قازاقستان • 03 ناۋرىز، 2021

الەۋمەتتىك-ەڭبەك سالاسىن تسيفرلاندىرۋ قالاي جۇزەگە اسۋدا؟

14 رەت كورسەتىلدى

قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە الەۋمەتتىك-ەڭبەك سالاسىن تسيفرلاندىرۋ بويىنشا اتقارىلعان جۇمىستار جانە زاماناۋي تەحنولوگيالاردى پايدالانۋ ەسەبىنەن قر ەڭبەكمينىنىڭ قىزمەتتەرىنىڭ ساپاسىن جاقسارتۋ جوسپارلارى تۋرالى ايتتى.

ءوز ءسوزىنىڭ باسىندا ۆيتسە-مينيستر بۇگىنگى تاڭدا الەۋمەتتىك-ەڭبەك سالاسىندا 44 قىزمەت ءتۇرى كورسەتىلەتىنىن، ونىڭ ىشىندە 40 قىزمەت (91%) ەلەكتروندىق تۇردە كورسەتىلەتىنىن، ونىڭ 18-ءى پرواكتيۆتى ەكەنىن حابارلادى.

«2020 جىلدىڭ قورىتىندىسى بويىنشا 12،4 ملن قىزمەت كورسەتىلدى، ونىڭ ىشىندە 7،8 ملن قىزمەت ەلەكتروندىق تۇردە كورسەتىلدى. اعىمداعى جىلى اۆتوماتتاندىرىلعان قىزمەتتەردىڭ ۇلەسىن 93% - عا دەيىن جەتكىزۋ جوسپارلانۋدا. سونىمەن قاتار، مەملەكەت باسشىسىنىڭ 2020 جىلعى 1 قىركۇيەكتەگى قازاقستان حالقىنا جولداۋىندا ايتىلعان تاپسىرماعا سايكەس ءبىز زەينەتاقى مەن جاردەماقى تاعايىنداۋ مەن تولەۋگە بايلانىستى پروتسەستەردى تسيفرلاندىرۋ بويىنشا جۇمىس جۇرگىزىپ جاتىرمىز»، دەدى وسپانوۆ.

سونىمەن قاتار، ول كارانتين جانە شەكتەۋ شارالارى كەزەڭىندە قر ەڭبەكمينىنىڭ بارلىق قىزمەتتەرى ەلەكتروندىق نەمەسە پرواكتيۆتى فورماتقا اۋىستىرىلعانىنا قاراماستان، كورسەتىلەتىن ەلەكتروندىق قىزمەتتەردىڭ ۇلەسى ورتا ەسەپپەن 60% - دى، پرواكتيۆتى قىزمەتتەردىڭ ۇلەسى 12% - دى قۇرايتىنىن اتاپ ءوتتى. تالداۋ ناتيجەسىندە بەلگىلى ءبىر تەجەۋشى فاكتورلار انىقتالدى.

«مىسالى، ەڭ قاجەتتى قىزمەتتەردىڭ ءبىرى – بالا تۋ بويىنشا جاردەماقى تاعايىنداۋدى الايىق. 2020 جىلى 425،6 مىڭعا جۋىق بالا دۇنيەگە كەلدى، ونىڭ ىشىندە 58،3 مىڭ جاردەماقى پرواكتيۆتى تۇردە تاعايىندالدى. ءبىز نەگە سونشالىقتى از؟ دەگەن ويدا قالدىق. تالداۋ جۇرگىزىلدى، ناتيجەسىندە بىرقاتار تەجەۋشى فاكتورلار انىقتالدى. بۇل – تۋىستىق بايلانىستار بويىنشا دۇرىس ەمەس مالىمەتتەر، ءموبيلدى ازاماتتار بازاسىندا تەلەفون ءنومىرىن تىركەمەۋ، ازاماتتار تاراپىنان SMS-حابارلاماعا جاۋاپتىڭ بەرمەۋ، بانكتىك شوتتاردىڭ دۇرىس ەمەستىگى، مارتەبەسىنىڭ وزگەرۋى»، دەپ ءتۇسىندىردى ۆيتسە-مينيستر.

ەلەكتروندىق جانە پرواكتيۆتى فورماتتا كورسەتىلەتىن قىزمەتتەر ۇلەسىن ارتتىرۋ ماقساتىندا مۇددەلى مەملەكەتتىك ورگاندارمەن بىرلەسىپ، حالىققا قىزمەت كورسەتۋ تاسىلدەرى مەن پروتسەستەرىن وزگەرتۋ بويىنشا جۇمىس باستالدى، مەملەكەتتىك قىزمەت كورسەتۋدى ترانسفورماتسيالاۋ جانە رەينجينيرينگى بويىنشا ۇسىنىستار ازىرلەندى.

«قىزمەت الۋشىلارعا ىڭعايلى بولۋ ماقساتىندا ءبىز زەينەتاقى مەن جاردەماقى تاعايىنداۋعا وتىنىشتەردى ەكساۋماقتىق قابىلداۋ بويىنشا جۇمىس جۇرگىزىپ جاتىرمىز. ەندى ازاماتتار قاي جەردە ورنالاسقانىنا قاراماستان، كەز كەلگەن حالىققا قىزمەت كورسەتۋ ورتالىعىندا زەينەتاقى مەن جاردەماقى تاعايىنداۋعا ءوتىنىش بەرە الادى. قىزمەتتەردى كەزەڭ-كەزەڭمەن اۋىستىرۋدى اعىمداعى جىلعى 1 ساۋىردەن باستاپ ىسكە قوسۋ جوسپارلانۋدا»، دەپ تولىقتىردى وسپانوۆ.

سونىمەن قاتار، ۆيتسە-مينيستر اقپان ايىنىڭ سوڭىندا قر پرەزيدەنتى ۇلتتىق قوعامدىق سەنىم كەڭەسىنىڭ وتىرىسىندا بەرگەن مۇگەدەكتىگى بار ادامدارعا قولايلى جاعداي جاساۋ بويىنشا تاپسىرمانى ورىنداۋ تۋرالى ايتىپ بەردى.

«بۇگىنگى تاڭدا قازاقستاندىقتارعا مۇگەدەكتىكتى بەلگىلەۋ، جاردەماقىلاردى رەسىمدەۋ، تەحنيكالىق قۇرالدار مەن وڭالتۋ قىزمەتتەرىن الۋ ءۇشىن ءتۇرلى ينستانتسيالارعا بارۋعا تۋرا كەلەدى. ينستانتسيالارعا بارۋدى، قاعازباستىلىقتى، سونداي-اق كورسەتىلەتىن قىزمەتتى بەرۋشىلەردىڭ كورسەتىلەتىن قىزمەتتى الۋشىلارمەن بايلانىسىن بولدىرماۋ ماقساتىندا ءبىز پروتسەستەردى تسيفرلاندىرۋ بويىنشا جۇمىس جۇرگىزىپ جاتىرمىز. بۇل جەردە ءبىز مۇگەدەكتىكتى سىرتتاي بەلگىلەۋ تۋرالى ايتىپ وتىرمىز – ءوتىنىش بەرۋشى تەك مەديتسينالىق مەكەمەلەرگە جۇگىنەدى، قالعان پروتسەستەر ادامنىڭ قاتىسۋىنسىز اقپاراتتىق جۇيەلەردى ينتەگراتسيالاۋ ارقىلى وتەدى: جاردەماقىلار، الەۋمەتتىك قىزمەتتەر جانە تەحنيكالىق وڭالتۋ قۇرالدارى اۆتوماتتى تۇردە تاعايىندالادى. قازىردىڭ وزىندە بارلىق قاجەتتى اقپاراتتىق جۇيەلەردىڭ ينتەگراتسياسى جۇرگىزىلدى، دەنساۋلىق ساقتاۋ مينيسترلىگىمەن ينتەگراتسيانى اياقتاۋ عانا قالدى، بۇل جاقىن ارادا جاسالاتىن بولادى»، دەپ حابارلادى ەربول وسپانوۆ.

ول سونداي-اق، 2020 جىلى مۇگەدەكتىگى بار ادامدارعا تەحنيكالىق قۇرالدار (بۇدان ءارى – وتق) مەن وڭالتۋ قىزمەتتەرىن ءوندىرۋشى مەن جەتكىزۋشىنى ءوز بەتىنشە تاڭداۋعا مۇمكىندىك بەرەتىن الەۋمەتتىك قىزمەتتەر پورتالى (بۇدان ءارى – اقپ) ىسكە قوسىلعانىن، ال مەملەكەت ولاردىڭ قۇنىن جەتكىزۋشىگە وتەيتىنىن ەسكە سالدى.

«الەۋمەتتىك قىزمەتتەر پورتالى ادامي فاكتوردى، ياعني وسى سالاداعى سىبايلاس جەمقورلىق تاۋەكەلدەرىن تومەندەتۋدى ىنتالاندىرادى. وسى تسيفرلىق الاڭنىڭ ارقاسىندا كەزەكتىلىك پروتسەستەرى ايقىن بولدى، وتق جەتكىزۋ مەرزىمدەرى قىسقاردى، جەتكىزۋشىلەر ءوز رەيتينگتەرىن ارتتىرۋ ءۇشىن ءوز قىزمەتتەرىن بارىنشا ساپالى كورسەتۋگە مۇددەلى. ارينە، اۋىلدىق جەرلەردە ينتەرنەتپەن تولىق قامتىلماۋ، تاۋارلار مەن قىزمەتتەردى ساپاسىز جەتكىزۋشىلەر جانە الەۋەتتى جەتكىزۋشىلەردىڭ شەكتەۋلى سانى سياقتى تەجەۋشى فاكتورلار دا بار، بىراق بۇل باعىتتا ءبىز تسيفرلىق دامۋ مينيسترلىگىمەن بىرلەسىپ جۇمىس ىستەيمىز»، دەپ اتاپ ءوتتى ۆيتسە-مينيستر.

2020 جىلى اقپ-دا جەكە ىرىكتەۋدى تالاپ ەتپەيتىن وتق-نىڭ 55 ءتۇرىنىڭ 24-ءىن ساتىپ الۋ مۇمكىندىگى ىسكە اسىرىلدى. 28،8 مىڭ وڭالتۋدىڭ تەحنيكالىق قۇرالى بەرىلدى. 1 جىلدىڭ 2021 قاڭتارىنان باستاپ وتق-نىڭ 55 ءتۇرى قولجەتىمدى بولدى (تۇرلەرىن ەسكەرگەندە - 67). سونداي-اق پورتال ارقىلى جەكە كومەكشىنىڭ، ىمداۋ ءتىلى مامانىنىڭ قىزمەتتەرىنە جانە ساناتورلىق-كۋرورتتىق ەمدەلۋگە تاپسىرىس بەرۋگە بولادى.

«سونداي-اق، ءبىز وتباسىنىڭ تسيفرلىق كارتاسىن جاساۋ بويىنشا جۇمىس ىستەپ جاتىرمىز. جوبا قيىن ومىرلىك جاعدايداعى وتباسىلاردى اۆتوماتتى تۇردە انىقتاۋعا باعىتتالعان. دەرەكتەر ءبىلىم بەرۋ، ەكونوميكالىق جاعدايلار، دەنساۋلىق، سونداي-اق تۇرعىن ءۇي جانە الەۋمەتتىك جاعدايلار سياقتى ءتۇرلى باعىتتار بويىنشا مەملەكەتتىك ورگانداردىڭ ينتەگراتسيالانعان جۇيەلەرى نەگىزىندە قالىپتاستىرىلاتىن بولادى. بۇل ازاماتتاردىڭ ينستانتسيالارعا جۇگىنۋىن كۇتپەي-اق، ءتۇرلى سالالاردان بەلسەندى تۇردە كەشەندى قولداۋ شارالارىن كورسەتۋگە، سونداي-اق قولجەتىمدى ينديكاتورلار ارقىلى وتباسىنىڭ الەۋمەتتىك جاعدايىنىڭ ناشارلاۋىنا بولجام جاساۋعا مۇمكىندىك بەرەدى»، دەپ تولىقتىردى ەربول وسپانوۆ.

ۆيتسە-مينيستر سونداي-اق ەلەكتروندىق ەڭبەك بيرجاسى (بۇدان ءارى-ەبت) پورتالىنىڭ جۇمىسىن جەتىلدىرۋ تۋرالى حاباردار ەتتى. بۇل رەسۋرس 2018 جىلى ىسكە قوسىلدى جانە جۇمىس بەرۋشىلەردەن، مەملەكەتتىك جۇمىسپەن قامتۋ ورتالىقتارىنان جانە جەكە جۇمىسپەن قامتۋ اگەنتتىكتەرىنەن، ونلاين-الاڭداردان تۇسەتىن بوس جۇمىس ورىندارىن، سونداي-اق جەكە تۇلعالاردىڭ تۇيىندەمەلەرىن جيناقتايدى.

«2020 جىلى ەەب ارقىلى 532 مىڭنان استام ادام جۇمىسقا ورنالاستىرىلدى، ونىڭ ىشىندە 319 مىڭى تۇراقتى جۇمىس ورىندارىنا جانە 213 مىڭى ۋاقىتشا جۇمىسقا ورنالاستىرىلدى. جىل باسىنان بەرى ەەب كومەگىمەن 101 مىڭ ادام جۇمىس تاپتى»، دەدى ول.

بۇدان باسقا، رەسۋرستا جۇمىسپەن قامتۋ ورتالىقتارىنىڭ قىزمەتتەرىن ۇسىناتىن جاڭا سەرۆيستەر ىسكە قوسىلدى. وبلىس ورتالىقتارىنىڭ، وبلىستىق، رەسپۋبليكالىق ماڭىزى بار قالالاردىڭ جانە استانانىڭ تۇرعىندارى ءۇشىن جۇمىس ىزدەپ جۇرگەن ادامداردى جانە جۇمىسسىزداردى تىركەۋ، مەملەكەت سۋبسيديالايتىن جۇمىس ورىندارىنا جىبەرۋ (الەۋمەتتىك جۇمىس ورىندارى، قوعامدىق جۇمىستار، جاستار پراكتيكاسى)، ەرىكتى قونىس اۋدارۋعا جاردەمدەسۋ سياقتى قىزمەتتەردى ونلاين رەجيمدە كورسەتۋ مۇمكىندىگى بەرىلدى.

«سونداي-اق، ەڭبەك شارتتارىن ەسەپكە الۋدىڭ بىرىڭعاي جۇيەسى (e-HR) بەلسەندى قولدانىلادى، وندا جۇمىس بەرۋشىلەر ەڭبەك شارتتارىن تىركەيدى. وسىنىڭ ارقاسىندا جۇمىسقا ورنالاستىرۋ جەڭىلدەيدى جانە اشىقتىق جوعارىلايدى، ازاماتتاردىڭ ەڭبەك قۇقىقتارىنىڭ ساقتالۋىنا مونيتورينگ جۇرگىزىلەدى، كادرلىق ءىس جۇرگىزۋ اۆتوماتتاندىرىلادى. جۇيە ەلەكتروندىق جەكە ءىستى قالىپتاستىرۋعا جانە ەڭبەك رەسۋرستارىنا قاجەتتىلىكتى بولجاۋعا قابىلەتتى. بۇگىنگى تاڭدا 3،9 ملن كەلىسىمشارت تىركەلىپ، 150 مىڭ ۇيىم قوسىلدى، بۇل بارلىق جۇمىس ىستەيتىندەردىڭ 70% - ىن قۇرايدى. اعىمداعى جىلى ءبىزدىڭ الدىمىزدا ەڭبەك شارتتارىنىڭ كەمىندە 85% - ىن تىركەۋ مىندەتى تۇر»، دەپ تولىقتىردى ەربول وسپانوۆ.

ءوز ءسوزىنىڭ سوڭىندا ول قر ەڭبەكمينى «تسيفرلىق قازاقستان» مەملەكەتتىك باعدارلاماسى اياسىندا ازاماتتاردىڭ الەۋمەتتىك مارتەبەسىن راستاۋ پروتسەسىن اۆتوماتتاندىرۋ جانە قاعازعا بالاما رەتىندە تسيفرلىق قۇجاتتاردى ەنگىزۋ جۇرگىزىلىپ جاتقانىن حابارلادى.

«2020 جىلى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ «eGov mobile» موبيلدىك قوسىمشاسىنا «زەينەتكەر كۋالىگى»، «قانداس كۋالىگى»، «الەۋمەتتىك ID» (ازاماتتىڭ بارلىق بەلسەندى مارتەبەلەرى بويىنشا جيناقتالعان قۇجات) تسيفرلىق قۇجاتتارى شىعارىلدى. بيىل كوپبالالى وتباسى مۇشەسىنىڭ قۇجاتتارى، مۇگەدەكتىگى بار ادامنىڭ، اتاۋلى الەۋمەتتىك كومەك الۋشىنىڭ، جۇمىسسىزداردىڭ كۋالىكتەرى تسيفرلاندىرىلادى»، دەپ تۇيىندەدى وسپانوۆ.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار