قازاقستان • 06 ناۋرىز، 2021

قازاقستان مەن قىرعىزستان «قورداي»، «اق جول» وتكىزۋ بەكەتتەرىنىڭ اشىلۋىن تالقىلادى

15 رەت كورسەتىلدى

جامبىل وبلىسىندا قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى جانە قىرعىزستان رەسپۋبليكاسىنىڭ كولىك، ساۋلەت، قۇرىلىس جانە كوممۋنيكاتسيالار مينيسترلىگىنىڭ وكىلدەرى اراسىندا كەزدەسۋ ءوتتى. وعان قر يد ۆيتسە-ءمينيسترى بەرىك قاماليەۆ جانە قىرعىزستان كولىك ءمينيسترىنىڭ ورىنباسارى تالانت سولتوباەۆ قاتىستى، دەپ حابارلايدى Egemen.kz

جيىنعا، سونداي-اق قر يدم اۆتوموبيل جولدارى كوميتەتىنىڭ، قوس مەملەكەتتىڭ شەكارا قىزمەتتەرىنىڭ جانە «قازاۆتوجول» ۇك» اق مەردىگەر ۇيىمدارىنىڭ وكىلدەرى قاتىستى. تاراپتار «قورداي» جانە «اق جول» وتكىزۋ بەكەتتەرىن رەسمي تۇردە اشۋ ماسەلەسىن تالقىلادى. بۇل، قىرعىزستان تاراپىنان «اق جول» وتكىزۋ بەكەتىندەگى جۇمىستار اياقتالعاننان كەيىن جانە ەپيدەميولوگيالىق جاعداي تۇراقتالعان كەزدە مۇمكىن بولماق.

قازاقستاندىق «قورداي» وتكىزۋ بەكەتىن رەكونسترۋكتسيالاۋ جۇمىستارى 100% اياقتالعان. ايتا كەتەيىك، جاڭارتىلعان «قورداي» بەكەتىنىڭ وتكىزۋ الەۋەتىن تاۋلىگىنە 2500 اۆتوكولىك پەن 25 مىڭ ادامعا دەيىن ۇلعايتۋ جوسپارلانعان. بۇدان بولەك، ۆيتسە-مينيستر بەرىك قاماليەۆ الماتى وبلىسىنداعى «ۇزىناعاش - وتار» رەسپۋبليكالىق ماڭىزى بار جولدىڭ 63-159 شاقىرىمىنداعى رەكونسترۋكتسيا جۇمىستارىن تەكسەردى. 63-101 شاقىرىمداعى ۋچاسكەدە مەردىگەر ۇيىم بارلىق نەگىزگى قۇرىلىس جۇمىستارىن جۇرگىزگەن. بۇل شارالار تولىقتاي 2021 جىلى تامامدالماق.

سونداي-اق، بيىل 101-143 شاقىرىمداعى رەكونسترۋكتسيالاۋ ۋچاسكەسىندە جاڭا مەردىگەردى انىقتاۋ ءۇشىن بايقاۋ وتكىزۋ كوزدەلۋدە. ءۇشىنشى ۋچاسكەدە جاڭارتۋ جۇمىستارى 2020 جىلى اياقتالعان بولاتىن. 143-159 شاقىرىمداعى قوزعالىس تولىقتاي اشىلدى. وسىلايشا، 2021 جىلدىڭ قورىتىندىسى بويىنشا پايدالانۋشىلار تاسجولدىڭ جاڭارتىلعان 58 شاقىرىم جولىمەن جۇرە الادى. ۆيتسە-مينيستر، سونداي-اق، «التىن وردا» نارىعى اۋماعىنداعى «الماتى-بىشكەك» اۆتوجولىنىڭ 16-19 شاقىرىمىنداعى ءجۇرىس بولىگىن كەڭەيتۋ باعىتىنداعى جۇمىس قارقىنىمەن تانىستى.

قازىر جولدى اباتتاندىرۋ جانە سىرتقى جارىقتاندىرۋ، قوزعالىس قيىلىسىنىڭ ارماتۋرالىق تورىن ورناتۋ، بۇرىلىس ماگيسترالدى وتپە جول مەن 4 ايالدامانى ورناتۋ بويىنشا جۇمىستار اياقتالۋعا تاياۋ. بۇل جۇمىستاردى 2021 جىلدىڭ 1 قازانىنا دەيىن اياقتاۋ جوسپارلانعان. بەرىك قاماليەۆ ۇلكەن الماتى اينالما جولىنىڭ قۇرىلىس الاڭىندا دا بولدى. ونداعى قۇرىلىس-مونتاجداۋ جۇمىستارى 2022 جىلى اياقتالادى دەپ كۇتىلۋدە.

بۇدان بولەك، شامالعان ستانتسياسىنداعى ەستاكادا قۇرىلىسىنىڭ بارىسى دا تەكسەرىلدى. وندا كولىك قۇرالدارى ءۇشىن قوزعالىس 2021 جىلدىڭ سوڭىنا دەيىن اشىلاتىن بولادى. كەزدەسۋلەر ناتيجەسىندە مەردىگەرلەرگە جوبالاردى ىسكە اسىرۋ بويىنشا بىرقاتار نۇسقاۋلار مەن تاپسىرمالار بەرىلدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار