى ءۇش كۇندە تاعى 55 مىڭ دوزا تۇسەدى. بۇرىن 30 ەگۋ كابينەتى بار 13 ۆاكتسينا­لاۋ ور­تالىعى جۇمىس ىستەيتىن. قازىر ءبىز ۆاكتسينانى بىرتىندەپ ورتالىق اۋداندىق اۋرۋحانالارعا، اۋدان­دارعا جانە باسقا قالالارعا تاراتامىز. بارلىق قاراعاندىلىقتار تۇرعىلىقتى جەرى بويىنشا ەكپە الا الادى، – دەدى ول.

جاۋاپتى ماماننىڭ مالىم­دەمەسىنەن كەيىن، ياعني كەشە قا­­راعاندى مەديتسينا ۋنيۆەر­سيتە­تىندە ۆاكتسينالاۋ ورتالىعى اشى­لىپ، وقۋ ورنىنىڭ قىزمەت­كەر­لەرى جانە ولاردىڭ وتباسى مۇ­شەلەرى ەرىكتى تۇردە كۆي-گە قارسى ەكپە سالدىرا باستادى.

 

قاراعاندى وبلىسى

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

حوككەيشىلەر لاتۆياعا اتتاندى

حوككەي • بۇگىن، 07:30

ۇقساس جاڭالىقتار