ايماقتار • 11 ناۋرىز، 2021

مۇمكىندىك تولىق پايدالانىلماي وتىر

10 رەت كورسەتىلدى

بۇگىندە جامبىل وبلىسى تۇرعىندارىنىڭ ءجيى كوتەرەتىن ماسەلەسى باسپانا بولىپ وتىر. اكىمدەردىڭ ەسەپتى كەزدەسۋىندە بولسىن، جەكە قابىلداۋلاردا بولسىن، ءتىپتى الەۋمەتتىك جەلىلەردە بولسىن، كوپتەگەن تۇرعىننىڭ كوتەرىپ جۇرگەن وزەكتى ماسەلەسى وسى.

وڭىردە جىل سايىن جەرگىلىكتى جۇرتشىلىقتى تۇرعىن ۇيمەن قامتۋ ءتيىستى دەڭگەيدە جۇزەگە اسىرىلىپ كەلە جاتقانىمەن، ءالى دە مىڭداعان ازاماتتار باسپانا كەزەگىندە تۇر. ماسەلەن، بىلتىر وبلىستا 618 مىڭ شارشى مەتر تۇرعىن ءۇي پايدالانۋعا بەرىلدى. ونىڭ ىشىندە 155 مىڭ شارشى مەتر كوپپاتەرلى ءۇي، 463 مىڭ شارشى مەتر جەكە ءۇي بار. مۇنىڭ تاعى ءبىر سەبەبى، بىلتىر وڭىردە پاتەرلەرگە قاراعاندا جەكە ۇيلەر كوپ سالىنعان. بۇل كورسەتكىش كەزەكتە تۇرعانداردىڭ ماسەلەسىن شەشىپ بەرە المايدى. سوندىقتان ايماقتا باسپانا ماسەلەسى تالاي جىلدان بەرى كۇن تارتىبىنەن تۇسپەي كەلەدى.

قازىرگى كەزدە تۇرعىنداردىڭ باس­پانالى بولۋى ءۇشىن مەملەكەت تاراپىنان بارلىق جاعداي جاسال­عان. جامبىل وبلىستىق قۇرىلىس باسقارماسىنىڭ باسشىسى جايىق­باي شالداروۆتىڭ ايتۋىنشا، اعىم­داعى جىلى 721 مىڭ شارشى مەتر تۇر­عىن ءۇي پايدالانۋعا بەرىلەدى. بىراق وبلىس اكىمى بەردىبەك ساپار­باەۆ پاتەر الۋ ءۇشىن مەملەكەتتىك باع­دار­لامالاردىڭ بەرەر مۇمكىندىگى مول بولعانىمەن، بۇگىندە ونىڭ دا تولىق كولەمدە پايدالانىلماي وتىرعانىن ايتقان. مالىمەتكە سۇيەنسەك، جامبىل وبلىسى «7-20-25» باعدارلاماسى شەڭبەرىندە راسىمدەلگەن نەسيەلەر سانى بويىنشا ەلىمىزدەگى ايماقتاردىڭ ىشىندە 14-ورىندا تۇر ەكەن. ال تالاي جىلدان بەرى تۇرعىن ءۇي كەزەگىندە تۇرعان باسپاناعا مۇقتاج ءاربىر تۇرعىن كۇن وتكەن سايىن جاقسىلىقتان ءۇمىتتى.

بۇل رەتتە ماماندار نە دەيدى؟ ۇلت­تىق بانكتىڭ وبلىستىق فيليالى­نىڭ باسشىسى ەۆگەني شارىگين اۋەلى الەۋەتتى ساتىپ الۋشىلاردى انىقتاپ الىپ، سودان كەيىن عانا تۇرعىن ءۇي قۇرىلىسىن جۇزەگە اسىرۋ كەرەك دەگەن پىكىردە. سونىمەن قاتار، «وتباسى بانكى» اق تاراز قالالىق فيليالىنىڭ ديرەكتورى گۇلزات بەكنازاروۆانىڭ ايتۋىنشا، «شاڭىراق» باعدارلاماسىن جۇزەگە اسىرۋ بويىنشا وبلىس 8-ورىندا تۇر ەكەن. ال «باقىتتى وتباسى» باعدارلاماسى شەڭبەرىندە وتكەن جىلى 357 وتباسى باسپانالى بول­عان. «وتباسى بانكى» بازاسىندا تۇر­عىن ۇيمەن قامتاماسىز ەتۋ جونىن­دەگى ورتالىق قۇرىلدى. اتالعان ورتا­لىق تۇرعىن ءۇي ساتىپ الۋعا نيەتتى ادامداردىڭ ەسەبىن جۇر­گىزۋمەن اينالىسادى. حالىقتىڭ الەۋمەتتىك وسال توپتارىنان كەزەكتە تۇرعانداردى جەكە جالعا بەرىلەتىن تۇرعىن ءۇيدى سۋبسيديالاۋ تەتىگى ارقىلى باسپانامەن قامتاماسىز ەتۋ جوسپارلانۋدا. ال مەملەكەتتىك قىز­مەتشىلەر مەن بيۋدجەتتىك مەكەمە قىز­مەتكەرلەرى قاتارىنداعى كەزەكتە تۇر­عاندار پاتەردى جەڭىلدەتىلگەن زايم ارقىلى ساتىپ الادى»، دەيدى ول.

سونداي-اق، گۇلزات بەكنازاروۆا اعىمداعى جىلدىڭ قاڭتار ايىندا تاراز قالاسىنداعى جاڭا تۇرعىن ءۇي باعاسىنىڭ ءۇش پايىزعا وسكەنىن ايتتى. بۇگىندە مۇنداي ءوسىم رەسپۋبليكانىڭ بارلىق ءىرى قالالارىندا بايقالادى. ال قايتالاما نارىقتاعى تۇرعىن ءۇي باعاسى دا بەس پايىزعا ارتقان. بىراق بۇل جامبىلدىقتاردىڭ مەملەكەتتىڭ قولداۋىنسىز جەكە باسپانالى بولۋىن ودان ءارى قيىنداتا تۇسكەن. سونىمەن قاتار، قىزمەتكەرلەرى ءۇشىن ءوز ەسەبىنەن تيپتىك جوبا بويىنشا تۇرعىن ءۇي سالاتىن اۋىلدىق جۇمىس بەرۋشىلەردىڭ شىعىندارىنىڭ ءبىر بولىگىن سۋبسيديالاۋ تەتىگىنىڭ ازىرلەنۋ بارىسى دا ءالسىز بولىپ تۇر. «بۇگىنگى تاڭدا بار-جوعى 43 شارۋا قوجالىعىنان 109 عانا ۇسىنىس ءتۇستى. ارينە، بۇل ماردىمسىز كورسەتكىش. بۇل رەتتە اۋدان اكىمدەرى جۇمىس بەرۋشىلەرمەن تۇسىندىرمە جۇمىستارىن تيىسىنشە جۇرگىزە الماي وتىر»، دەيدى ج.شالداروۆ.

جەرگىلىكتى تۇرعىنداردى باسپانامەن قامتۋ بيىلمەن توقتاپ قال­مايدى. ءالى تالاي مىڭداعان شار­شى مەتر تۇرعىن ءۇي سالىنىپ، پايدا­لانۋعا بەرىلەدى. دەگەنمەن، بۇل تۇر­عى­دا دا ءۇي الۋدىڭ تۇرعىندار ءۇشىن ءتيىمدى جاعى قارالىپ، مەملەكەتتىك باع­دا­ر­لامالاردى پايدالانۋ ماسەلە­سىنىڭ ويداعىداي بولعانى دۇرىس-اق.

 

جامبىل وبلىسى

 

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار