ايماقتار • 05 ناۋرىز، 2021

ەلوردالىقتار اقپان ايىندا ءمامس-كە 3،2 ملرد تەڭگەدەن اسا جارنا اۋداردى

6 رەت كورسەتىلدى

ەلوردالىقتار 2021 جىلدىڭ باسىنان بەرى مەديتسينالىق ساقتاندىرۋ ءۇشىن 5،4 ملرد تەڭگەدەن اسا جارنا اۋداردى، ال اقپان ايىندا ءمامس ءۇشىن 3،2 ملرد تەڭگەدەن اسا جارنا ءتۇستى. بۇل تۋرالى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ءباسپاسوز قىزمەتى حابارلادى.

نۇر-سۇلتان قالاسى بويىنشا 2017 جىلدىڭ 1 شىلدەسى مەن 2021 جىلدىڭ 28 اقپانى ارالىعىندا مەديتسينالىق ساقتاندىرۋ ءۇشىن جيناقتالعان جارنانىڭ جالپى سوماسى 63،5 ملرد تەڭگەدەن اسادى.

«وسى جىلدىڭ اقپان ايىندا مەديتسينالىق ساقتاندىرۋ ءۇشىن ەلوردالىقتار 3،2 ملرد تەڭگەدەن اسا جارنا اۋدارعان. ونىڭ ىشىندە 1،5 ملرد تەڭگە – جۇمىس بەرۋشىلەر اۋدارىمدارى، ال جەكە كاسىپكەرلەردەن 1،7 ملرد تەڭگەدەن اسا جارنا تۇسكەن. سونداي-اق 2021 جىلعى 28 اقپانداعى جاعداي بويىنشا 6 333 ادام بىرىڭعاي جيىنتىق تولەم بويىنشا ءمامس-كە جارنا تولەگەن. الەۋمەتتىك مەديتسينالىق ساقتاندىرۋ قورىنا تۇسكەن بارلىق مىندەتتى الەۋمەتتىك مەديتسينالىق ساقتاندىرۋ جارنالارى، ياعني جيناقتالعان قارجى، سەنىمگەرلىك باسقارۋ تۋرالى جاسالعان كەلىسىمشارتقا سايكەس ۇلتتىق بانكتە ساقتالادى، مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى»، دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.

مەديتسينالىق ساقتاندىرۋ قورى پاتسيەنتتەر قۇقىعىن قورعايدى. سوندىقتان ازاماتتار ءموبيلدى قوسىمشالاردا ءوز دەرەكتەرىن تەكسەرۋگە جانە سايكەسسىزدىكتەر انىقتالعان جاعدايدا قوردىڭ ەلوردالىق فيليالىنا حابارلاۋعا بولادى. سونداي-اق 1406 تەلەفونىنا نەمەسە Qoldau 24/7 ءموبيلدى قوسىمشاسى ارقىلى بايلانىسۋعا بولادى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار