ايماقتار • 06 ناۋرىز، 2021

نۇر-سۇلتاندا 2000 مىڭنان استام وتباسىعا ازىق-ت ۇلىك سەبەتى تابىستالادى

26 رەت كورسەتىلدى

نۇر-سۇلتان قالاسى اكىمدىگىنىڭ باستاماسىمەن «يگى ىستەر مارافونى» اياسىندا 8 ناۋرىز مەرەكەسى قارساڭىندا حالىقتىڭ الەۋمەتتىك وسال توپتارىنا ازىق-ت ۇلىك سەبەتتەرى تاراتىلا باستادى، دەپ حابارلايدى ەلوردا اكىمدىگىنىڭ رەسمي سايتى.

ەلوردادا 6-9 ناۋرىز ارالىعىندا «يگى ىستەر مارافونى» اياسىندا 2 مىڭنان استام ازىق-ت ۇلىك سەبەتىن تاراتۋ جوسپارلانعان. ءار وتباسىعا ءبىر سەبەتتەن بەرىلەدى. ولاردىڭ ارقايسىسىنىڭ سالماعى 25-27 كەلى. ىشىندە جارما، ماكارون، كۇنباعىس مايى، كۇرىش، قاراقۇمىق، قانت، شاي، ۇن، ءتۇرلى تاتتىلەر، بالالارعا ارنالعان كامپيتتەر، سول سياقتى كىر جۋعىش ۇنتاق، سابىن، سۋسابىن سەكىلدى تۇرمىستىق حيميانىڭ 20-عا جۋىق ءونىمى بار.

ء«بىز بارلىق مۇقتاج ازاماتتارعا ارنايى ءتىزىم بويىنشا ازىق-ت ۇلىك سەبەتتەرىن تاراتا باستادىق. ولاردىڭ قاتارىندا قارتتار، I، II، III توپتاعى مۇگەدەكتەر، مۇگەدەك بالالاردى تاربيەلەپ وتىرعان وتباسىلار، جالعىز باستى انالار، كوپبالالى وتباسىلار بار. اكتسيا اياسىندا 6-9 ناۋرىز ارالىعىندا ءبىز 2 مىڭ وتباسىعا كومەكتەسۋدى جوسپارلاپ وتىرمىز. مۇنداي شارالار كەشەنى ناۋرىز ايىنىڭ سوڭىنا دەيىن جالعاسادى. ال ايدىڭ سوڭىنا دەيىن ءبىز ودان دا كوپ وتباسىن قامتۋدى جوسپارلاپ وتىرمىز. بۇل شاراعا ءتۇرلى ۇيىمدار دەمەۋشىلىك ەتەدى. بۇل سەبەتتەردى ۇيلەرگە اكىمدىك قىزمەتكەرلەرى، پارتيا وكىلدەرى، قاراپايىم ازاماتتار، ەرىكتىلەر جەتكىزەدى. ءبىز وسى اكتسيانى قولداۋعا، ازىق-ت ۇلىك سەبەتىن قالىپتاستىرۋعا جانە ونى مۇقتاج وتباسىلارعا جەتكىزۋگە بارلىق ادامداردى شاقىرامىز»، دەدى ەلوردانىڭ ىشكى ساياسات باسقارماسىنىڭ باسشىسى داۋرەن بابامۇراتوۆ.

«Nur Otan» پارتياسى ەلوردالىق فيليالى توراعاسىنىڭ ءبىرىنشى ورىنباسارى داۋلەت كارىبەكتىڭ ايتۋىنشا، كومەك ەلوردانىڭ بارلىق ءتورت اۋدانىندا تۇراتىن وتباسىلارعا كورسەتىلەدى.

ءوز كەزەگىندە مەرەكەلىك سەبەت العان ەلوردا تۇرعىنى يرينا رەۆۋتسكايا العىسىن ءبىلدىرىپ، بارلىق ايەلدەردى كەلە جاتقان 8 ناۋرىز مەرەكەسىمەن قۇتتىقتادى.

«قۇتتىقتاپ كەلگەندەرىڭىزگە كوپ راحمەت. «Nur Otan» مەن اكىمدىك، مەن سىزدەردىڭ ادامدارعا كومەكتەسىپ جاتقاندارىڭىزعا وتە قۋانىشتىمىن. ارينە، ودان دا كوبىرەك كومەك بولسا دەيمىز. ءبىزدى – ايەلدەردى، ەر ادامداردى دا ەشكىم ۇمىتپاسىن. ايەلدەردى 8 ناۋرىز مەرەكەسىمەن قۇتتىقتايمىن. ەرلەر ايەلدەرگە كوبىرەك كوڭىل ءبولسىن. ءبارى جاقسى بولسىن. ەڭ باستىسى، بارىنە دەنساۋلىق پەن ساتتىلىك تىلەيمىن. وسىلاي مەرەكەلەردە كەلىپ تۇراسىزدار. سىزدەرگە مىڭ العىس»، دەدى يرينا رەۆۋتسكايا.

مەرەكەلىك سەبەتكە يە بولعان وزگە تۇرعىندار دا ريزاشىلىقتارىن ءبىلدىرىپ جاتتى. بۇگىن، ياعني 6 ناۋرىز كۇنى ازىق-ت ۇلىك سەبەتتەرى 1 مىڭنان استام وتباسىعا جەتكىزىلدى، وزگەلەرىنە جاقىن كۇندەرى تاراتىلاتىن بولادى. ءىس-شارا بارىسىندا سانيتارلىق نورمالار تولىقتاي ساقتالادى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار