قازاقستان • 03 ناۋرىز، 2021

اقتوتى رايىمقۇلوۆا شىعارماشىل بالالارمەن كەزدەستى

31 رەت كورسەتىلدى

بۇگىن قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا ۇلتتىق كىتاپحانادا ەلىمىزدەگى بالالار مەن جاسوسپىرىمدەردىڭ كىتاپ وقۋىن قولداۋ جىلى اياسىندا وڭىرلەردەن كەلگەن شىعارماشىل بالالارمەن كەزدەستى، دەپ حابارلايدى Egemen.kz

اقمارال اعزامقىزى

سونىمەن قاتار ءىس-شاراعا مەملەكەت جانە قوعام قايراتكەرى مىرزاتاي جولداسبەكوۆ، اقىن، بالالار جازۋشىسى، ماناسشى، قازاقستاننىڭ ەڭبەك سىڭىرگەن قايراتكەرى بايانعالي ءƏلىمجانوۆ، قازاقستان جازۋشىلار وداعى نۇر-سۇلتان قالاسى فيليالىنىڭ ديرەكتورى داۋلەتكەرەي كəپ ۇلى زيالى قاۋىم وكىلدەرى قاتىستى.

جيىندا ءسوز العان اقتوتى رايىمقۇلوۆا مəدەنيەت جəنە سپورت مينيسترلىگى 2021-ءدى «قازاقستانداعى بالالار مەن جاسوسپىرىمدەردىڭ كىتاپ وقۋىن قولداۋ جىلى»، دەپ جاريالاعانىن، وسى جىلى اتقارىلاتىن ءىس-شارالار جايلى ايتىپ ءوتتى.

«بيىل عاسىرلار بويى بابالارىمىز اڭساعان تəۋەلسىزدىككە 30 جىل تولىپ وتىر. ەلباسى ن.نازارباەۆ: «كەشەگى بابامىزبەن عانا ەمەس، بۇگىنگى باعامىزبەن، ەرتەڭگى شامامىزبەن دە ماقتانا الاتىن ۇلت بولۋدى ويلاۋىمىز كەرەك»، دەگەن ۇندەۋ جولداعان ەدى.

مەملەكەت باسشىسى قاسىم-جومارت توقاەۆ وتكەن جىلعى جولداۋىندا بالالار مەن جاسوسپىرىمدەردىڭ شىعارماشىلىق جəنە سپورتتاعى əلەۋەتىن ارتتىرۋ بويىنشا ناقتى تاپسىرمالار بەردى.

«بىلىمدىدەن شىققان ءسوز، تالاپتىعا بولسىن كەز»،-دەپ ۇلى اقىن اباي اتامىز ايتقانداي، ەندىگى جەردە كىتاپ ارقىلى بالالار مەن جاسوسپىرىمدەرىمىزدىڭ تاربيەسىنە ءۇڭىلىپ، ولاردىڭ كىتاپ وقۋ مادەنيەتىن كوتەرۋىمىز قاجەت. الداعى ۋاقىتتا ءال-فارابي بابامىزدىڭ «تاربيەسىز بەرىلگەن ءبىلىم – ادامزاتتىڭ قاس جاۋى»،-دەگەن ءسوزى بالالارىمىزدىڭ بوي تۇزەر باعدارى بولۋعا ءتيىس. ياعني، ءبىزدىڭ ۇرپاعىمىز ءوزىن جەكە تۇلعا رەتىندە دامىتۋمەن قاتار مەملەكەتتىڭ وزىق يننوۆاتسيالارعا ساي وركەندەۋىنە زور ۇلەس قوسۋى قاجەت.

سونىڭ ىشىندە تۋعان جەرگە، قورشاعان ورتاعا، ءوز تاريحى مەن مادەنيەتىنە قۇرمەتپەن قاراپ، ورتاسىندا ۇلتتىق قۇندىلىقتاردى دارىپتەۋگە ءتيىس.

وسى ورايدا 2021 جىلدى «قازاقستانداعى بالالار مەن جاسوسپىرىمدەردىڭ كىتاپ وقۋىن قولداۋ جىلى» دەپ جاريالاۋ ءدال وسى باعىتتاعى وتە قاجەت، دۇرىس باستاما دەپ سانايمىن. ءوز كەزەگىندە مينيسترلىك بالالارىمىزدىڭ شىعارماشىلىق قابىلەتى مەن جاڭا باستامالارىنا ارقاشان دا قولداۋ كورسەتۋگە دايىن»، دەپ ايتتى مينيستر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز