ايماقتار • 03 ناۋرىز، 2021

قوستانايلىق قاسكۇنەم گۇل ساتاتىن دۇكەندى توناعان

11 رەت كورسەتىلدى

قوستانايدا پوليتسەيلەر گۇل ساتاتىن دۇكەندى توناعان كۇدىكتىنى قولعا ءتۇسىردى، دەپ حابارلايدى Polisia.kz.

28 اقپاندا ساعات 19:34-تە قوستاناي قالاسىنىڭ پب “102” پۋلتىنە جەڭىس كوشەسىندەگى گۇل دۇكەنىنىڭ تونالعانى تۋرالى حابارلاما كەلىپ ءتۇستى. ساتۋشىنىڭ ايتۋىنشا، بەيتانىس ادام دۇكەنگە كىرىپ، كەڭسە پىشاعىمەن قورقىتىپ، 21 مىڭ تەڭگە اقشا مەن گۇل شوقتارىن الىپ كەتكەن. دۇكەن ساتۋشىسى بىردەن پوليتسياعا قوڭىراۋ شالعاندىقتان، پاترۋلدىك پوليتسيا باتالونىنىڭ قىزمەتكەرلەرى داۋلەت دوسمايلوۆ پەن ارحات قايىرجانوۆ قالانى پاترۋلدەۋ بارىسىندا كۇدىكتىگە ۇقساس ادامدى ۇستادى، ساتۋشى ونى بىردەن تانىدى.

كۇدىكتى بۇرىن سوتتالماعان 31 جاستاعى جەرگىلىكتى تۇرعىن بولىپ شىقتى. ول ماس كۇيدە بولعان. ءتارتىپ ساقشىلارى گۇل شوعىن دۇكەنگە قايتاردى، الايدا كۇدىكتى ازامات اقشانىڭ ءبىر بولىگىن جۇمساپ ۇلگەرگەن. اتالعان فاكت بويىنشا قىلمىستىق كودەكستىڭ 191-بابىمەن (توناۋ) سوتقا دەيىنگى تەرگەۋ امالدارى جۇرگىزىلۋدە.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار