قازاقستان • 16 ناۋرىز، 2021

قوردايدا شەكارا ماڭى ىنتىماقتاستىعى ماسەلەسى تالقىلاندى

14 رەت كورسەتىلدى

قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى باقىت سۇلتانوۆ پەن قىرعىز ەلىنىڭ ەكونوميكا جانە قارجى ءمينيسترىنىڭ ورىنباسارى سۇلتان احماتوۆ قورداي اۋدانىنا كەلدى. ەكى ەلدىڭ سالا باسشىلارى جامبىل وبلىسىنىڭ اكىمى بەردىبەك ساپارباەۆپەن بىرگە اۋدانداعى «قاراسۋ» جانە «قورداي» باقىلاۋ-وتكىزۋ پۋنكتتەرىنىڭ قىزمەتىمەن تانىستى.

جۇمىس ساپارىنىڭ باستى ماقساتى – «قورعاس» سەكىلدى «قاراسۋ» باقىلاۋ-وتكىزۋ پۋنكتىنىڭ جانىندا «قورداي» شەكارا ماڭى ىنتىماقتاستىعى حالىقارالىق ورتالىعىنىڭ جوباسىن جۇزەگە اسىرۋعا دايىندىققا نەگىزدەلدى. «قاراسۋ» باقىلاۋ-وتكىزۋ پۋنكتى ارقىلى نەگىزىنەن جۇك كولىكتەرى وتەتىن بولسا، وسىعان وراي قازاقستاندىق بيلىك مۇندا ارنايى ۆيزالىق رەجيممەن شەكتەسەتىن مەملەكەتتەردىڭ ونەركاسىپتىك كووپەراتسياسى سەكىلدى دۇنيە قۇرۋعا نيەتتى ەكەن. سونداي-اق، قوسىمشا قۇنى جوعارى تاۋارلاردى وتكىزۋ دە بار. ەركىن ەكونوميكالىق ايماقتىڭ قاتىسۋشىلارىنا بىرقاتار جەڭىلدىكتەر مەن پرەفەرەنتسيالار بەرىلەدى. ماسەلەن، بەلگىلى ءبىر مەرزىمگە جەر ۋچاسكەلەرىن تەگىن بەرۋ، دايىن ينفراقۇرىلىمدى پايدالانۋ مۇمكىندىگى مەن كورپوراتيۆتىك تابىس سالىعىنان، م ۇلىك سالىعى مەن قوسىمشا قارجى سالىعىنان، جەر سالىعىنان بوساتۋ جانە تاعى باسقا جەڭىلدىكتەر قاراستىرىلعان. قازاقستاندىق تاراپتىڭ وسىنداي مۇمكىندىكتەرىن تانىستىرعان مينيستر باقىت سۇلتانوۆ قىرعىز مينيسترىنە شەكاراعا جاقىن ماڭدا 15 گەكتار مەملەكەتتىك جەر تەلىمى دايىن ەكەنىن، قاجەت بولعان جاعدايدا ونى 100 گەكتارعا دەيىن ۇلعايتۋعا بولاتىندىعىن ايتتى. بۇل راسىندا ماڭىزدى ارتىقشىلىق دەسەك بولادى. سەبەبى، جەكەمەنشىك يەلەرىنەن جەر تەلىمدەرىن ساتىپ الۋعا ۋاقىت پەن كۇش جۇمسالمايدى. ال، باقىلاۋ-وتكىزۋ پۋنكتىنىڭ عيماراتى شەكاراعا جاقىن جەرگە اۋىستىرىلىپ، ىرگەلەس اۋماققا اۋىر جۇك كولىكتەرىنە ارنالعان تۇراق سالىنادى. سونىمەن قاتار، قىرعىز مەملەكەتىندەگى شۋ وبلىسىنىڭ شەكارا ايماعىنداعى جەر تەلىمدەرى جەكەمەنشىكتە ەكەن. بۇل ورايدا، وسى جانە وزگە دە فاكتورلاردى ەسكەرە وتىرىپ، بەردىبەك ساپارباەۆ ىنتىماقتاستىق ورتالىعىن تولىعىمەن قازاقستان اۋماعىنا ورنالاستىرۋدى ۇسىندى. اتالعان ۇسىنىسقا وراي، سۇلتان احماتوۆ بۇل ماسەلە قىرعىز بيلىگى تاراپىنان جان-جاقتى تالقىلانىپ، ەكى-ءۇش كۇننەن كەشىكتىرىلمەي جاۋابى بەرىلەتىنىن ايتتى. ءوز كەزەگىندە باقىت سۇلتانوۆ جوبانىڭ قازاقستاندىق تۇجىرىمداماسى دايىن ەكەنىن، ونى ۋاقىت سوزباي كورشى ەلگە جولداي الاتىندارىن اتاپ ءوتتى.

بۇدان كەيىن ەكى ەلدىڭ سالا باسشىلارى جەكە ادامدار مەن جەڭىل كولىكتەردىڭ وتۋىنە ارنالعان قايتا جاڭعىرتىلعان «قورداي» باقىلاۋ-وتكىزۋ پۋنكتىنە ات باسىن باردى. بۇگىندە مۇندا قوزعالىس جولاقتارى ەكىدەن سەگىزگە دەيىن ۇلعايىپ، تەكسەرۋ كابينالارىنىڭ سانى 12-دەن 34-كە دەيىن ارتقان. ال، قۇرىلىستىڭ جالپى اۋدانى 4،9 مىڭ شارشى مەترگە جەتكەن. ەگەر بۇرىن جاياۋ جۇرگىنشىلەردى وتكىزۋ مۇمكىندىگى تاۋلىگىنە 6000 ادامنان اسپاعان بولسا، ول قازىر 25 مىڭعا دەيىن جەتكەن. ال، شەكارادان وتەتىن اۆتوكولىكتەر سانى تاۋلىگىنە 2،5 مىڭعا دەيىن وسكەن. ءىرى كولەمدى كولىكتەرگە، سونىڭ ىشىندە نەگىزىنەن جولاۋشىلار اۆتوبۋستارىنا ارنالعان تەكسەرۋ كەشەنى جۇمىس ىستەيدى. ول ءۇشىن ءبىر كولىككە بەس مينۋت كولەمىندە ۋاقىت جۇمسالادى. ال، زاماناۋي قوندىرعىلار ساعاتىنا 700 دانا قول جۇگىن سكانەرلەۋگە قابىلەتتى.

 

جامبىل وبلىسى

سوڭعى جاڭالىقتار

ۇقساس جاڭالىقتار