ايماقتار • 11 ناۋرىز، 2021

احۋال وڭالىپ كەلەدى

42 رەت كورسەتىلدى

پاۆلودار وبلىستىق دەنساۋلىق ساقتاۋ باسقارماسىنىڭ مالىمەتىنشە، قازىر ءوڭىرىمىز «سارى ايماقتا»، ياعني ىندەتپەن اۋىرعانداردىڭ سانى ازايىپ كەلەدى. ونىڭ ءبىر سەبەبى ىندەتكە قارسى جۇرگىزىلگەن ەكپە ەپيدەميالىق احۋالدىڭ جاقسارۋىنا اسەر ەتتى. ال ىندەت جۇقتىرۋشىلار سانىنىڭ ازايۋى – شەكتەۋ شارالارىن جەڭىلدەتۋگە مۇمكىندىك بەرەدى.

وتكەن اپتادا وبلىستا 2 246 ادام پتر-تەست تاپسىرعان. ونىڭ ىشىندە 81 ناۋقاستان ىندەت انىق­تالىپ، 66 ەمدەلۋشى سيمپ­تومدى ءتۇرىن جۇقتىرسا، 15 ادام سيم­پ­توم­سىز ۆيرۋسپەن اۋىرۋدا. قازىر­گى ۋاقىتتا 493 ناۋقاس ستاتسيو­نار­دا ەم قابىلداۋدا،

1 238 ادام امبۋلاتورلىق دەڭ­گەيدە. ال ين­فەك­تسيالىق گوسپي­تالدىڭ جۇك­­تە­­مەسى 30،8 پايىزدى قۇرا­سا، جان­­ساقتاۋ ءبولىمىنىڭ جۇكتە­مەسى 19 پا­يىزعا تەڭ. ىندەت جۇقتىر­عان­­دار­دىڭ ىشىندە 82 بالا بار، 11 ءجاس­­وسپىرىم ستاتسيو­ناردا ەم الۋدا.

– وڭىردە ۆاكتسينالاۋدىڭ ەكىنشى كەزەڭى جۇرگىزىلۋدە. ۆاكتسي­نا ەگۋدىڭ ءبىرىنشى كەزەڭىن­دە 1 200 ادام ەكپە قابىلدادى. ولاردىڭ اراسىندا كەرى اسەرى بايقالعاندار جوق. ناۋرىز ايىندا 2 760 ادامعا ەكپە سالىنادى دەپ جوسپارلانۋدا. بۇل ءۇشىن وڭىردە 107 ەگۋ كابينەتى دايىندالىپ، 1 125 دارىگەر ارنايى وقۋدان ءوتتى. قازىر ەكپە ەگۋ بارىسى ءوز دەڭگەيىندە جۇرگىزىلىپ جاتقاندىقتان، ناۋرىز ايىندا جاعداي قالىپتى بولادى دەگەن ويدامىز، – دەدى وڭىرلىك كوممۋنيكاتسيالار قىزمەتىندە وتكەن ونلاين بريفينگتە وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ساۋلە ارىستانوۆا.

وسى ءبىر جىل ىشىندە 430 جۇكتى ايەل كۆي بەلگىلەرىمەن، 227 جۇكتى ايەل پنەۆمونيامەن ەسەپكە الىنعان. قازىر 15 جۇكتى ايەل ىندەتپەن، 1 ايەل پنەۆمونيامەن ستاتسيوناردا ەم قابىلداۋدا.

جالپى وبلىسقا رەسەيلىك «سپۋتنيك V» پرەپاراتىنىڭ 80 مىڭ دوزاسى بولىنگەن. بۇل كۇندەرى بەكىتىلگەن كەستەگە سايكەس، مۇعالىمدەر، العاشقى كەزەڭدە ەكپە الماعان دارىگەرلەر ۆاكتسينا سالدىرۋدا. ءوز ەركىمەن ۆاكتسينا قابىلداعىسى كەلەتىن تۇرعىندارعا دا مۇمكىندىك بەرىلەدى، تەگىن الادى.

س.ارىستانوۆانىڭ ايتۋىنشا، ىندەتتى قايتادان جۇقتىرعان جاعداي تىركەلمەگەن. ويتكەنى قايتا جۇقتىرۋدى قاداعالاۋ مۇمكىن ەمەس. مىسالى، ءبىرىنشى تولقىن كەزىندە اۋرۋ بەلگىلەرى بولعان ناۋقاستاردىڭ بارلىعى بىردەي پتر زەرتتەۋ جاساي الماعان. وبلىس ورتالىعىندا ءبىر عانا زەرتحانا بولدى.

قازىر وبلىستىڭ باس سانيتار­لىق دارىگەرىنىڭ قاۋلىسىنا وراي بىرقاتار شەكتەۋ جەڭىل­دەدى. بىراق الداعى ايلارعا قان­داي مۇم­كىندىك بەرىلەدى، ءالى بەلگى­سىز. مونشا، شاشتارازدار، ساۋ­دا ورىن­دارى، بازارلار جۇمىس ىس­­تەۋدە. قالا ىشىندەگى كولىك­تەر ءوز با­عىتتارىندا قاتى­ناپ ءجۇر. كي­نو­تەاترلار قىزمەتى­نە رۇقسات بە­رىلدى. كو­رەر­مەندەر اراسىنداعى اراقا­شىق­ ساقتالادى.

قازىر وبلىس مەكتەپتەرىندەگى باستاۋىش جانە 5-سىنىپتاردا قۇرىلعان كەزەكشى توپتار ەندى ارالاس وقۋ جۇيەسىنە كوشتى. ياعني ساباقتىڭ 70 پايىزىن مەكتەپتە، 30 پايىزىن ۇيدە وقۋدا. وبلىستىق ءبىلىم بەرۋ باسقارماسىنىڭ ءبولىم باسشىسى جانات اسايىنوۆانىڭ ايتۋىنشا، قازىر 300-گە دەيىنگى وقۋشىسى بار 236 مەكتەپ جۇمىس ىستەپ جاتىر. ال ودان ارتىق وقۋشىسى بار مەكتەپتەر ارالاس جۇيەگە كوشتى.

تويدىڭ ازايۋى دا ىندەتتىڭ بەتى قايتۋىنا اسەر ەتتى. وبلىس ورتالىعىنداعى بىرنەشە مەيرامحانا «وتباسىلىق كيىمدەر»، «ويىنشىقتار»، «الەۋمەتتىك ارزان ازىق-ت ۇلىك» دۇكەندەرىنە اينالدى.

 

پاۆلودار وبلىسى

 

سوڭعى جاڭالىقتار

ەكونوميكادا وڭ سەرپىن بار

ساياسات • بۇگىن، 08:32

التىن وڭدەيتىن الىپ كەشەن

ەكونوميكا • بۇگىن، 08:30

جىلقى ەتى تۇسىڭە كىرەدى...

ەكونوميكا • بۇگىن، 08:27

ادامزات تراگەدياسى

تانىم • بۇگىن، 08:23

مەيىرىم شۋاعى

قوعام • بۇگىن، 08:15

اۋىلدا بالا كوپ، ۇيىرمە از

قازاقستان • بۇگىن، 07:59

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار