الەم • 07 ناۋرىز، 2021

اقش-تا COVID-19-قا قارسى 2،9 ميلليون ۆاكتسينا سالىندى

16 رەت كورسەتىلدى

سوڭعى تاۋلىكتە اقش-تا COVID-19-قا قارسى 2،9 ميلليون ۆاكتسينا جاسالعانىن ەل پرەزيدەنتتىڭ اعا كەڭەسشىسى ەندي سلەۆيت مالىمدەدى.

ونىڭ ايتۋىنشا، بۇل ۆاكتسيناتسيا باستالعاننان بەرگى ماكسيمالدى مولشەرى. 328 ميلليون تۇرعىنى بار مەملەكەت كوروناۆيرۋستى جۇقتىرعاندار (29 ميلليونعا جۋىق) مەن ءولىم جاعدايلارى (524 مىڭنان استام) بويىنشا الەمدە كوش باستاپ تۇر.

پولشادا سوڭعى اپتادا كوروناۆيرۋس جۇقتىرعاندار سانى 23% -عا ءوستى. ەل بيلىگى ىندەتتىڭ ءۇشىنشى تولقىنىنىڭ باستالعانى تۋرالى ايتۋدا. سەنبى كۇنى پولشانىڭ دەنساۋلىق ساقتاۋ مينيسترلىگى ءبىر تاۋلىكتە 14 800 كوۆيد-19 وقيعاسى جانە 245 ءولىم جاعدايى تىركەلگەنىن حابارلادى. سونىمەن قاتار، ەلدە كوروناۆيرۋستىڭ سالدارىنان اۋرۋحاناعا تۇسكەندەردىڭ سانى سوڭعى جەتى كۇندە 16% -عا ارتتى.

چەحياداعى كوروناۆيرۋسقا قاتىستى جاعداي كۇردەلى كۇيىندە قالۋدا، ەل Covid-19 جۇقتىرعاندار كورسەتكىشى بويىنشا ەۋروپالىق وداقتا كوش باستاپ تۇر (1 ميلليون تۇرعىنعا شاققاندا 115،7 مىڭ ادام). كارلوۆى ۆارى اكىمدىگىنىڭ وكىلى يان كوپالانىڭ ايتۋىنشا، ايماقتا كوروناۆيرۋستىڭ «بريتاندىق» شتامى باسىم - بۇل ينفەكتسيانىڭ جاڭا جاعدايلارىنىڭ 80% -ىندا انىقتالعان.

يزرايلدە لوكداۋندى الىپ تاستاۋدىڭ ءۇشىنشى كەزەڭى باستالادى. ۆاكتسينانىڭ ەكى دوزاسىمەن ەگىلگەنىن جانە سوڭعى ينەكتسيادان كەيىن كەم دەگەندە ءبىر اپتا وتكەنىن راستايتىن «جاسىل پاسپورتتاردىڭ» يەلەرى ءۇشىن كوپتەگەن شەكتەۋلەر جەڭىلدەتىلدى. ۆاكتسيناتسيالانعان يزرايلدىكتەر كافەلەر مەن مەيرامحانالاردىڭ ىشىندە دە، ۆەراندادا دا وتىرا الادى. سونداي-اق، قوناق ۇيلەر COVID-19-قا قارسى ۆاكتسيناتسيا العاندارعا بارلىق قىزمەت تۇرلەرىن ۇسىنا الادى.

گەرمانيادا سولتۇستىك رەين - ۆەستفاليا فەدەرالدى جەرى سلوۆاكيادان COVID-19 بار ون ناۋقاستى قابىلدايدى. حالىقتىڭ جالپى سانىنا شاققاندا، سلوۆاكيادا كوروناۆيرۋستىق ينفەكتسيادان قايتىس بولعاندار سانى بويىنشا الەمدەگى ەڭ جوعارى كورسەتكىش كورسەتىپ وتىر.

پاراگۆاي بيلىگى ەلدە COVID-19 ناۋقاستارىن ەمدەۋگە ارنالعان ءدارى-دارمەكتەر جەتىسپەيتىنىن جانە مەملەكەتتىك اۋرۋحانالارداعى رەانيماتسيا بولىمشەلەرىندەگى بارلىق توسەك-ورىندار بوس ەمەس ەكەنىن مالىمدەدى. 7 ميلليون تۇرعىنى بار پاراگۆايدا 166 مىڭعا جۋىق ادام ىندەتتى جۇقتىرعان، 3 300-گە جۋىق ناۋقاس قايتىس بولعان.
 
سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار