ايماقتار • 16 ناۋرىز، 2021

جامبىل وبلىسى جاسىل ايماققا اينالادى

37 رەت كورسەتىلدى

مەملەكەت باسشىسى قاسىم-جومارت توقاەۆ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا ەكولوگيا جانە بيولوگيالىق اركەلكىلىكتى قورعاۋ جونىندە ايتقان ەدى. پرەزيدەنت تاپسىرماسىن ورىنداۋ ماقساتىندا جامبىل وبلىسىندا الداعى بەس جىل ىشىندە 140 ميلليون ءتۇپ اعاش وتىرعىزىلاتىن بولدى. بۇل ورايدا، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى اسلان ورازبەكوۆ اۋقىمدى جۇمىستار تۋرالى اڭگىمەلەپ بەردى.

«پرەزيدەنت جولداۋىندا ايتىلعان رەسپۋبليكا بويىنشا وتىرعىزىلاتىن 2 ميلليارد اعاشتىڭ 140 ميلليون ءتۇبىن ءبىزدىڭ وڭىرىمىزدەگى ورمان قورىنا وتىرعىزۋ جوسپارلانىپ وتىر. اتالعان تاپسىرمانى كەزەڭ-كەزەڭىمەن ورىنداۋ ءۇشىن ارنايى جوسپار دا بەكىتىلگەن. تاپسىرمانى الداعى 5 جىلدا ورىنداۋ ءۇشىن جامبىل وبلىسى بويىنشا كەشەندى جوسپار 5 ەسەگە كوبەيتىلىپ، ەلىمىزدىڭ ورمان شارۋاشىلىعى كوميتەتىمەن كەلىسىلدى. وتىرعىزىلاتىن اعاشتارعا 79،4 مىڭ گەكتار ورمان قورى جەرلەرى دايىندالۋدا»، دەيدى اسلان ورازبەكوۆ. بۇدان بولەك، ەلدى مەكەن ىشىندە جانە ونىڭ اينالاسىنا وتىرعىزىلۋى ءتيىس 970 مىڭ ءتۇپ اعاشتى وتىرعىزۋدىڭ 5 جىلدىق جوسپارى دا بەكىتىلگەن. بۇل جۇمىستار باسقارمانىڭ باستاماسىمەن ورمان، جانۋارلار دۇنيەسى، سۋ قويمالارى، جەر قويناۋىن پايدالانۋ جانە ەكولوگيا سالالارىن دامىتۋدىڭ كەشەندى جوسپارىنا ەنگىزىلگەن. اسىرەسە، ورمان شارۋاشىلىعى سالاسى توڭىرەگىندە اتقارىلعان جۇمىس كوپ ەكەن. «بۇگىندە وڭىرىمىزدەگى ورمان قورىنىڭ جالپى كولەمى 4،4 ميلليون گەكتارعا تەڭ. وتكەن جىلى باسقارماعا قاراستى مەكەمەلەرمەن بىرلەسىپ ورمانعا اعاشتار 3054 گەكتارعا، سەكسەۋىل تۇقىمى 2750 گەكتارعا وتىرعىزىلدى. سونىمەن قاتار، جوسپار بويىنشا 49 گەكتارعا تۇقىمباق جاساقتالىپ، ءارتۇرلى قىلقان جاپىراقتى اعاش كوشەتتەرى وسىرىلۋدە. وتكەن جىلدىڭ كۇز ايىندا تۇقىمباق كولەمى 93 گەكتارعا ۇلعايتىلدى»، دەيدى باسقارما باسشىسى.

سوڭعى جاڭالىقتار

ۇقساس جاڭالىقتار