ايماقتار • 03 ناۋرىز، 2021

الماتى وبلىسىندا كولىك قاققان وقۋشى قىزدار كومادا جاتىر

502 رەت كورسەتىلدى

2 ناۋرىزدا الماتى وبلىسىندا ماس جۇرگىزۋشى جول شەتىندە تۇرعان ءتورت وقۋشى قىزدى قاققان. وبلىستىق دەنساۋلىق ساقتاۋ باسقارماسى قىزداردىڭ كومادا ەكەنىن ايتتى، دەپ حابارلايدى zakon.kz.

«2012 جىلعى بالانىڭ جاعدايى وتە اۋىر. وكپەگە اۋا جىبەرۋ اپپاراتىنا قوسىلعان. دياگنوزى: اۋىر ىلەسپە جاراقات، اۋىر اشىق كرانيوتسەرەبرالدى جاراقات، ميدىڭ قاتتى كونتۋزياسى، ەكى سان سۇيەگىنىڭ جابىق سىنۋى، 2-3 دارەجەلى تراۆماتيكالىق شوك. 3-4 دارەجەدەگى كوما. 2012 جىلعى ەكىنشى بالا. دياگنوزى: ىلەسپەلى اۋىر جاراقاتتار، اۋىر جابىق كرانيوتسەرەبرالدى جاراقات، ەكى سان سۇيەكتىڭ جابىق سىنۋى. 2 دارەجەلى كوما، 2-3 دارەجەلى تراۆماتيكالىق شوك. بالا وكپەگە اۋا جىبەرۋ اپپاراتىنا قوسىلعان. قارقىندى تەراپيا جۇرگىزىلۋدە. 2011 جىلعى ءۇشىنشى بالانىڭ دياگنوز: ىلەسپەلى جاراقات، ميدىڭ كونتۋزياسى، وڭ اياعىنىڭ ەكى سۇيەگىنى دە سىنعان، اشىق سىنىق، 1 دارەجەلى تراۆماتيكالىق شوك. بالانىڭ جاعدايى تۇراقتى»، دەلىنگەن دەنساۋلىق ساقتاۋ باسقارماسىنىڭ حابارلاماسىندا.

ايتا كەتسەك، 2021 جىلى 2 ناۋرىزدا ساعات 18.40-تا ۋاز اۆتوكولىگىن تىزگىندەگەن 54 جاستاعى ەڭبەكشىقازاق اۋدانى، كورام اۋىلىنىڭ تۇرعىنى ماس كۇيىندە (ورتاشا دارەجەدە) قورام اۋىلىندا ارزيەۆ كوشەسىمەن سولتۇستىك باعىتتا كەلە جاتىپ، اباي كوشەسىمەن قيلىستاعى جول شەتىندە تۇعان ەكى 8 جاسار جانە ەكى 9 جاستاعى قىزداردى قاعىپ كەتتى. سوققى سالدارىنان ءۇش بالا ءتۇرلى دەنە جاراقاتتارىمەن شەلەك اۋداندىق اۋرۋحاناسىنا جاتقىزىلدى.

جۇرگىزۋشى مەديتسينالىق ساۋىقتىرۋ پۋنكتىنە جەتكىزىلدى. قازىرگى ۋاقىتتا اتالعان جول اپاتىنا قاتىستى قر قىلمىستىق كودەكسىنىڭ 345-1 2-ءبولىمى، "كولىك قۇرالدارىن الكوگولدىك ماساڭ كۇيىندە باسقارعان ادامداردىڭ جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى، ابايسىزدا ادام دەنساۋلىعىنا اۋىر زيان كەلتىرۋ" بويىنشا سوتقا دەيىنگى تەرگەۋ باستالدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار