ايماقتار • 07 ناۋرىز، 2021

سالعىرت قۇرىلىس كومپانيالارىن قارا تىزىمگە ەنگىزەمىز - التاي كولگىنوۆ

18 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا جۇمىسىنا سالاقتىق تانىتقان قۇرىلىس قومپانيالارى قارا تىزىمگە ەنگىزىلەتىنىن ءمالىم ەتتى، دەپ حابارلايدى ەلوردا اكىمدىگىنىڭ رەسمي سايتى.

«بۇگىن ەسىل اۋدانىنداعى بىرقاتار الەۋمەتتىك نىسان قۇرىلىسىمەن تانىستىم. جەڭىلدىكپەن بەرىلەتىن باسپانا سالۋ رەكوردىن بيىل دا قايتالاۋ ءۇشىن، العىشارتتارىن بىلتىر-اق دايىنداعان ەدىك. بىرنەشە الەۋمەتتىك باسپانا عيماراتى سالىناتىن وسى اۋداندا 2 مىڭ وقۋشىعا شاقتالعان مەكتەپ تە سالىنىپ جاتىر، وسىلايشا، ەكى اۋىسىمدا وقيتىن قوسىمشا 4 مىڭ وقۋشى قامتىلادى.

قۇرىلىس قارقىنىن باسەڭدەتپەۋدى، ۇيلەر مەن وقۋ نىساندارىنىڭ ساپاسىن ەرەكشە نازاردا ۇستاۋدى تاپسىردىم. سالعىرت قۇرىلىسشىلارمەن كەلىسىمدى ءۇزىپ، قارا تىزىمگە كىرگىزەتىن بولامىز.

بيىل، شامامەن 10 مىڭ - جەڭىلدىكپەن بەرىلەتىن باسپانا تاپسىرامىز دەپ جوسپارلاپ وتىرمىز. سالىستىرۋ ءۇشىن: جەڭىلدىكپەن 2018 جىلى - 1 100 پاتەر، 2019 جىلى – 2 900، ال 2020 جىلى - 7 مىڭنان استام الەۋمەتتىك باسپانا بەرىلگەن ەكەن. مەملەكەت باسشىسىنىڭ نۇسقاۋىمەن جەڭىلدىكپەن بەرىلەتىن باسپانا قۇرىلىسىن جۇيەلى تۇردە ارتتىرىپ جاتىرمىز.

ءبىلىم وشاقتارىنىڭ قۇرىلىسىنا كەلەتىن بولساق، بيىل بارلىعى 40 مىڭ ورىنعا مەكتەپتەر اشامىز. بۇل بىلتىرمەن سالىستىرعاندا ەكى ەسەگە، ال 2019 جىلمەن سالىستىرعاندا - ءتورت ەسە كوپ.

ەندى مەكتەپتەردى گاباريتتى ەتىپ سالۋعا كوشپەكپىز. بۇعان قوسا، 5-جىلدىق كەشەندى جوسپارعا سايكەس مەملەكەتتىك 50 مەكتەپ سالامىز. ءبىلىم وشاقتارىنىڭ قۇرىلىسىنا جەكە ينۆەستيتسيا دا تارتىلىپ جاتىر»، دەيدى قالا اكىمى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار