ايماقتار • 03 ناۋرىز، 2021

ەلوردادا سۋ تاسقىنى كەزەڭىنە دايىندىق قالاي ءجۇرىپ جاتىر

9 رەت كورسەتىلدى

ەلوردادا 4-5 ناۋرىز كۇندەرى كوكتەمگى سۋ تاسقىنىنا دايىندىق بويىنشا «كوكتەم 2021» رەسپۋبليكالىق كوماندالىق-شتابتىق وقۋ-جاتتىعۋ وتەدى. نۇر-سۇلتاندا الداعى سۋ تاسقىنى قاۋپى بار ماۋسىمعا قالاي دايىندالىپ جاتقانى تۋرالى ونلاين بريفينگتە قالالىق تجد باستىعىنىڭ ورىنباسارى ەسەن بايىروۆ ايتىپ بەردى، دەپ حابارلايدى قالا اكىمدىگىنىڭ رەسمي سايتى.

سپيكەردىڭ ايتۋىنشا، الدىن الا كونسۋلتاتيۆتىك گيدرولوگيالىق بولجامعا سايكەس ناۋرىز ايىندا ەلوردادا اۋا رايى جىلى، جاڭبىر مەن قار تۇرىندە جاۋىن-شاشىن قالىپتى شەكتەدە بولادى دەپ كۇتىلۋدە. «قازگودرومەت» رمك اقپاراتىنا سايكەس 2021 جىلدىڭ اقپان ايىندا توپىراقتىڭ قاتۋ تەرەڭدىگى 83 سم قۇرايدى، بۇل 2020 جىلدىڭ اقپانىنا قاراعاندا 45%-عا كوپ (52 مم). بارلىق وسى فاكتورلار سۋ تاسقىنىنان وتۋگە جۇمىلدىرىلعان قىزمەتتەردى دايىنداۋ كەزىندە ەسكەرىلەدى.

«نۇر-سۇلتان قالاسى بويىنشا 2021 جىلعى سۋ تاسقىنى كەزەڭىنە سۋ تاسقىنىنىڭ قاۋپى بار 29 ۋچاسكە انىقتالدى. ياعني 2019 جانە 2020 جىلدارمەن سالىستىرعاندا 8 ۋچاسكە ازايدى. 2021 جىلعى 25 اقپانداعى جاعداي بويىنشا قالا اۋماعىنان 906 286 تەكشە مەتردەن استام قار شىعارىلدى، بۇل رەتتە 11 پوليگوننىڭ ىشىندە تولتىرىلعان جانە جابىلعان پوليگون جوق. وتكەن جىلى تەك 2019 جىلدىڭ قاراشاسىنان باستاپ 2020 جىلعى 25 اقپانعا دەيىن قالا اۋماعىنان 4 ملن تەكشە مەتردەن استام قار شىعارىلدى، ياعني 2021 جىلعا قاراعاندا 82%-عا ارتىق. تابيعي جانە تەحنوگەندىك سيپاتتاعى تج دەن قويۋ جاعدايىنا قالا اكىمدىگى جەرگىلىكتى اۋقىمداعى تج جويۋعا ارنالعان ءىس-قيمىل جوسپارىن بەكىتتى»، - دەيدى ەسەن بايىروۆ.

ول ءوز سوزىندە قۇرامىندا 663 ادام جانە 185 بىرلىك تەحنيكا ازاماتتىق قورعاۋ ورگاندارىنىڭ توبى تۇراقتى دايىندىققا كەلتىرىلگەنىن ايتىپ ءوتتى. باسقارۋ ورگانى 2021 جىلعى 4-5 ناۋرىزدا «كوكتەم 2021» ركشج جوسپارلاندى، وندا ازاماتتىق قورعاۋدىڭ اۋماقتىق مەملەكەتتىك جۇيەسىنىڭ ازىرلىگىنە تەكسەرۋ جۇرگىزىلەدى.

«سۋ تاسقىنى زارداپتارىنىڭ الدىن الۋ جانە جويۋ ءۇشىن «استانا تازالىق» جشس 12،6 توننا ينەرتتى ماتەريالدار قورىن، 3،5 مىڭ قاپ دايىندادى. 2021 جىلعى 25 اقپانداعى جاعداي بويىنشا «استانا-ەنەرگيا» اق-نىڭ كومىر قورى 290 000 توننادان استام قاتتى وتىندى جانە 6 000 توننادان استام مازۋت قورىن قۇرايدى. سونداي-اق، 2020 جىلى تج كەزىندە حالىقتى قونىستاندىرۋ بويىنشا 4 قوناق ۇيمەن مەموراندۋمدار جاڭارتىلدى جانە جالپى سانى 1500 ادامعا 10 ۋاقىتشا ورنالاستىرۋ پۋنكتى دايىندىققا كەلتىرىلدى»، - دەيدى تجد وكىلى.

ءسوز سوڭىندا ول قالا تۇرعىندارى مەن قىزمەت كورسەتەتىن كومپانيالاردىڭ وكىلدەرى وزدەرىنە تيەسىلى اۋماقتا نەمەسە ۋچاسكەدە سۋ تاسقىنىنا قارسى ۋاقتىلى ءىس-شارالار جۇرگىزۋى، كىرەبەرىستەر مەن شاتىرلارىن قار مەن مۇزدان تازارتۋى كەرەكتىگىن ايتىپ ءوتتى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار