ونلاين رەجيمدە وتكەن ۇكىمەت وتىرىسىندا 2021 جىلدىڭ I توقسانداعى الەۋمەتتىك-ەكونوميكالىق دامۋدىڭ نەگىزگى كورسەتكىشتەرى باياندالدى، دەپ حابارلايدى Egemen.kz.
ۇلتتىق ەكونوميكا ءمينيسترى اسەت ەرعاليەۆتىڭ ايتۋىنشا، شىمكەنت قالاسىنىڭ اۋىلشارۋاشىلىعى، ينۆەستيتسيا تارتۋ، قۇرىلىس، تۇرعىن ءۇيدى پايدالانۋعا بەرۋ كورسەتكىشتەرى بويىنشا قارقىندى ءوسۋ بايقالادى.
«كوپتەگەن وڭىرلەردە جوعارى ينۆەستيتسيالىق بەلسەندىلىك ساقتالۋدا. ونەركاسىپ نىساندارىن سالۋ مەن ءوندىرىس قۇرىلعىلارىن دامىتۋ ءىس-شارالارى ەسەبىنەن شىمكەنت قالاسىندا ءوسۋ بايقالادى. بۇل باعىتتا شىمكەنت قالاسى ەكىنشى ورىندا كەلەدى. ياعني، وتكەن جىلمەن سالىستىرعاندا 45،8 پايىزعا وسكەن.
بيىل قاڭتار-ناۋرىز ايىندا تۇرعىن ءۇيدى پايدالانۋعا بەرۋ بويىنشا ەڭ ۇزدىك كورسەتكىش (5،9 پايىز) شىمكەنت قالاسىندا بايقالدى»، دەدى ۇلتتىق ەكونوميكا ءمينيسترى.
سونىمەن قاتار، اۋىل شارۋاشىلىعى سەكتورى بويىنشا دا شىمكەنت قالاسى ەكىنشى ورىندا (5،5 پايىز) كەلەدى.
جيىندا وڭىرلەر بويىنشا قاڭتار-ناۋرىز ايىنداعى نەگىزگى كورسەتكىشتەر جاريا ەتىلدى. بەس كورسەتكىش بويىنشا التى ءوڭىر وڭ ناتيجەلەرگە قول جەتكىزگەن. ولار – اقمولا، اقتوبە، جامبىل، قاراعاندى، قوستاناي وبلىسى جانە شىمكەنت قالاسى.
سوڭعى جاڭالىقتار
مەملەكەت باسشىسى ەجي ستاراكپەن كەزدەستى
پرەزيدەنت • كەشە
پرەزيدەنت دەۆيد ليۆينگستوندى قابىلدادى
پرەزيدەنت • كەشە
مەملەكەت باسشىسى ازيا دامۋ بانكىنىڭ پرەزيدەنتىمەن كەزدەستى
پرەزيدەنت • كەشە
ۇقساس جاڭالىقتار
ونلاين 
