پارلامەنت • 12 ناۋرىز، 2021

سەناتتا ورگانيكالىق ءوندىرىس سالاسىن دامىتۋ ماسەلەلەرى تالقىلاندى

12 رەت كورسەتىلدى

ەلىمىزدە ورگانيكالىق ءوندىرىس ورىندارى نەگە دامىمايدى؟ سالاعا قانداي زاڭنامالىق قولداۋ قاجەت؟ بۇل سالاعا حالىقارالىق تاجىريبە قالاي سەرپىن بەرە الادى؟ بۇگىن سەناتتا ورگانيكالىق ءونىم ءوندىرىسىن زاڭنامالىق رەتتەۋگە ارنالعان كەزدەسۋگە قاتىسۋشىلار وسى جانە وسىعان قاتىستى وزگە دە ماسەلەلەردى تالقىلادى.

سەناتتىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ مۇشەلەرى، بىرقاتار مينيسترلىكتەردىڭ باسشىلارى، عىلىم، قاۋىمداستىقتار مەن حالىقارالىق ۇيىمداردىڭ وكىلدەرى وسى ماسەلە بويىنشا وزدەرىنىڭ ساراپتامالىق پىكىرلەرىن ورتاعا سالدى.

ورگانيكالىق ءونىم وندىرۋشىلەردىڭ ءتىزىلىمىن جۇرگىزۋ، ءوندىرىسى مەن اينالىم ەرەجەلەرىن، سونداي-اق ونى وندىرۋدە قولدانىلاتىن رۇقسات ەتىلگەن قۇرالداردىڭ ءتىزىمىن بەلگىلەيتىن "ورگانيكالىق ءوندىرىس تۋرالى" زاڭ 2015 جىلى قابىلدانعان بولاتىن. الايدا، سالالىق كوميتەتتىڭ وكىلى ءالي بەكتاەۆتىڭ ايتۋىنشا، بۇل باعىت الەۋەتى مەن پەرسپەكتيۆالارىنا قاراماستان، ءتيىستى دەڭگەيدە دامي العان جوق.

«نەگىزگى پروبلەمالاردىڭ ءبىرى وسى سالاداعى زاڭنامانىڭ جەتىلدىرىلمەۋى، ورگانيكالىق ءونىمدى جانە ونى ءوندىرۋدى سەرتيفيكاتتاۋدىڭ ۇلتتىق جۇيەسى مەن ورگانيكالىق ءونىمدى بىرىڭعاي تاڭبالاۋ ينستيتۋتىنىڭ بولماۋى بولىپ وتىر. وسى جانە باسقا دا فاكتورلار سالاداعى بيزنەستى دامىتۋعا نيەت بىلدىرۋشىلەرگە تۇساۋ بولۋدا»، دەدى ءالي بەكتاەۆ.

سەناتور اقىلبەك كۇرىشباەۆ ءوز كەزەگىندە ورگانيكالىق ءوندىرىس جونىندەگى ەو رەگلامەنتىمەن جانە باسىم وتكىزۋ نارىقتارىنىڭ شەتەل مەملەكەتتەرىنىڭ ستاندارتتارىمەن بالامالى ۇلتتىق ستاندارتتاردى ازىرلەۋ قاجەتتىگىن اتاپ ءوتتى.

«ورگانيكالىق ءونىم ءوندىرىسى مەن اينالىمىن ەسەپكە الۋ مەن قاداعالاۋدىڭ قازىرگى زامانعى جۇيەسىن ەنگىزۋ، قازاقستاننىڭ ورگانيكالىق ءوندىرىسىنىڭ بىرىڭعاي ينتەرنەت-پورتالىن قۇرۋ، ورگانيكالىق وسىمدىك شارۋاشىلىعىنا جارامدى تۇقىمدار مەن وتىرعىزۋ ماتەريالدارىنىڭ ءتىزىلىمىن جاساۋ قاجەت»، دەدى اقىلبەك كۇرىشباەۆ.

اۋىل شارۋاشىلىعى ءمينيسترىنىڭ ورىنباسارى نۇربەك دايىربەكوۆ قازىر ورگانيكالىق ءونىم ءوندىرۋ جانە ونىڭ اينالىمى سالاسىنداعى ۇلتتىق زاڭنامانى جاقسارتۋ، اتاپ ايتقاندا، ۇلتتىق جانە حالىقارالىق ستاندارتتارعا سايكەس ەكولوگيالىق تازا ورگانيكالىق ءونىمنىڭ سايكەستىگىن راستاۋ جانە باقىلاۋ جونىندەگى ۇلتتىق ورگانداردى قۇرۋ جانە تىركەۋ جونىندەگى شارالار پىسىقتالىپ جاتقانىن ايتتى.

ساۋدا جانە ينتەگراتسيا ءمينيسترىنىڭ ورىنباسارى ەرجان قازانباەۆ ورگانيكالىق ونىمدەردى تەحنيكالىق رەتتەۋ جانە ەكسپورتتاۋ ماسەلەلەرى تۋرالى كەزدەسۋ قاتىسۋشىلارعا ايتىپ بەردى. ول سونداي-اق قازاقستاندىق برەندتەردى نىسانالى نارىقتارعا ىلگەرىلەتۋ جونىندەگى جۇمىستار تۋرالى جانە ورگانيكالىق ءونىم ءوندىرۋ پروتسەستەرىنىڭ سايكەستىگىن راستاۋ جونىندەگى ساراپشى-اۋديتورلارعا قويىلاتىن رۇقسات بەرۋ تالاپتارىن بەكىتۋ جونىندەگى شارالار تۋرالى ەسەپ بەردى.

دوڭگەلەك ۇستەل بارىسىندا ايتىلعان ۇسىنىستار كەيىننەن مۇددەلى تاراپتارعا جىبەرىلەتىن ۇسىنىمداردا كورىنىس تاباتىن بولدى. سەنات دەپۋتاتتارى سونىمەن قاتار اعىمداعى جىلى ورگانيكالىق ءونىم ءوندىرۋ ماسەلەلەرى جونىندەگى زاڭ جوباسىن ازىرلەۋ جونىندە باستاما جاساۋدى جوسپارلاپ وتىر.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار