ايماقتار • 06 ناۋرىز، 2021

ەلوردانىڭ دوستىق ۇيىندە 8 ناۋرىزعا وراي قايىرىمدىلىق اكتسياسى ءوتتى

10 رەت كورسەتىلدى

حالىقارالىق ايەلدەر كۇنىنە وراي جانە "يگى ىستەر مارافونى" اياسىندا ەلوردالىق دوستىق ۇيىندە "احىسكا" تۇرىك ەتنومادەني ورتالىعى نۇر-سۇلتان قالاسى قازاقستان حالقى اسسامبلەياسىنىڭ قولداۋىمەن مەرەكەلىك ءىس-شارا وتكىزدى، دەپ حابارلادى قالا اكىمدىگىنىڭ رەسمي سايتى.

وسىمەن ونىنشى جىل وتكىزىلىپ كەلە جاتقان ءىس-شارا بيىل تاۋەلسىزدىكتىڭ 30 جىلدىعىنا ارنالعان "30 يگى ءىس" اكتسياسى اياسىندا ۇيىمداستىرىلدى.

ءىس-شارا قوعام نازارىن زاعيپ جانداردىڭ پروبلەمالارىنا اۋدارۋعا باعىتتالعان. جينالعان ايەلدەردى حالىقارالىق ايەلدەر كۇنىمەن "قازاق زاعيپتار قوعامى" قوعامدىق بىرلەستىگىنىڭ باسشىسى ەرعالي بۇحاروۆ قۇتتىقتادى.

قايىرىمدىلىق اكتسياسى بارىسىندا كونتسەرتتىك باعدارلاما ۇيىمداستىرىلىپ، گۇلدەر مەن 50 ەستەلىك سىيلىق تابىس ەتتى. ونىڭ ارقايسىسىندا جەكە گيگيەنا قۇرالدارى مەن تاتتىلەر بار.

ەلوردالىق تۇرىك ەتنومادەني ورتالىعىنىڭ توراعاسى اسكەر پيريەۆ جينالعاندارعا تىلەكتەرىن ايتىپ، باستامانى ۇنەمى قولداپ كەلە جاتقان قازاق زاعيپتار قوعامىنا العىس ءبىلدىردى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار